រាជធានីភ្នំពេញ ៖ រថយន្តម៉ាករ៉េវហ្វ័រពណ៌ខ្មៅមួយគ្រឿងបានបើកទៅបុករនាំងដែកតាមមហាវិថីសហព័ន្ធរុស្ស៊ីខាងកើតស្តុបទួលគោកបណ្តាលឱ្យបាក់អស់ចំនួន៩ផ្ទាំងហើយរថយន្តដាច់កង់មុខបើកទៅលែងរួច កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៩ កញ្ញា នៅតាមមហាវិថីសហព័ន្ធរុស្ស៊ីកែងផ្លូវលេខ២២៣ ក្នុងសង្កាត់ផ្សារដេប៉ូទី៣ ខណ្ឌទួលគោក ។
រាជធានីភ្នំពេញ ៖ រថយន្តម៉ាករ៉េវហ្វ័រពណ៌ខ្មៅមួយគ្រឿងបានបើកទៅបុករនាំងដែកតាមមហាវិថីសហព័ន្ធរុស្ស៊ីខាងកើតស្តុបទួលគោកបណ្តាលឱ្យបាក់អស់ចំនួន៩ផ្ទាំងហើយរថយន្តដាច់កង់មុខបើកទៅលែងរួច កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៩ កញ្ញា នៅតាមមហាវិថីសហព័ន្ធរុស្ស៊ីកែងផ្លូវលេខ២២៣ ក្នុងសង្កាត់ផ្សារដេប៉ូទី៣ ខណ្ឌទួលគោក ។
តាមព័ត៌មានឱ្យដឹងថានៅយប់កើតហេតុរថយន្តម៉ាករ៉េវហ្វ័រពណ៌ខ្មៅមួយគ្រឿងជិះម្នាក់ឯងបានធ្វើដំណើរតាមវិថីសហព័ន្ធរុស្ស៊ីពីលិចទៅកើត ពេលធ្វើដំណើរមកដល់កន្លែងកើតហេតុបានជ្រុលចង្កូតទៅខាងស្តាំដៃបុករនាំងដែកតែម្តង ។ ក្រោយពេលបុក រនាំងដែកចំនួន៤ផ្ទាំងបានដួលរាបដល់ដីនិង៥ផ្ទាំងទៀតបានទ្រេតចេញដែលសរុបទាំងអស់ខូចខាតចំនួន៩ផ្ទាំង ។
ចំណែករថយន្តបានដាច់កង់មុខខាងឆ្វេងបើកទៅមុខលែងរួច ។ បន្ទាប់ពីបុករនាំងដែករួចហើយអ្នកបើកបរបានចុះចេញពីរថយន្តហើយឈរស្រងូតស្រងាត់តែម្នាក់ឯងក្បែរចិញ្ចើមផ្លូវរួចគេចបាត់តែម្តង ។
រថយន្តបង្កត្រូវបានប៉ូលិសប៉ុស្តិ៍ទាក់ទងប៉ូលិសការិយាល័យចរាចរណ៍ផ្លូវគោកស្ទូចបញ្ជូនទៅរក្សាទុកនៅសាលារាជធានីដើម្បីដោះស្រាយសងការខូចខាត ៕
ចែករំលែកព័តមាននេះ