ខេត្តបន្ទាយមានជ័យ ៖ បន្ទាប់ពីសារព័ត៌មានកោះសន្តិភាព បានចុះផ្សាយអំពីជីវិតឯកោក្នុងវ័យជរារបស់លោកតា គង់ រស់ អាយុ៨៥ឆ្នាំ និងលោកយាយ ហែម ពិ អាយុ៩០ឆ្នាំ កំពុងរស់នៅភូមិហ្លួង ឃុំឫស្សីក្រោក ស្រុកមង្គលបុរី ក្នុងខ្ទមដ៏កម្សត់ និងធ្លុះធ្លាយ រួចមក សប្បុរសជនបានរួមគ្នាឧបត្ថម្ភនូវថវិកាចំនួន៣៣៥ដុល្លារអាមេរិក និង១៣មឺុន៦ពាន់រៀល តាមរយៈអ្នកយកព័ត៌មានកោះ
ខេត្តបន្ទាយមានជ័យ ៖ បន្ទាប់ពីសារព័ត៌មានកោះសន្តិភាព បានចុះផ្សាយអំពីជីវិតឯកោក្នុងវ័យជរារបស់លោកតា គង់ រស់ អាយុ៨៥ឆ្នាំ និងលោកយាយ ហែម ពិ អាយុ៩០ឆ្នាំ កំពុងរស់នៅភូមិហ្លួង ឃុំឫស្សីក្រោក ស្រុកមង្គលបុរី ក្នុងខ្ទមដ៏កម្សត់ និងធ្លុះធ្លាយ រួចមក សប្បុរសជនបានរួមគ្នាឧបត្ថម្ភនូវថវិកាចំនួន៣៣៥ដុល្លារអាមេរិក និង១៣មឺុន៦ពាន់រៀល តាមរយៈអ្នកយកព័ត៌មានកោះសន្តិភាពប្រចាំខេត្តបន្ទាយមានជ័យ ហើយត្រូវបានអ្នកយកព័ត៌មាននាំយកថវិកាទាំងនោះ ទៅប្រគល់ជូនលោកតា និងលោកយាយផ្ទាល់នៅព្រឹកថ្ងៃទី ២១ កញ្ញា ។
នៅក្នុងឱកាសនាំយកថវិកាទៅជូនលោកយាយលោកតានោះដែរ ក៏មានការចូលរួមពីលោក ឃឹម ម៉ារ៉ា នាយប៉ុស្តិ៍នគរបាលរដ្ឋបាលឫស្សី ក្រោក កញ្ញា ជិម សៅឌី ក្រុមប្រឹក្សាឃុំ និងលោក ជិន ហម មេភូមិហ្លួង ព្រមទាំងប្រជាពលរដ្ឋជិតខាងជាច្រើននាក់ទៀត ។
លោកណុប រក្សា តំណាងម្ចាស់អំណោយ និងជាអ្នកយកព័ត៌មានកោះសន្តិភាព បានជម្រាបជូនដល់អាជ្ញាធរមូលដ្ឋាន ក៏ដូចជាប្រជាពលរដ្ឋ និងលោកតាលោកយាយជ្រាបថា ថវិកាដែលនាំយកមកប្រគល់ជូនលោកតា គង់ រស់ និងលោកយាយ ហែម ពិ នាពេលនេះ គឺជាអំណោយរបស់ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងលោកជំទាវព្រមទាំងបុត្រ លោកឧញ៉ា ស្រី ងួន និងលោកជំទាវឧកញ៉ា ស្រី វុទ្ធី ព្រមទាំងបុត្រ ចំនួន៣០០ដុល្លារ ។ លោក សារិ ផល្លា និងភរិយាព្រមទាំងបុត្រ៥៦.០០០ រៀល កញ្ញា ស្រី ពៅ ៥ដុល្លារ កញ្ញារស្មី ១០ដុល្លារ កញ្ញាធារី ១មឺុនរៀល លោកបេ សុខឡេង លោកស្រី សុខ គឹមជា និងកូនអេង វួចលាង, អេង យូហេង ២០ដុល្លារ លោកញ៉ែត សារ៉ាត់ ៥មឺុនរៀល លោកគ្រី គឹមឃាន់ ក្រឡាបញ្ជីអមសាលាដំបូងរាជធានីភ្នំពេញ២មឺុនរៀល។
លោកណុប រក្សា បានបន្តថា ជានិច្ចកាលឯកឧត្តមបណ្ឌិត អ៊ុក រ៉ាប៊ុន លោកឧកញ៉ា ស្រី ងួន និងលោកជំទាវឧកញ៉ា ស្រី វុទ្ធី តែងតែយកចិត្តទុកដាក់ជួយឧបត្ថម្ភអំណោយជាថវិកាតាមរយៈកាសែតកោះសន្តិភាព ដើម្បីយកទៅប្រគល់ជូនជនចាស់ជរាដែលគ្មានទីពឹងនៅក្នុងខេត្តបន្ទាយមានជ័យនេះ ។
តាមការរៀបរាប់បំភ្លឺពីលោក ជិន ហម មេភូមិហ្លួង បានប្រាប់អ្នកយកព័ត៌មានថា លោកតាគង់ រស់ និងលោកយាយ ហែម ពិ ពុំមានដីធ្លីផ្ទះសម្បែងទេ ហើយខ្ទមដែលគាត់នៅសព្វថ្ងៃនេះ គឺគាត់សុំគេស្នាក់នៅបណ្តោះអាសន្ន ខណៈពេលដែលម្ចាស់ខ្ទមនេះ គេទៅធ្វើការងារនៅឯប្រទេសថៃ ។ ចំណែកលោកតានិងលោកយាយ ក៏បាននិយាយរៀបរាប់ទាំងអួលដើម.កថា គាត់មានកូនប្រុស ស្រីចំនួន៥នាក់ តែស្លាប់អស់នៅតែកូនប្រុសម្នាក់ តែកូនប្រុសនោះគេនាំប្រពន្ធនិងកូនរបស់គេចាកចោលរូបគាត់ទាំង២នាក់អស់រយៈពេល១០ឆ្នាំ មកហើយ ចាប់តាំងពីគាត់ធ្លាក់ខ្លួនចាស់ជរាមក ។
ឯការរស់នៅសព្វថ្ងៃ ដោយគាត់ប្រកបរបរដើរលក់នំប័ុងបានកម្រៃបន្តិចបន្តួច និងបានអ្នកជិតខាងគេផ្តល់ជាអង្ករឬម្ហូបអាហារខ្លះដែរ គ្រាកំដររស់សម្រាប់ជីវិតចុងក្រោយរបស់ពួកគាត់ ។លោកតានិងលោកយាយ បានថ្លែងអំណរគុណដល់សប្បុរសជនចិត្តបុណ្យទាំងអស់ សូមឱ្យជួបតែសេចក្តីសុខសេចក្តីចម្រើន គ្រប់ពេលវេលា ៕
ចែករំលែកព័តមាននេះ