ប្រទេសវៀតណាម បានរកឃើញត្រីកម្រមួយ ដែលគេមានជំនឿថា ជាប្រផ្នូលនៃការមានគ្រោះមហន្តរាយ ដូចជា ការរញ្ជួយដី ឬព្យុះស៊ូណាមិជាដើម ។ នេះបើតាមការផ្សាយរបស់សារព័ត៌មានវៀតណាម នៅថ្ងៃទី២១…
ប្រទេសវៀតណាម បានរកឃើញត្រីកម្រមួយ ដែលគេមានជំនឿថា ជាប្រផ្នូលនៃការមានគ្រោះមហន្តរាយ ដូចជា ការរញ្ជួយដី ឬព្យុះស៊ូណាមិជាដើម ។ នេះបើតាមការផ្សាយរបស់សារព័ត៌មានវៀតណាម នៅថ្ងៃទី២១ ខែឧសភានេះ ។
ង្វៀន ថាញ់ ជៅ (Nguyen Thanh Chau) ប្រធានភូមិវិញហ៊ី ក្នុងឃុំវិញហៃ ស្រុកនិញហៃ នៅ ខេត្ត នីញ ធួន ភាគខាងត្បូងប្រទេសវៀតណាម បានបញ្ជាក់នៅថ្ងៃច័ន្ទ ទី២០ ខែឧសភាថា ត្រីសមុទ្រទឹកជ្រៅមួយប្រភេទហៅថា Oarfish ត្រូវបានរកឃើញនៅថ្ងៃអាទិត្យ ដោយបុគ្គលិកនៃរមណីយដ្ឋានមួយក្នុងតំបន់ ។
ត្រីនេះ ប្រវែងជិត២ម៉ែត្រ ហើយកម្រនឹងឡើងមកទឹករាក់ណាស់ ។ វាភាគច្រើន រស់នៅរហូតដល់១០០០ម៉ែត្រក្រោមបាតសមុទ្រ ។
តាមជំនឿគេយល់ថា ការរកឃើញត្រីនេះ គឺជាប្រផ្នូរមិនល្អ ដែលអាចនឹងមានគ្រោះមហន្តរាយដូចជាការរញ្ជួយដី និងព្យុះស៊ូណាមិជាដើម ។ ត្រីនេះបានបាត់កន្ទុយ ហើយកំពុងខិតខំរស់នៅក្នុងទឹករាប ។
បើទោះបីបុគ្គលិកពីរនាក់ បានព្យាយាមយកវាត្រឡប់ទៅសមុទ្រឡើងវិញ ប៉ុន្តែវាបានហែលត្រឡប់មកកាបសមុទ្រឡើងវិញ ហើយស្លា.ប់នៅពេលបន្តិចក្រោយមក ។ នេះជាលើកដំបូងដែលត្រី Oarfish បានមកដល់តំបន់នេះ ។
បន្ទាប់ពីវាស្លា.ប់ប្រជាជន និងបុគ្គលិករមណីយដ្ឋានបានប្រារព្ធពិធីបុណ្យស.ពត្រីនេះតាមរបៀបប្រពៃណីក្នុងតំបន់ ៕
ចែករំលែកព័តមាននេះ