ប្រទេសភូមានឹងធ្វើឯកជននីយកម្មក្រុមហ៊ុនដែលគ្រប់គ្រងដោយរដ្ឋចំនួន២៦តាមរយៈការបង្កើតក្រុមហ៊ុនចម្រុះ ឬក៏ការលក់ដេញថ្លៃនិងតាមរយៈភតិសន្យា(កិច្ចសន្យាសម្រាប់ជួល)ជាមួយនឹងវិនិយោគិនក្នុងស្រុកនិងបរទេស ។ នេះបើតាមក្រសួងបសុសត្វនិងជលផលឱ្យដឹង ។
ប្រទេសភូមានឹងធ្វើឯកជននីយកម្មក្រុមហ៊ុនដែលគ្រប់គ្រងដោយរដ្ឋចំនួន២៦តាមរយៈការបង្កើតក្រុមហ៊ុនចម្រុះ ឬក៏ការលក់ដេញថ្លៃនិងតាមរយៈភតិសន្យា(កិច្ចសន្យាសម្រាប់ជួល)ជាមួយនឹងវិនិយោគិនក្នុងស្រុកនិងបរទេស ។ នេះបើតាមក្រសួងបសុសត្វនិងជលផលឱ្យដឹង ។
សហគ្រាសទាំងនេះពាក់ព័ន្ធនឹងការចិញ្ចឹមសត្វ ផលិតផលផលិតពីទឹកដោះ និងជលផលដែលគ្រប់គ្រងដោយក្រសួងបសុសត្វនិងជលផល ។ វិធានការនេះនឹងជួយផ្លាស់ប្តូរសហគ្រាសដែលគ្រប់គ្រងដោយរដ្ឋទៅជាសហគ្រាសមួយស្ថិតក្រោមគោលនយោបាយសេដ្ឋកិច្ចតម្រង់ទិសទៅរកទីផ្សារ ។
ក្នុងចំណោមសហគ្រាសទាំង២៦មានសហគ្រាស៦នឹងត្រូវដាក់ឱ្យដេញថ្លៃ ហើយសហគ្រាស១០នឹងត្រូវដាក់ឱ្យជួល ចំណែកសហគ្រាស១០ទៀតនឹងត្រូវប្រតិបត្តិការក្រោមទម្រង់ជាក្រុមហ៊ុនចម្រុះរវាងក្រុមហ៊ុនក្នុងស្រុកនិងបរទេស ។ ជាមួយគ្នានេះដែរ អគារការិយាល័យក្រសួងនានារបស់ភូមាពីមុនដែលស្ថិតនៅទីក្រុងរ៉ង់ហ្គូនបន្ទាប់ពីទីក្រុងរដ្ឋបាលផ្លាស់ប្តូរទៅទីក្រុងណៃពីដោកាលពីចុងឆ្នាំ២០០៥ក៏នឹងត្រូវធ្វើឯកជននីយកម្មដែរក្នុងនោះរួមមាន ៖ ក្រសួងការបរទេស ក្រសួងថាមពល ក្រសួងសណ្ឋាគារនិងទេសចរណ៍ ក្រសួងអន្តោប្រវេសន៍និងប្រជាជន និងក្រសួងពាណិជ្ជកម្ម ។ រដ្ឋាភិបាលធ្លាប់បានធ្វើឯកជននីយកម្មនេះម្តងរួចហើយកាលពីឆ្នាំ១៩៩៥ ។
ចែករំលែកព័តមាននេះ