តុលាការជាន់ខ្ពស់ប្រទេសឈីលី(អាមេរិកឡាទីន)ទើបតែចេញសាលដីកាបង្គាប់ឱ្យកាសែតប្រចាំថ្ងៃ La Tercera ដែលមានទីស្នាក់ការនៅរដ្ឋធានីសង់ត្យាហ្គោ ត្រូវតែសងជំងឺចិត្តចំនួន១២៥.០០០ដុល្លារអាមេរិក ដល់មិត្តអ្នកអានរបស់ខ្លួនដែលរងគ្រោះដោយសារធ្វើតាមរបៀបណែនាំក្នុងកាសែតពីការរៀនធ្វើនំចៀនchurros ដែលមនុស្សជាច្រើននិយមហូប ។
តុលាការជាន់ខ្ពស់ប្រទេសឈីលី(អាមេរិកឡាទីន)ទើបតែចេញសាលដីកាបង្គាប់ឱ្យកាសែតប្រចាំថ្ងៃ La Tercera ដែលមានទីស្នាក់ការនៅរដ្ឋធានីសង់ត្យាហ្គោ ត្រូវតែសងជំងឺចិត្តចំនួន១២៥.០០០ដុល្លារអាមេរិក ដល់មិត្តអ្នកអានរបស់ខ្លួនដែលរងគ្រោះដោយសារធ្វើតាមរបៀបណែនាំក្នុងកាសែតពីការរៀនធ្វើនំចៀនchurros ដែលមនុស្សជាច្រើននិយមហូប ។
តាមឯកសារចោទប្រកាន់របស់រដ្ឋអាជ្ញា គឺកាលពីឆ្នាំ២០០៤ កាសែត La Tercera បានចុះផ្សាយរូបមន្តធ្វើនំចៀន churros តាមរបៀបអេស្ប៉ាញ ដែលប្រជាជនឈីលីក៏ដូចជាប្រទេសនានាតំបន់អាមេរិកឡាទីនចូលចិត្តហូបរាប់រយឆ្នាំមកហើយ ។ ប៉ុន្មានថ្ងៃក្រោយបន្ទាប់ពីកាសែតចុះផ្សាយរូបមន្តធ្វើនំនោះ មានអ្នកអាន១៣នាក់ត្រូវចូលពេទ្យទទួលការសង្គ្រោះបន្ទាន់ព្រោះតែរលាកខ្លួនធ្ងន់ ដោយសារនំក្នុងប្រេងកំពុងពុះផ្ទុះខ្ទាតលើខ្លួនប្រាណ ។ ប៉ូលិសបើកការស៊ីបអង្កេតរកឃើញ វាមកពីរបៀបណែនាំរបស់កាសែតនិយាយរួមៗមិនច្បាស់លាស់ធ្វើឱ្យអ្នកអានធ្វើនំ churros មិនបានត្រឹមត្រូវ ឈានដល់រងគ្រោះដោយចៃដន្យ ខ្លះធ្ងន់ ខ្លះស្រាលបង្គួរ ។
អ្នកឯកទេសខាងធ្វើនំដែលប៉ូលិសសុំឱ្យពន្យល់ពីហេតុផលនេះនិយាយថាមកពីកាសែត La Tercera ខ្លួនឯងអត់យល់ច្បាស់របៀបធ្វើនំ churros ម៉្លោះហើយនិយាយអត់លះច្បាស់លាស់ទើបមានរឿងអីុចឹងកើតឡើង ។ ត្រូវចាក់នំ churros ចូលខ្ទះមុនពេលប្រេងពុះ បើចាំដល់ប្រេងពុះក្តៅខ្លាំងទើបចាក់នំចូល វាមុខជាផ្ទុះខ្ទាតព្រោងព្រាតបង្កគ្រោះថ្នាក់ធ្ងន់ ករណីផ្ទុះចំភ្នែកត្រូវខ្វាក់ភ្នែកខានមើលទូរទស្សន៍ ។ ជនរងគ្រោះទាំង១៣នាក់ ក្នុងនោះស្រី១១នាក់ប្រុស២នាក់ រៀនធ្វើនំ churros តាមការណែនាំរបស់កាសែតដើម្បីហូបក្នុងគ្រួសារ។ ស្ត្រីឈ្មោះ Lucrecia Sepulveda ដែលរងគ្រោះធ្ងន់ជាងគេ និយាយរំលឹកថា «ពេលខ្ញុំចាក់នំchurros ចូលខ្ទះដែលប្រេងកំពុងពុះខ្លាំង ស្រាប់តែវាផ្ទុះប៉ើងព្រោងព្រាត ខ្លះប៉ើងឡើងលើបុកដល់ពិតានផ្ទះបាយ ខ្លះប៉ើងទៅលិចទៅកើតហើយមួយចំនួនទៀតប៉ើងមកលើមុខនិងខ្លួនប្រាណខ្ញុំ» ។
