យោងតាមរបាយការណ៍មួយរបស់ពួកភ្នាក់ងារសើុបការណ៍លោកខាងលិចថា ប្រទេសអីុរ៉ង់បានប្រើប្រាស់មធ្យោបាយដឹកជញ្ជូនតាមអាកាសស៊ីវិលដើម្បីដឹកជញ្ជូនទាហាននិងអាវុធជាច្រើនទៅកាន់ស៊ីរីតាមដែនអាកាសអីុរ៉ាក់ ។កាលពី២សប្តាហ៍មុននេះ បណ្តាអ្នកទទួលខុសត្រូវអាមេរិកធ្លាប់បានគូសបញ្ជាក់ថា បានសួរអាជ្ញាធរអីុរ៉ាក់ពីជើងហោះហើរទាំងនោះនៃយន្តហោះអីុរ៉ាក់
យោងតាមរបាយការណ៍មួយរបស់ពួកភ្នាក់ងារសើុបការណ៍លោកខាងលិចថា ប្រទេសអីុរ៉ង់បានប្រើប្រាស់មធ្យោបាយដឹកជញ្ជូនតាមអាកាសស៊ីវិលដើម្បីដឹកជញ្ជូនទាហាននិងអាវុធជាច្រើនទៅកាន់ស៊ីរីតាមដែនអាកាសអីុរ៉ាក់ ។កាលពី២សប្តាហ៍មុននេះ បណ្តាអ្នកទទួលខុសត្រូវអាមេរិកធ្លាប់បានគូសបញ្ជាក់ថា បានសួរអាជ្ញាធរអីុរ៉ាក់ពីជើងហោះហើរទាំងនោះនៃយន្តហោះអីុរ៉ាក់សង្ស័យផ្តល់អាវុធដល់របបស៊ីរីតាមដែនអាកាសអីុរ៉ាក់ ។
អីុរា៉ក់អះអាងថា ពុំអនុញ្ញាតឱ្យមានការឆ្លងកាត់អាវុធណាមួយតាមដែនអាកាសរបស់ខ្លួនឡើយ ។ ក៏ប៉ុន្តែរបាយការណ៍មួយគូសបញ្ជាក់ថា អាវុធនានារបស់អីុរ៉ង់ត្រូវបានបញ្ជូនយ៉ាងច្រើនទៅកាន់ស៊ីរីកាត់តាមអីុរ៉ាក់ ។ ការផ្តល់អាវុធនេះរៀបចំឡើងដោយកងឆ្មាំបដិវត្តន៍អីុរ៉ង់ ។នៅក្រុងបាដាដ ទីប្រឹក្សាម្នាក់របស់នាយករដ្ឋមន្ត្រីអីុរ៉ាក់ លោកនូរីអាល់ម៉ាលីគី បានបដិសេធការអះអាងរបស់របាយការណ៍នោះ ។
ទីប្រឹក្សារូបនេះលោកអាលីអាល់មូសាហ្វី និយាយថា អីុរ៉ាក់បដិសេធការអះអាងគ្មានមូលដ្ឋានទាំងនោះ ដែលថាអីុរ៉ាក់អនុញ្ញាតឱ្យអីុរ៉ង់ប្រើប្រាស់ដែនអាកាសខ្លួនសម្រាប់បញ្ចូនអាវុធទៅកាន់ស៊ីរី ។ លោកបន្តថា នាយករដ្ឋមន្ត្រីអីុរ៉ាក់ប្រកាន់ជាកិច្ចនូវជំហរឱ្យមានដំណោះស្រាយ ដោយសន្តិវិធីមួយនៃជម្លោះនៅស៊ីរីនិងពីភាពចាំបាច់ហាមឃាត់រាល់ការជ្រៀតជ្រែងរបស់រដ្ឋទី៣ចូលស៊ីរីទោះជាការបញ្ជូនអាវុធ ឬជំនួយដទៃៗទៀត ៕
ចែករំលែកព័តមាននេះ