ខេត្តបាត់ដំបង ៖ អគ្គិភ័យបានលេបត្របាក់អស់គ្មានសល់នូវទ្រព្យសម្បត្តិ និងសម្ភារប្រើប្រាស់នានានៅក្នុងផ្ទះដែលគេសន្និដ្ឋាន បណ្ដាលមកពីការទុស្សេខ្សែភ្លើងអាគុយសូឡា កាលពីវេលាថ្ងៃត្រង់ថ្ងៃទី៣០ មិថុនា ស្ថិតនៅចំណុចភួមិបួរ ឃុំបួរ ស្រុកភ្នំព្រឹក…
ខេត្តបាត់ដំបង ៖ អគ្គិភ័យបានលេបត្របាក់អស់គ្មានសល់នូវទ្រព្យសម្បត្តិ និងសម្ភារប្រើប្រាស់នានានៅក្នុងផ្ទះដែលគេសន្និដ្ឋាន បណ្ដាលមកពីការទុស្សេខ្សែភ្លើងអាគុយសូឡា កាលពីវេលាថ្ងៃត្រង់ថ្ងៃទី៣០ មិថុនា ស្ថិតនៅចំណុចភួមិបួរ ឃុំបួរ ស្រុកភ្នំព្រឹក តែពុំបង្កឲ្យមានគ្រោះថ្នាក់ដល់មនុស្សទេ ។
សេចក្ដីរាយការណ៍បានឲ្យដឹងថា លំនៅឋាននោះធ្វើពីដែក និងប្រក់ស័ង្កសីមានទំហំ៤ម៉x៦ម៉ ដែលមានម្ចាស់ឈ្មោះសួង សាមុន ភេទប្រុស អាយុ៣៣ឆ្នាំ ។ សេចក្ដីរាយការណ៍ដដែលបានឲ្យដឹងទៀតថា ម្ចាស់ផ្ទះបានប្រើប្រាស់ភ្លើងសូឡា ហើយទំនងជាទុស្សេខ្សែភ្លើងអាគុយ ទើបបង្កជាអគ្គិភ័យទាំងថ្ងៃត្រង់តែម្ដង ។
បើតាមសមត្ថកិច្ចបានប្រាប់ថា លំនៅឋានខាងលើនេះ ខូចខាតស្ទើរទាំងស្រុងនូវទ្រព្យសម្បត្តិ និងសម្ភារប្រើប្រាស់នានាដែលទុកនៅក្នុងផ្ទះ ។ រថយន្តពន្លត់អគ្គិភ័យរបស់សមត្ថកិច្ចមិនបានចេញអន្តរាគមន៍ទាន់ពេលទេ ព្រោះតែទីតាំងកើតហេតុនៅឆ្ងាយ និងផ្លូវចេញចូលមិនអំណោយផល ។
ក្រោយកើតហេតុភ្លាមៗ គេមិនទាន់ដឹងពីទំហំនៃការខូចខាតនៅឡើយទេ តែមន្ត្រីជំនាញ និងអាជ្ញាធរដែនដីកំពុងសួរនាំគ្រួសារជនរងគ្រោះហើយ ៕
ចែករំលែកព័តមាននេះ