កម្ពុជា និងជប៉ុន លើកយកបញ្ហាជម្លោះព្រំដែនកម្ពុជា-ថៃ មកពិភាក្សាក្នុងជំនួបថ្នាក់ដឹកនាំការបរទេស
រាជធានីភ្នំពេញ ៖ នៅព្រឹកថ្ងៃទី២៥ ខែធ្នូ ឆ្នាំ២០២៥ នៅទីស្តីការក្រសួង ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស…
រាជធានីភ្នំពេញ ៖ នៅព្រឹកថ្ងៃទី២៥ ខែធ្នូ ឆ្នាំ២០២៥ នៅទីស្តីការក្រសួង ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម NAMAZU Hiroyuki អនុរដ្ឋមន្ត្រីការបរទេសជប៉ុន ចូលជួបសម្តែងការគួរសម ក្នុងឱកាសដែល ឯកឧត្តម NAMAZU Hiroyuki អញ្ជើញមកកម្ពុជា ដើម្បីធ្វើជាសហប្រធាននៃកិច្ចប្រជុំថ្នាក់ឧត្តមមន្ត្រីលើកទី៣ រវាងក្រសួងការបរទេសទាំងពីរ ។ នេះបើយោងតាមហ្វេសប៊ុករបស់លោក ប្រាក់ សុខុន បានប្រកាសនាថ្ងៃទី២៥ ខែធ្នូនេះ ។
ក្នុងជំនួប ឯកឧត្តមឧបនាយករដ្ឋមន្ត្រី ប្រាក់ សុខុន និងឯកឧត្តម NAMAZU Hiroyuki បានផ្លាស់ប្តូរយោបល់អំពីការពង្រឹង និងពង្រីកបន្ថែមនូវភាពជាដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងជប៉ុន ព្រមទាំងបានពិភាក្សាអំពីបញ្ហាតំបន់ និងអន្តរជាតិ ដែលជាកង្វល់រួម រួមទាំងបញ្ហាជម្លោះព្រំដែនកម្ពុជា-ថៃ ផងដែរ ។
ជំនួបនេះឆ្លុះបញ្ចាំងពីតួនាទីយ៉ាងសំខាន់របស់ជប៉ុន ក្នុងនាមជាមិត្តភក្តិដ៏ល្អ ដែលតែងតែយកចិត្តទុកដាក់ចំពោះស្ថិរភាព និងការអភិវឌ្ឍនៅកម្ពុជា ក៏ដូចជាក្នុងតំបន់អាស៊ីអាគ្នេយ៍ទាំងមូល៕
ចែករំលែកព័តមាននេះ