ទីបំផុតពាក់កណ្តាលឆ្នាំ២០០៤ ជនរង គ្រោះទាំង១៣នាក់រួមគ្នាប្តឹងឡើងតុលាការទាមទារឲ្យកាសែត La Tercera សងជំងឺចិត្ត យ៉ាងហោចក៏ឲ្យបានរួចថ្លៃព្យាបាលដែរ នេះមិនទាន់គិតពីការឈឺចាប់ទាំងរាងកាយ ទាំងស្មារតីដែលមិនគួរកើតមានផង។ ប៉ុន្តែឆ្លងកាត់សវនាការទាំងបឋម ទាំងឧទ្ធរណ៍ កាសែត La Tercera នៅតែបដិសេធទំនួលខុសត្រូវក្នុងរឿងនេះ ទម្រាំតែឈានដល់ការសម្រេចរបស់តុលាការកំពូលដែលជាការសម្រេចចុងក្រោយបង្អស់ ហេតុការណ៍បានអូសបន្លាយពេលថែម៧ឆ្នាំទៀត។សេចក្តីសម្រេចរបស់តុលាការកំពូលតម្រូវឲ្យកាសែត La Tercera សងជំងឺចិត្ត១១០លានpesosត្រូវជា១២៥. ០០០ដុល្លារអាមេរិកឲ្យជនរងគ្រោះទាំង១៣នាក់ ក្នុងនោះអ្នករងរបួសធ្ងន់ជាងគេបាន៤៨.០០០ ដុល្លារអាមេរិក អ្នករង គ្រោះស្រាលជាងគេបាន ទទួល២៩០ដុល្លារអាមេរិក។
លោក Mathias Valdivieso មេធាវីខាងដើមចោទ និយាយខ្លាំងៗដាក់តំណាងកាសែត La Tercera ក្នុងតុលាការថា « កាសែត La Tercera ជាកាសែតធំឈរលំដាប់ទីពីរនៅប្រទេសឈីលី ចេញផ្សាយ១០០.០០០ច្បាប់សម្រាប់ថ្ងៃធម្មតា ចំណែកថ្ងៃចុងសប្តាហ៍ចេញផ្សាយច្រើនជាងនេះទ្វេដង ។ ហេតុនេះកាសែតត្រូវមានការប្រុងប្រយ័ត្នខ្ពស់មុនចុះផ្សាយអត្ថបទប្រភេទណាក៏ដោយដើម្បីរក្សាកេរ្តិ៍ឈ្មោះរបស់ខ្លួន ។ សង្ឃឹមនៅថ្ងៃក្រោយមិនមានបាតុភាពបែបនេះម្តងទៀត» ។អ្នកស្រីLucrecia Sepulveda ក៏និយាយថែមថា «សំណាងណាស់ដែលតុលាការជាន់ខ្ពស់ផ្តល់យុត្តិធម៌ដល់ពួកខ្ញុំ ថ្វីបើយូរបន្តិចក៏ពិតមែន។ មុននេះពួកខ្ញុំទាំង១៣នាក់អស់សង្ឃឹមរលីងទៅ ហើយ ព្រោះអ្វីៗចេះតែស្ងាត់ទៅៗជិត១ទសវត្ស»។
ប្រវត្តិសាស្ត្រសម័យថ្មី បានកត់សម្គាល់រឿងប្តឹងប្តល់ចម្លែកកាលពីឆ្នាំ១៩៩៤ ពេលលោកយាយជនជាតិអាមេរិកម្នាក់ឈ្មោះ Stella liebeck អាយុ៧៩ឆ្នាំ រស់នៅក្រុង Albuquer-que ដែលជាក្រុងធំជាងគេក្នុងរដ្ឋញូវម៉ិចស៊ីកូ ប្តឹងក្រុមហ៊ុន McDonald’s ដែលជាក្រុមហ៊ុនផលិតអាហាររហ័ស ។ កាលពី២ឆ្នាំមុនលោកយាយ Stella liebeck ទិញកាហ្វេមួយកែវពីហាង McDonald’s នៅក្បែរផ្ទះ ហើយត្រូវកា ហ្វេក្នុងកែវដែលកំពុងមានកម្តៅ៨៨អង្សា បាញ់ជះលើខ្លួនពេលបើកគម្រកចេញបណ្តាលឱ្យរលាកធ្ងន់ចូលពេទ្យសឹងមិនទាន់ ។ គាត់ត្រូវដេកពេទ្យជិតមួយឆ្នាំទម្រាជាសះស្បើយ ។
ទីបំផុតតុលាការសម្រេចឱ្យក្រុមហ៊ុន McDonald’s សងជំងឺចិត្តលោកយាយរងគ្រោះចំនួន២,៧លានដុល្លារ ។ ក្រោយហេតុការណ៍នេះ ក្រុមហ៊ុន McDonald’s បោះពុម្ពអក្សរលើគម្របកែវកាហ្វេឆុងស្រាប់ដាក់ថា«ប្រយ័ត្ន! ទឹកក្តៅ» ៕
ចែករំលែកព័តមាននេះ