ខេត្តបន្ទាយមានជ័យ ៖ ស្ត្រីម្នាក់ពិការដៃម្ខាង និងស្ត្រីម្នាក់ទៀត ត្រូវបានសមត្ថកិច្ចថៃចាប់បានបញ្ជូនតាមរថយន្តដឹកពលករខុសច្បាប់២គ្រឿង ជាមួយពលករចំនួន៥១នាក់ មកប្រគល់ឱ្យសមត្ថ កិច្ចកម្ពុជា កាលពីល្ងាចថ្ងៃទី២៧ ខែមិថុនា…
ខេត្តបន្ទាយមានជ័យ ៖ ស្ត្រីម្នាក់ពិការដៃម្ខាង និងស្ត្រីម្នាក់ទៀត ត្រូវបានសមត្ថកិច្ចថៃចាប់បានបញ្ជូនតាមរថយន្តដឹកពលករខុសច្បាប់២គ្រឿង ជាមួយពលករចំនួន៥១នាក់ មកប្រគល់ឱ្យសមត្ថ កិច្ចកម្ពុជា កាលពីល្ងាចថ្ងៃទី២៧ ខែមិថុនា ឆ្នាំ២០២៥ នៅច្រកទ្វារអន្តរជាតិប៉ោយប៉ែត ។
ស្ត្រីដែលត្រូវបានសមត្ថកិច្ចថៃចាប់នៅពេលដែលភាគីថៃបិទច្រកព្រំដែន មិនឱ្យចូលមកកម្ពុជាពេលគាត់មានបំណងចង់ចូលមកកម្ពុជា កាលពីថ្ងៃទី២៤ ខែមិថុនា ឆ្នាំ២០២៥បានធ្វើការតវ៉ាមួយនៅច្រកទ្វារព្រំដែនថៃជាមួយពលរដ្ឋខ្មែរជាង១០០នាក់ទៀត ដែលចាំតាំងពីព្រឹកដល់យប់ នៅតែមិនបើកច្រកទ្វារឱ្យឆ្លងចូលមកកម្ពុជា ។ ដោយសារការស្រែកតវ៉ានោះហើយ ទើបពួកគាត់ទាំង២ ត្រូវខាងថៃចាប់ និងចោទថាបាននាំមនុស្សទៅសុំទានលើដីថៃ និងផាកពិន័យអស់ ៤០០០បាត ។
ពេលស្ត្រីពិការដៃ និងស្ត្រីម្នាក់ត្រូវសមត្ថកិច្ចថៃចាប់បញ្ជូនមកនោះ ឃើញវត្តមានឯកឧត្តម អ៊ុំ រាត្រី អភិបាលខេត្តបន្ទាយមានជ័យបានទៅទទួលហើយមិនបានផ្តល់ព័ត៌មានជូនជាក់លាក់ តើសមត្ថ កិច្ចថៃចាប់មូលហេតុអ្វីនោះទេ ។
ដឹងព័ត៌មានខ្លះៗនៅពេលភាគីថៃបិទព្រំដែនវេលាម៉ោង៨ព្រឹក កាលពីថ្ងៃទី២៤ ខែមិថុនា ឆ្នាំ២០២៥ ហើយកម្ពុជា-ថៃ បានពិភាក្សានិងសម្រួលឱ្យពលរដ្ឋខ្មែរដែលជាប់គាំងក្នុងទឹកដីថៃច្រកខ្លងលឹកចូលមកកម្ពុជា ចាប់ពីវេលាម៉ោង៥ដល់៨យប់ ដែលមានពលរដ្ឋខ្មែរប្រមាណជាង ៦.០០០នាក់ និងរថយន្តជាង៣០០គ្រឿង ហើយភាគីថៃបានបិទច្រកព្រំដែនមិនឱ្យពលរដ្ឋខ្មែរចូលមកកម្ពុជា នៅពេលដែលស្ត្រីទាំង២បានតវ៉ាប៉ងសម្រុកចេញក៏ត្រូវបានសមត្ថកិច្ចថៃឃាត់ខ្លួនភ្លាមៗតែម្តង ទម្រាំបានដោះលែងមកវិញ ៕
ចែករំលែកព័តមាននេះ