ធនាគារកណ្តាលឥណ្ឌាកាលពីថ្ងៃចន្ទទី១៧ កញ្ញា បានរក្សាអត្រាការប្រាក់គោលនៅថេរឱ្យដដែល ដោយយោងទៅលើការរង់ចាំការវាយតម្លៃផលប៉ះពាល់នៃកំណែទម្រង់របស់រដ្ឋាភិបាលមុនពេលកំណត់បន្ថយតម្លៃប្រាក់កម្ចី ។ធនាគារកណ្តាលឥណ្ឌាស្ថិតក្រោមសម្ពាធរបស់រដ្ឋាភិបាលនិងមេដឹកនាំធុរកិច្ចនានាឱ្យកាត់បន្ថយអត្រាការប្រាក់ដើម្បីលើកស្ទួយសេដ្ឋកិច្ចដែលមានវិបត្តិ ព្រោះ
ធនាគារកណ្តាលឥណ្ឌាកាលពីថ្ងៃចន្ទទី១៧ កញ្ញា បានរក្សាអត្រាការប្រាក់គោលនៅថេរឱ្យដដែល ដោយយោងទៅលើការរង់ចាំការវាយតម្លៃផលប៉ះពាល់នៃកំណែទម្រង់របស់រដ្ឋាភិបាលមុនពេលកំណត់បន្ថយតម្លៃប្រាក់កម្ចី ។ធនាគារកណ្តាលឥណ្ឌាស្ថិតក្រោមសម្ពាធរបស់រដ្ឋាភិបាលនិងមេដឹកនាំធុរកិច្ចនានាឱ្យកាត់បន្ថយអត្រាការប្រាក់ដើម្បីលើកស្ទួយសេដ្ឋកិច្ចដែលមានវិបត្តិ ព្រោះថាសេដ្ឋកិច្ចប្រទេសនេះទទួលបានកំណើនតែ៥,៥%ប៉ុណ្ណោះ នៅក្នុងត្រីមាសខែមិថុនា ។
ធនាគារកណ្តាលបានស្នើសុំសកម្មភាពនយោបាយពីរដ្ឋាភិបាលជាច្រើនលើកច្រើនគ្រាដើម្បីកាត់បន្ថយប្រាក់ឧបត្ថម្ភធននិងពង្រឹងបរិយាកាសវិនិយោគនិងអនុម័តការកាត់បន្ថយផ្សេងទៀតនាពេលណាមួយខាងមុខ ។ ធនាគារកណ្តាលនិយាយថា ដោយសារមានក្តីបារម្ភចំពោះអតិផរណាដែលនៅតែខ្ពស់នៅឡើយ អត្រាការប្រាក់ទិញត្រឡប់វិញដែលធនាគារផ្តល់ឱ្យធនាគារពាណិជ្ជខ្ចីមានចំនួន៨,០%ដដែល ។ ប៉ុន្តែខ្លួនបានខិតខំបង្កើនសាច់ប្រាក់ងាយស្រួលនៅក្នុងវិស័យធនាគារដោយបន្ធូរបន្ថយធនបម្រុងកាតព្វកិច្ចរហូតដល់៤,៥០% ៕
ចែករំលែកព័តមាននេះ