រាជធានីភ្នំពេញ ៖ រថយន្តដឹកភក់លាមកជាច្រើនគ្រឿង បានដឹកយកមកចាក់ចោលជាបន្តបន្ទាប់នៅដីវាលមួយកន្លែង នៅក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ បង្កឱ្យប៉ះពាលដល់បរិស្ថាន និងមានប្រតិកម្មពីប្រជាពលរដ្ឋទៅសួរនាំ ហើយបែរជាអ្នកបើកបរប្រាប់ថា…
រាជធានីភ្នំពេញ ៖ រថយន្តដឹកភក់លាមកជាច្រើនគ្រឿង បានដឹកយកមកចាក់ចោលជាបន្តបន្ទាប់នៅដីវាលមួយកន្លែង នៅក្នុងភូមិកាកាប សង្កាត់កាកាបទី២ ខណ្ឌពោធិ៍សែនជ័យ បង្កឱ្យប៉ះពាលដល់បរិស្ថាន និងមានប្រតិកម្មពីប្រជាពលរដ្ឋទៅសួរនាំ ហើយបែរជាអ្នកបើកបរប្រាប់ថា អភិបាលខណ្ឌពោធិ៍សែនជ័យជាអ្នកឱ្យចាក់ ។
តាមព័ត៌មានឱ្យដឹងថា នៅរសៀលថ្ងៃទី២៧ ខែមិថុនា ឆ្នាំ២០២៥ រថយន្តដឹកភក់លាមកជាច្រើនគ្រឿង បានដឹកយកទៅចាក់ចោលនៅដីវាលមួយកន្លែងនៅខាងជើងបុរីរ៉ូស ក្នុងសង្កាត់កាកាបទី២ បង្កឲ្យប៉ះពាល់ដល់បរិស្ថានយ៉ាងខ្លាំង ។
បន្ទាប់ពីមានការចាក់ភក់លាមកនៅកណ្ដាលវាលបែបនេះ ធ្វើឲ្យប្រជាពលរដ្ឋនៅម្ដុំនោះមានប្រតិកម្មយ៉ាងខ្លាំង និងបានឃាត់សួរនាំ ហើយអ្នកបើកបរបានប្រាប់ថា លោកអភិបាលខណ្ឌឱ្យចាក់ ។ ទោះបីជាយ៉ាងណា គេពុំដឹងថាលោកអភិបាលខណ្ឌពោធិ៍សែនជ័យជាអ្នកឲ្យចាក់ពិតប្រាកដឬយ៉ាងណានោះទេ ? តែក៏អាចជាការឆ្លើយដាក់ប៉ុណ្ណោះ ។
ប្រជាពលរដ្ឋបានឱ្យដឹងថា ការយកភក់លាមកមកចាក់ចោលបែបនេះ បង្កឲ្យប៉ះពាល់ដល់បរិស្ថានយ៉ាងខ្លាំង និងជះក្លិនស្អុយអសោចិ៍ និងឆ្លងរោគដល់អ្នកភូមិ ។ប្រជាពលរដ្ឋបានឲ្យដឹងថា រថយន្តដឹកភក់លាមកនោះ ជារថយន្តឯកជនដែលតែងតែដឹកភក់លាមកទៅចាក់ចោលពាសវាលពាសកាល។ ភក់លាមកទាំងនោះ គួរដឹកយកទៅចាក់នៅតាមប្រឡាយធំៗទឹកហូរទៅអស់បានត្រឹមត្រូវ ។
តាមអ្នកបើកបររថយន្តបានឱ្យដឹងថា ភក់លាមកនោះដឹកចេញពីអតីតភូមិគ្រឹះឯកឧត្តមម្នាក់ ហើយលោកអភិបាលខណ្ឌពោធិ៍សែនជ័យបានឱ្យយកមកចាក់នៅដីវាលខាងលើនេះ ។ គេនិយាយថា មិនដែលអភិបាលខណ្ឌឱ្យចាក់បែបនេះទេ ប្រហែលអ្នកបើកបរចេះតែឆ្លើយដាក់ផ្តេសផ្តាសប៉ុណ្ណោះ ។ ដូចនេះ សូមអាជ្ញាធរមានវិធានការចំពោះរថយន្តបូមលូទាំងនេះផង ៕
ចែករំលែកព័តមាននេះ