ខេត្តពោធិ៍សាត់ ៖ កាលពីថ្ងៃទី១៩ កញ្ញាកន្លងទៅនេះ លោកសុខ វិសាល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោកបណ្ឌិត ណៅ ធួក ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផល បានដឹកនាំសមត្ថកិច្ចចម្រុះរួមមានសមត្ថកិច្ចរដ្ឋបាលជលផល តំណាងអាជ្ញាធរមូលដ្ឋាន និងកងកម្លាំងប្រដាប់អាវុធ បើកប្រតិបត្តិការធ្វើអធិការកិច្ចបទល្មើស
ខេត្តពោធិ៍សាត់ ៖ កាលពីថ្ងៃទី១៩ កញ្ញាកន្លងទៅនេះ លោកសុខ វិសាល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោកបណ្ឌិត ណៅ ធួក ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផល បានដឹកនាំសមត្ថកិច្ចចម្រុះរួមមានសមត្ថកិច្ចរដ្ឋបាលជលផល តំណាងអាជ្ញាធរមូលដ្ឋាន និងកងកម្លាំងប្រដាប់អាវុធ បើកប្រតិបត្តិការធ្វើអធិការកិច្ចបទល្មើសនេសាទនៅក្នុងភូមិសាស្ត្រសំខាន់ៗក្នុងខេត្តពោធិ៍សាត់ ដោយចាប់ផ្តើមរុករកពីចំណុចចំណងក្របី ឃុំកំពង់ហ្លួង ស្រុកក្រគរ និងចំណុចចុងស្ទឹងព្រែកចាម ឃុំកញ្ជរ ស្រុកកណ្តៀង ប្រទះឃើញបទល្មើសមួយចំនួន ដែលជនល្មើសបានលបលួចដាក់នៅតំបន់ព្រៃលិចទឹកពិបាកចូលទៅដល់ ក្នុងគោលបំណងបិទបាំងសមត្ថកិច្ចរដ្ឋបាលជលផល ។
លោកហុង ហ៊ី នាយអធិការដ្ឋានរដ្ឋបាលជលផលខាងត្បូងបឹងទន្លេសាបឱ្យដឹងថា បទល្មើសនេសាទក្នុងខេត្តពោធិ៍សាត់ មានការថយចុះច្រើន បើធៀបទៅនឹងឆ្នាំមុន ។ ចំណែកសមត្ថកិច្ចចម្រុះនៅទីនោះឱ្យដឹងបន្ថែមទៀតថាដំណាក់កាលនេះ គឺឋិតក្នុងរដូវបិទនេសាទដោយផ្អែកលើច្បាប់ស្តីពីជលផលត្រង់ជំពូក៤ មាត្រាទី១៦ បានកំណត់ច្បាស់ថា ជារៀងរាល់ឆ្នាំ ដែននេសាទនៅផ្នែកខាងជើងខ្សែស្របទន្លេចតុមុខ ត្រូវបិទចាប់ពីថ្ងៃទី១ ខែមិថុនាដល់ថ្ងៃទី៣១ ខែតុលា ។
លោកបណ្ឌិត ណៅ ធួក មានប្រសាសន៍ថា បច្ចុប្បន្នប្រជាពលរដ្ឋយើងមួយចំនួននៅតែមិនទាន់យល់ដឹងអំពីសភាពការណ៍ថ្មីនៃការគ្រប់គ្រងធនធានជលផលស្ថិតនៅលើមាគ៌ាដ៏ស៊ីជម្រៅ បន្ទាប់ពីរាជរដ្ឋាភិបាលបានសម្រេចលុបរំសាយឡូត៍នេសាទទាំងអស់នៅក្នុងទូទាំងប្រទេស ដើម្បីផ្តល់លទ្ធភាពជូនប្រជាពលរដ្ឋប្រកបរបរនេសាទ និងជំនួសមកវិញ ដោយការបង្កើតកន្លែងអភិរក្សជលផល និងបង្កើតសហគមន៍នេសាទឈានឆ្ពោះទៅគ្រប់គ្រងប្រភពធនធានជលផលឱ្យមាននិរន្តរភាព ជាងនេះទៀត អនុសាសន៍ចំនួន៧ចំណុចរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានអត្ថន័យគ្រប់គ្រាន់នៅក្នុងសភាពការណ៍ថ្មីនៃការគ្រប់គ្រងវិស័យជលផល ។
គួរឱ្យកត់សម្គាល់ថា កិច្ចប្រតិបត្តិការបង្ក្រាបបទល្មើសអនាធិបតេយ្យនៅក្នុងវិស័យជលផល ដឹកនាំដោយលោកសុខ វិសាល និងលោកបណ្ឌិត ណៅ ធួក បានបន្តអនុវត្តនៅចំណុចសំខាន់ៗក្នុងភូមិសាស្ត្រខេត្តពោធិ៍សាត់ គឺបានចុះរើ និងរឹបអូសឧបករណ៍ខុសច្បាប់មាន របាំងស្បៃមុងចំនួន៦ខ្សែ ប្រវែង៥៥០ម៉ែត្រ លូស្បៃមុងចំនួន៩មាត់ បង្គោលចំនួន២០០ដើម ព្រមទាំងចាក់លែងកូនត្រីចម្រុះចំនួន១០គីឡូក្រាម ៕
ចែករំលែកព័តមាននេះ