រាជធានីភ្នំពេញ ៖ ផ្ទះ១ខ្នងសង់ពី ឈើខាងលើ និងថ្មក្រោមប្រក់ដំបូលស័ង្កសីត្រូវបានអគ្គិភ័យឆាបឆេះយ៉ាងសន្ធោសន្ធៅដែលតាមការអះអាងថា បណ្តាលមកពីទុស្សេខ្សែភ្លើង ហើយសំណាងល្អដែលមិនបានឆាបឆេះរាលដាលដល់ផ្ទះអ្នកជិតខាង និងត្រូវបានរថយន្តពន្លត់អគ្គិភ័យចេញអន្តរាគមន៍ទាន់ពេលវេលា និងមិនមានមនុស្សណាម្នាក់រងរបួសឡើយ ។
រាជធានីភ្នំពេញ ៖ ផ្ទះ១ខ្នងសង់ពី ឈើខាងលើ និងថ្មក្រោមប្រក់ដំបូលស័ង្កសីត្រូវបានអគ្គិភ័យឆាបឆេះយ៉ាងសន្ធោសន្ធៅដែលតាមការអះអាងថា បណ្តាលមកពីទុស្សេខ្សែភ្លើង ហើយសំណាងល្អដែលមិនបានឆាបឆេះរាលដាលដល់ផ្ទះអ្នកជិតខាង និងត្រូវបានរថយន្តពន្លត់អគ្គិភ័យចេញអន្តរាគមន៍ទាន់ពេលវេលា និងមិនមានមនុស្សណាម្នាក់រងរបួសឡើយ ។
ហេតុការណ៍នោះបានកើតឡើងកាលពីវេលាម៉ោង៦និង៥០នាទីល្ងាចថ្ងៃទី២១ កញ្ញា ២០១២ ដែលផ្ទះរងគ្រោះមានទីតាំងស្ថិតនៅតាមបណ្តោយផ្លូវបេតុងចូលវត្តអង្គតាមិញ ភូមិប៉ប្រកខាងត្បូង សង្កាត់កាកាប ខណ្ឌពោធិ៍សែនជ័យ។ ម្ចាស់ផ្ទះខាងលើនោះប្តីឈ្មោះឌុក គឿន អាយុ៤៦ឆ្នាំ និងប្រពន្ធឈ្មោះគៀង សាវ៉ុន អាយុ៤០ឆ្នាំ ជាអ្នកលក់ដូរពួកគាត់រួមជាមួយកូនៗរបស់គាត់មិនមានរងរបួសឡើយ ហើយតាមការអះអាងថា នៅក្នុងហេតុការណ៍នោះបានធ្វើឱ្យផ្ទះទាំងមូលត្រូវភ្លើងឆាបឆេះអស់ទាំងស្រុងរួមជាមួយទ្រព្យសម្បត្តិ និងលុយកាក់ចំនួន៥ពាន់ដុល្លារផងដែរ។
ប្រភពព័ត៌មានឱ្យដឹងថា មុនពេលកើតហេតុនៅខាងលើផ្ទះនោះ មិនមានមនុស្សណាម្នាក់ស្នាក់នៅទេ គឺម្ចាស់ផ្ទះបាននាំគ្នាទៅក្នុងបន្ទប់ខាងក្រោមទាំងអស់គ្នា ខណៈនោះភ្លើងបានជាប់ផ្តើមឆាបឆេះខាងលើមុន រហូតដល់មានអណ្តាតភ្លើងសន្ធោសន្ធៅទៅហើយ ទើបម្ចាស់បានដឹង និងមានការភ្ញាក់ផ្អើល ។ បន្ទាប់ពីមានហេតុការណ៍បែបនេះអាជ្ញាធរ និងសមត្ថកិច្ចមូលដ្ឋានបានចេញអន្តរាគមន៍ និងហៅរថយន្តពន្លត់អគ្គិភ័យទៅបាញ់ទឹកពន្លត់ភ្លាមៗ ព្រោះខ្លាចភ្លើងឆាបឆេះរាលដាលដល់ផ្ទះដែលស្ថិតនៅជិតនោះទៀត ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