ADផ្ទាំងផ្សព្វផ្សាយពាណិជ្ជកម្ម

អ្នកបើកឡានដឹកខ្សាច់ងោកមួយភាំងរេចង្កូតឡើងសួនច្បារ ដាច់ទ្រុង ក្រឡា.ប់ចា.ក់ខ្សាច់ពេញផ្លូវ

2 នាទី មុន

ភ្នំពេញ
៣០ ខែ មិថុនា ឆ្នាំ ២០២៥ ម៉ោង ១៥:២៦

រាជធានីភ្នំពេញៈរថយន្តដឹកខ្សាច់មួយគ្រឿងអ្នកបើកបរអះអាងថា ងោកមួយភាំងបានរេចង្កូត ឡើងសួនច្បារខណ្ឌ ចែកទ្រុងផ្លូវហើយ កាច់ដាច់ទ្រង់ក្រឡាប់ចាក់ខ្សាច់ចោលពេញផ្លូវតែសំណាងល្អពុំបណ្ដាលឲ្យមនុស្សរងរបួសឡើយ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលា១១និង៣០នាទីព្រឹកថ្ងៃទី៣០ខែមិថុនា ២០២៥ នៅតាមមហាវិថីឈ្នះឈ្នះក្នុងភូមិត្រពាំងពោធិ៍ សង្កាត់គោករការ ខណ្ឌព្រែកព្នៅ…

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលា១១និង៣០នាទីព្រឹកថ្ងៃទី៣០ខែមិថុនា ២០២៥ នៅតាមមហាវិថីឈ្នះឈ្នះក្នុងភូមិត្រពាំងពោធិ៍ សង្កាត់គោករការ ខណ្ឌព្រែកព្នៅ រាជធានីភ្នំពេញ។

រថយន្តដែលក្រឡាប់នោះជារថយន្តបែន ម៉ាកហ៊ីយ៉ាន់ដាយក្បាល ពណ៌បៃតងទ្រុងពណ៌ខៀវ ពាកស្លាកលេខភ្នំពេញ៣D.៤៣១៦ជារថយន្តក្រុមហ៊ុនដឹកជញ្ជូនMG បើកបរដោយបុរសម្នាក់ពុំស្គាល់អត្តសញ្ញាណឡើយ។

តាមសាក្សីបានអោយ ដឹងថា នៅមុនពេលកើតហេតុ គេឃើញរថយន្តដឹកខ្សាច់មួយគ្រឿងខាងលើធ្វើដំណើរតាមមហាវិថីឈ្នះឈ្នះក្នុងទិសដៅពីជើង មកត្បូង។នៅពេលធ្វើដំណើរជិតដល់វិទ្យាស្ថានបច្ចេកទេសហៅសាលាកូរ៉េរថយន្តក៍រ៉េចង្កូតទៅឆ្វេងដៃ ឡើងសួនច្បារបុករៈកូនឈើ។ដោយសាតែកង់ម្ខាងនៅលើសួនជាហេតុធ្វើអោយរថយន្តផ្អៀងហើយកាច់ដាច់ទ្រងក្រឡាប់ចាក់ខ្សាច់ចោលទៅស្តាំ។ទោះបីជាយ៉ាងណាចាត់ទុកជាសំណាងពុំបណ្តាលអោយមនុស្សរងរបួសឡើយ។

តាមអ្នកបើកបររថយន្តឲ្យដឹងថា នៅមុនពេលកើតហេតុខ្លួនបានធ្វើដំណើរទៅដឹកខ្សាច់នៅដេប៉ូ គីឡូម៉ែត្រលេខ៩គោលបំណងយកទៅចាក់នៅខេត្តកំពង់ស្ពឺ។នៅពេលធ្វើដំណើរតាមផ្លូវ ងោក មួយភាំងក៍រ៉េចង្កូតឡើងសួនច្បារក្រឡាប់ចាក់ខ្សាច់ចោលតែម្ដង។បន្ទាប់ពីកើតមានគ្រោះថ្នាក់នគរបាលមូលដ្ឋានចុះទៅដល់កន្លែងកើតហេតុសម្រួលចរាចរណ៍ហើយទាក់ទងទៅនគរបាលចរាចរណ៍ផ្លូវគោកចុះមកវាស់វែងបញ្ជូនទៅកាន់ការិយាល័យដើម្បីដោះស្រាយសងការខូចខាតទ្រព្យសម្បត្តិសាធារណៈ៕