ខេត្តសៀមរាប ៖ វត្តដំណាក់ ស្ថិតនៅក្នុងភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប បានរៀបចំបំបួសកុលបុត្រចំនួន៣៦រូបជាភិក្ខុភាវៈ តាមទំនៀមរបស់វត្ត ដែលតែងតែប្រារព្ធអស់កាល៥-៦ឆ្នាំជាប់ៗគ្នាមកហើយ…
ខេត្តសៀមរាប ៖ វត្តដំណាក់ ស្ថិតនៅក្នុងភូមិវត្តដំណាក់ សង្កាត់សាលាកំរើក ក្រុងសៀមរាប ខេត្តសៀមរាប បានរៀបចំបំបួសកុលបុត្រចំនួន៣៦រូបជាភិក្ខុភាវៈ តាមទំនៀមរបស់វត្ត ដែលតែងតែប្រារព្ធអស់កាល៥-៦ឆ្នាំជាប់ៗគ្នាមកហើយ ។ ការធ្វើបែបនេះដើម្បីទ្រទ្រង់ពុទ្ធសាសនាឱ្យបានស្ថិតស្ថេរ និងដើម្បីភាពរីកចម្រើននៃពុទ្ធសាសនាកម្ពុជារបស់យើង ។ ពិធីនេះធ្វើឡើងនៅរសៀលថ្ងៃទី២៩ ខែមិថុនា ឆ្នាំ២០២៥ ។
ព្រះគ្រូធម្មវិសុទ្ធិរង្សីឡាច ចន្ថា ព្រះគ្រូចៅអធិការវត្តដំណាក់ ក្រុងសៀមរាប មានថេរដីកាថា «ការបួសគឺដើម្បីសងគុណឪពុកម្តាយជាអ្នកមានគុណរបស់ខ្លួន ដោយបានបង្កើតពំនោលទុកមកថា«បួសណេនសងគុណម្តាយ បួសភិក្ខុសងគុណឪ» ។ ក្នុងឆ្នាំនេះមានកុលបុត្រចំនួន៣៦នាក់មានសទ្ធាជ្រះថ្លាបំពេញឧបសម្បទាជាភិក្ខុភាវៈ ក្រោយបានបួសជាសាមណេរអស់រយៈពេលជាច្រើនវស្សាមកហើយ ។
ចំពោះការបំពេញឧបសម្បទាជាភិក្ខុភាវៈនេះ គឺជាកិច្ចមួយដើម្បីបំពេញលក្ខណៈជាអ្នកបួសឱ្យបានគ្រប់លំដាប់ក្នុងវិន័យបញ្ញត្តិ ពោលគឺសាមណេរដែលមានព្រះជន្ម២០វស្សា គឺអាចបំពេញឧបសម្បទាជាភិក្ខុបានហើយ ។ ប៉ុន្តែបើកុលបុត្រណាមិនទាន់មានបំណងបំពេញឧបសម្បទា ក៏អាចបន្តស្ថិតនៅក្នុងភាពសាមណេរបាន មិនជាអ្វីនោះទេ» ។
ប្រយោជន៍នៃការបំពេញឧបសម្បទា៖
១.បានដំឡើងឋានៈរបស់ខ្លួនពីកម្រិតទាបទៅកាន់កម្រិតខ្ពស់មួយក្នុងពុទ្ធសាសនា
២.បានជួយបន្តទ្រទ្រង់ពុទ្ធសាសនាតាមរយៈភេទជាអ្នកទ្រទ្រង់ត្រៃចីវរ(អ្នកបួស)
៣.បានបន្តចម្រើននិស្ស័យ ជាអ្នកបួសពោលគឺបានបន្តបំពេញនេក្ខម្មបារមីបន្តទៀត
៤.នឹងបានជាសម្មតិ សង្ឃស្រែបុណ្យសម្រាប់ពុទ្ធបរិស័ទបំពេញបុណ្យកុសល រក្សាសីល និងចម្រើនមេត្តាភាវនាជាដើម ។
លើសពីនេះទៅទៀត គឺដើម្បីបានឱកាសបន្តការសិក្សារៀនសូត្រវិជ្ជា ផ្សេងៗទាំងពុទ្ធចក្រ និងអាណាចក្រឱ្យបានកាន់តែទៅលំទូលាយ ៕
ចែករំលែកព័តមាននេះ