ខេត្តកំពង់ឆ្នាំង ៖ កុមារាអាយុ២ឆ្នាំម្នាក់បានរងរបួសរលាកទឹកសម្លកំពុងពុះមួយកំណាត់ខ្លួនចុះក្រោម កាលពីវេលាម៉ោង៧និង៣០នាទីយប់ថ្ងៃទី១៩ កញ្ញា នៅលើផ្ទះរបស់ខ្លួន ស្ថិតក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ខណៈក្មេងប្រុសរូបនេះរត់លេងលើផ្ទះ ។
ខេត្តកំពង់ឆ្នាំង ៖ កុមារាអាយុ២ឆ្នាំម្នាក់បានរងរបួសរលាកទឹកសម្លកំពុងពុះមួយកំណាត់ខ្លួនចុះក្រោម កាលពីវេលាម៉ោង៧និង៣០នាទីយប់ថ្ងៃទី១៩ កញ្ញា នៅលើផ្ទះរបស់ខ្លួន ស្ថិតក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ខណៈក្មេងប្រុសរូបនេះរត់លេងលើផ្ទះ ។
ស្ត្រីឈ្មោះសូ ព្រីម អាយុ៤៥ឆ្នាំ ដែលត្រូវជាម្តាយនិយាយថា កូនប្រុសគាត់ដែលរលាកទឹកសម្លកំពុងពុំនេះឈ្មោះព្រុំ ពេជភិរុណ ។ នៅថ្ងៃកើតហេតុ ខណៈគាត់មកពីធ្វើការវិញបានដាំបាយនិងស្ល លុះពេលទឹកសម្លកំពុងពុះតែមិនទាន់បានដាក់បន្លែ ត្រី សាច់ ទេ ស្រាប់តែកូនប្រុសគាត់រត់លេងទៅជំពប់ជើងដួលលើឆ្នាំងសម្លបណ្តាលឱ្យរលាកមួយកំណាត់ខ្លួនត្រឹមចង្កេះចុះក្រោមតែម្តង ។ ភ្លាមៗនោះ គាត់ប្រញាប់លើកកូនប្រុសជ្រលក់ត្រាំទឹកពាង ហើយយកកូនមកមន្ទីរពេទ្យជាបន្ទាន់ផងដែរ ។
ក្រុមគ្រូពេទ្យដែលបានជួយសង្គ្រោះកុមារខាងលើនិយាយថា កុមាររងគ្រោះរលាកធ្ងន់មួយកំណាត់ចុះក្រោម ប៉ុន្តែមិនមានការប៉ះពាល់ផ្នែកខាងលើដែលនាំឱ្យមានការបារម្ភពីស្ថានភាពរបួសនោះឡើយ ៕
ចែករំលែកព័តមាននេះ