លោកហុងឡី អ្នកនាំពាក្យក្រសួងការបរទេសចិនថ្លែងកាលពីថ្ងៃទី១៨ កញ្ញា ថា ការប៉ុនប៉ងរបស់ជប៉ុនទិញយកប្រជុំកោះដែលចិនហៅឌីអាវយូហើយជប៉ុនហៅប្រជុំកោះសេនកាគូដាច់ខាងនឹងពុំអាចទៅរួចឡើយហើយប្រទេសនោះត្រូវវិលមករកតុចរចាដើម្បីដោះស្រាយទំនាស់ ។
លោកហុងឡី អ្នកនាំពាក្យក្រសួងការបរទេសចិនថ្លែងកាលពីថ្ងៃទី១៨ កញ្ញា ថា ការប៉ុនប៉ងរបស់ជប៉ុនទិញយកប្រជុំកោះដែលចិនហៅឌីអាវយូហើយជប៉ុនហៅប្រជុំកោះសេនកាគូដាច់ខាងនឹងពុំអាចទៅរួចឡើយហើយប្រទេសនោះត្រូវវិលមករកតុចរចាដើម្បីដោះស្រាយទំនាស់ ។
ក្នុងសន្និសីទសារព័ត៌មានមួយនាទីក្រុងប៉េកាំងលោកហុងឡីនិយាយថាពេលនេះគឺខួប៨១ឆ្នាំនៃឧប្បត្តិហេតុថ្ងៃ ទី១៨ កញ្ញា ។ នាពេលបច្ចុប្បន្នរដ្ឋាភិបាលនិងប្រជាជនចិនដល់ទៅ១.៣០០លាននាក់នឹងមិនឱបដៃនៅស្ងៀមឈរមើលអធិបតេយ្យដែនដីរបស់ខ្លួនត្រូវរំលោភបំពានឡើយ ។ ការប៉ុនប៉ងរបស់ជប៉ុនទិញយកដោយខុសច្បាប់នូវប្រជុំកោះនោះដាច់ខាតនឹងមិនអាចទៅរួចទេ។
ឧប្បត្តិហេតុថ្ងៃទី១៨ កញ្ញា ឆ្នាំ១៩៣១ ដែលនាំឱ្យមានការចាប់ផ្តើមការលុកលុយរបស់ជប៉ុនចូលភាគឦសានចិនត្រូវប្រារព្ធធ្វើនាថ្ងៃទី១៨ កញ្ញា ចំណែកឯបាតុកម្មប្រឆាំងការទិញយកប្រជុំកោះ ឌីអាវយូ ឬសេនកាគូដោយរដ្ឋាភិបាលជប៉ុនកើតមាននៅគ្រប់កន្លែងនៃប្រទេសចិន ។ អ្នកនាំពាក្យរូបនោះក៏អំពាវនាវផងដែរដល់ជប៉ុនឱ្យប្រកាន់យកឥរិយាបថត្រឹមត្រូវ ធ្វើសកម្មភាពដោយសមស្រប ហើយឈប់ចាត់វិធានការទាំងឡាយដែលធ្វើឱ្យប៉ះពាល់ដល់អធិបតេយ្យភាពដែនដីរបស់ចិន គោរពកុងសង់ស៊ីស ដែលសម្រេចបានរវាងប្រទេសទាំង២ហើយវិលទៅកាន់តុចរចា ដោះស្រាយទំនាស់ ៕
ចែករំលែកព័តមាននេះ