ប្រទេសរុស្ស៊ីអះអាងកាលពីថ្ងៃទី១៩ កញ្ញា ថា ទីភ្នាក់ងារដើម្បីការអភិវឌ្ឍន៍អន្តរជាតិ របស់អាមេរិកUSAID ដែលរងការចោទប្រកាន់ថា ជ្រៀតជ្រែកចូលកិច្ចការនយោបាយរុស្ស៊ី ត្រូវបញ្ចប់សកម្មភាពរបស់ខ្លួននៅរុស្ស៊ីចាប់ពីថ្ងៃទី១ តុលាទៅ ។អ្នកនាំពាក្យក្រសួងការបរទេស រុស្ស៊ីលោកអាឡិចសាន់ឌ័រ លូកាសឺ វិក គូសបញ្ជាក់ប្រាប់បណ្តាអ្នកកាសែតថាការសម្រេចចិត្តនោះត្រូវបានធ្វើ
ប្រទេសរុស្ស៊ីអះអាងកាលពីថ្ងៃទី១៩ កញ្ញា ថា ទីភ្នាក់ងារដើម្បីការអភិវឌ្ឍន៍អន្តរជាតិ របស់អាមេរិកUSAID ដែលរងការចោទប្រកាន់ថា ជ្រៀតជ្រែកចូលកិច្ចការនយោបាយរុស្ស៊ី ត្រូវបញ្ចប់សកម្មភាពរបស់ខ្លួននៅរុស្ស៊ីចាប់ពីថ្ងៃទី១ តុលាទៅ ។អ្នកនាំពាក្យក្រសួងការបរទេស រុស្ស៊ីលោកអាឡិចសាន់ឌ័រ លូកាសឺ វិក គូសបញ្ជាក់ប្រាប់បណ្តាអ្នកកាសែតថាការសម្រេចចិត្តនោះត្រូវបានធ្វើដោយសារការប៉ុនប៉ងរបស់USAID ប្រើឥទ្ធិពលលើដំណើរការនយោបាយ បណ្តាស្ថាប័នរបស់សង្គមស៊ីវិល និងការបោះឆ្នោតក្នុងកម្រិតផ្សេងៗតាមរយៈការផ្តល់អាហារូបករណ៍ ។
អ្នកនាំពាក្យរូបនេះបន្តថា បញ្ហាធ្ងន់ធ្ងរទាំងឡាយកើតមានដោយសារសកម្មភាពរបស់USAID ក្នុងតំបន់នានារបស់រុស្ស៊ី ជាពិសេសនៅតំបន់កូកាល់ខាងជើង ។ ក្រុងមូស្កូប្រាប់ដល់ក្រុងវ៉ាស៊ីនតោនជាច្រើនលើកថាសកម្មភាពទាំងនេះ ពុំសមស្របនឹងបណ្តាលទិសដៅនៃកិច្ចសហប្រតិបត្តិការមនុស្សធម៌ទ្វេភាគីឡើយ ។ USAID ជាទីភ្នាក់ងារផ្លូវការសំខាន់បំផុតទទួលបន្ទុកលើជំនួយបរទេសរបស់សហរដ្ឋអាមេរិក។ ទីភ្នាក់ងារនេះបានបើកការិយាល័យរបស់ខ្លួននៅក្រុងមូស្គូកាលពីឆ្នាំ១៩៩២ ។ បច្ចុប្បន្នមានជនជាតិរុស្ស៊ី៦០នាក់ និងជនជាតិអាមេរិក១៣នាក់ ធ្វើការក្នុងការិយាល័យនោះ៕
ចែករំលែកព័តមាននេះ