កីឡាការិនីតៃវ៉ាន់ Hsieh Su-Weiបានសម្តែងនូវក្តីរីករាយជាខ្លាំងបន្ទាប់ពីនាងបានក្លាយជាម្ចាស់ពានកម្មវិធី Guangzhou Openប្រចាំឆ្នាំ២០១២នៅប្រទេសចិនកាលពីថ្ងៃសៅរ៍ទី២២កញ្ញាកន្លងមកនេះ ។ ការប្រកួតក្នុងវគ្គផ្តាច់ព្រ័ត្រនេះត្រូវបានរៀបចំធ្វើនៅទីក្រុង Guangzhouខេត្ត Guangdongប្រទេសចិន ។
កីឡាការិនីតៃវ៉ាន់ Hsieh Su-Weiបានសម្តែងនូវក្តីរីករាយជាខ្លាំងបន្ទាប់ពីនាងបានក្លាយជាម្ចាស់ពានកម្មវិធី Guangzhou Openប្រចាំឆ្នាំ២០១២នៅប្រទេសចិនកាលពីថ្ងៃសៅរ៍ទី២២កញ្ញាកន្លងមកនេះ ។ ការប្រកួតក្នុងវគ្គផ្តាច់ព្រ័ត្រនេះត្រូវបានរៀបចំធ្វើនៅទីក្រុង Guangzhouខេត្ត Guangdongប្រទេសចិន ។
Su-Weiបានយកឈ្នះការប្រកួតក្នុងលទ្ធផល៦-៣,៥-៧និង៦-៤ដោយប្រើអស់ថិរវេលា ២ម៉ោងនិង៤៨នាទីបញ្ចប់ក្តីសង្ឃឹមរបស់នាង Robsonក្នុងការយកឈ្នះពានជើងឯកសមាគម WTAជាលើកទី១ក្នុងអាជីព ។ នេះគឺជាពានសមាគម WTA Tourលើកទី២ហើយនៅក្នុងអាជីពនាង Su-Wei ។
សម្រាប់ Robson វិញ ការបរាជ័យលើកនេះបានបញ្ចប់នូវការរង់ចាំរបស់នាងក្នុងការក្លាយខ្លួនជាកីឡាការិនីអង់គ្លេសដំបូងគេរយៈពេល២៤ឆ្នាំដើម្បីយកឈ្នះពាន WTA Tour ផងដែរ ។ដោយបានយកឈ្នះមេដាយប្រាក់អូឡាំពិកទីក្រុងឡុង និងឈានដល់វគ្គ១៦នាក់ចុងក្រោយនៃក្របខណ្ឌធំ U.S. Open ពេលនេះរដូវកាលប្រកួតរបស់នាងអាចនិយាយបានថា កំពុងកាក់កបនិងបន្តនៅលើផ្លូវដ៏ល្អមួយ ។ នាងបានថ្លែងថា ៖«បន្ទាប់ពីបញ្ចប់ការប្រកួតនៅទីក្រុងនូវយ៉ក ខ្ញុំមានទំនុកចិត្តលើខ្លួនឯងយ៉ាងខ្លាំង ។ ទោះជាយ៉ាងណា នៅមានចន្លោះប្រហោងជាច្រើនទៀតដែលខ្ញុំត្រូវកែលំអ ។ ដូច្នេះអ្វីដែលខ្ញុំព្យាយាមផ្តោតការយកចិត្តទុកដាក់បំផុតនោះគឺកែលំអបច្ចេកទេសប្រកួតនិងស្តាប់ដំបូន្មានគ្រូបង្ហាត់ »។
ឈានចូលមកដល់វគ្គផ្តាច់ព្រ័ត្រនេះ Robsonបានបំបាក់កីឡាការិនីម្ចាស់ផ្ទះអស់២នាក់រួមនឹងកីឡាការិនីរូម៉ានី Sorana Cirstea នៅក្នុងវគ្គពាក់កណ្តាលផ្តាច់ព្រ័ត្រដោយមិនឱ្យតបតបានទៀតផង ។ នាងបាននិយាយថា ៖«វគ្គពាក់កណ្តាលផ្តាច់ព្រ័ត្រពិតជាការប្រកួតដ៏ស្វិតស្វាញមួយពីព្រោះនាង Cirsteaបានវាយលុកយ៉ាងខ្លាំងក្លាបំផុត ។ ដូច្នេះការយកឈ្នះនាងលើកនោះ ពិតជាការងារពិបាកមួយមែន »៕
ចែករំលែកព័តមាននេះ