ខេត្តក្រចេះ ៖ បុរសអគតិម្នាក់ត្រូវកម្លាំងនគរបាលនៃអធិការដ្ឋានស្រុកចាប់ខ្លួនបន្ទាប់ពីរំលោ.ភសន្ថវៈលើក្មេងស្រីអាយុ៣ឆ្នាំ ។ ការឃាត់ខ្លួនធ្វើឡើង កាលពីថ្ងៃទី១៩ កញ្ញា នៅក្នុងទីតាំងក្រមហ៊ុនចំការកៅស៊ូមួយ ស្ថិតក្នុង ឃុំអូរគ្រៀង ស្រុកសំបូរ ក្រោយពេលទទួលបានពាក្យបណ្តឹងរបស់ម្តាយក្មេងស្រីរងគ្រោះ ។
ខេត្តក្រចេះ ៖ បុរសអគតិម្នាក់ត្រូវកម្លាំងនគរបាលនៃអធិការដ្ឋានស្រុកចាប់ខ្លួនបន្ទាប់ពីរំលោភសន្ថវៈលើក្មេងស្រីអាយុ៣ឆ្នាំ ។ ការឃាត់ខ្លួនធ្វើឡើង កាលពីថ្ងៃទី១៩ កញ្ញា នៅក្នុងទីតាំងក្រមហ៊ុនចំការកៅស៊ូមួយ ស្ថិតក្នុង ឃុំអូរគ្រៀង ស្រុកសំបូរ ក្រោយពេលទទួលបានពាក្យបណ្តឹងរបស់ម្តាយក្មេងស្រីរងគ្រោះ ។
លោកអនុសេនីយ៍ទោ នួន សារិន នាយផ្នែកព្រហ្មទណ្ឌនៃអធិការដ្ឋានស្រុកសំបូរបានឱ្យដឹងថា ជនសង្ស័យដែលកម្លាំងនគរបាលបានចាប់ខ្លួនឈ្មោះសុង សុផាន់នី អាយុ៤៣ឆ្នាំ មានស្រុកកំណើតនៅខេត្តព្រៃវែង និងបានមកធ្វើជាកម្មករចំការកៅស៊ូ ។ តាមពាក្យបណ្តឹងរបស់ស្ត្រី ជាម្តាយក្មេងស្រីរងគ្រោះបានប្រាប់សមត្ថកិច្ចថា ថ្ងៃកើតហេតុ គាត់បានទៅធ្វើការដោយទុកកូនស្រី២នាក់ឱ្យនៅចាំផ្ទះ កូនស្រីបងអាយុ៨ឆ្នាំ និងកូនស្រីប្អូនអាយុ៣ឆ្នាំ ។ ប្រភពដដែលបន្តថា ដោយសារតែបុរសជាប់ចោទជាមនុស្សស្គាល់គ្នា ក៏បណ្តោយឱ្យបុរសនោះនាំកូនស្រីអាយុ៣ឆ្នាំទៅលេងផ្ទះក្នុងក្រុមហ៊ុននោះ ។ ដោយបាត់ប្អូនស្រីយូរពេក ទើបកូនស្រីបងអាយុ៨ឆ្នាំទៅតាម ក៏ឃើញបុរសអគតិនោះ កំពុងតែចាប់ប្អូនស្រីអាយុ៣ឆ្នាំរំលោភ ។ ក្រោយពីឃើញសភាពបែបនេះកូនស្រីបងអាយុ៨ឆ្នាំ រត់ទៅប្រាប់គេឯងក្នុងភូមិឱ្យជួយ ក៏ផ្អើលឆោឡោឡើង ធ្វើឱ្យបុរសជាប់ចោទទម្លាក់កូនស្រីចុះ រួចបានគេចខ្លួនទៅបាត់ស្រមោល។
លោកនាយផ្នែកព្រហ្មទណ្ឌនគរបាលស្រុកបានបញ្ជាក់ថា ជនល្មើសត្រូវបានចាប់ខ្លួនភ្លាមៗបន្ទាប់ទទួលបានពាក្យបណ្តឹង និងបាននាំមកកាន់អធិការដ្ឋានស្រុក ដើម្បីកសាងសំណុំរឿងតាមផ្លូវច្បាប់ ៕
ចែករំលែកព័តមាននេះ