ខេត្តបន្ទាយមានជ័យ ៖ សេចក្តីរាយការបឋមបានឲ្យដឹងថា កាល ពីរសៀលថ្ងៃទី២៨ ខែមិថុនា ឆ្នាំ២០២៥ មានការភ្ញាក់ផ្អើលមួយនៅចំណុចវាលស្រែ ខាងត្បូងបឹងឈូក ភូមិស្នូលទ្រេត…
ខេត្តបន្ទាយមានជ័យ ៖ សេចក្តីរាយការបឋមបានឲ្យដឹងថា កាល ពីរសៀលថ្ងៃទី២៨ ខែមិថុនា ឆ្នាំ២០២៥ មានការភ្ញាក់ផ្អើលមួយនៅចំណុចវាលស្រែ ខាងត្បូងបឹងឈូក ភូមិស្នូលទ្រេត ឃុំអូបីជាន់ ស្រុកអូជ្រៅ ខេត្តបន្ទាយមានជ័យ បន្ទាប់ពីស្ត្រីម្នាក់ដែលជាប្រពន្ធប្រធានភូមិ បានជិះម៉ូតូទៅមើលប្តីភ្ជួរស្រែដោយត្រាក់ទ័រ ខណៈពេលជិះដល់ពាក់កណ្តាលផ្លូវ ក៏ប្រទះឃើញរណ្តៅដីថ្មីៗមួយ ទើបកើត ការសង្ស័យហើយបានរៀបរាប់ប្រាប់ប្តី ហើយប្តីក៏បានយករឿងនេះរាយការណ៍ជូនទៅសមត្តកិច្ចនគរបាលមូលដ្ឋានភ្លាមៗដែរ ។
លុះបន្ទាប់មកគេក៏បានឃើញកម្លាំងសមត្តកិច្ចគ្រប់ជំនាញ ថ្នាក់ក្រុង ខេត្តមានទាំងមន្ត្រីគ្រូពេទ្យ និងស្ថាប័នអយ្យការអមសាលាដំបូងខេត្ត បានចុះទៅជីកកាប់កាយរណ្តៅដីនោះ ដោយឃើញមានវ៉ាលីសខ្មៅមួយ និងមានក្លិនស្អុយអាសោចិ៍ជាក្លិនសាកសព ។
សេចក្តីរាយការបន្តថា នៅពេលសមត្តកិច្ចកាយដីរណ្តៅប្រទះឃើញវ៉ាលីសនោះភ្លាម គណៈកម្មការរួមក៏បានធ្វើការឆែកឆេរក្នុងវ៉ាលីស ស្រាប់តែឃើញសាកសពមនុស្សប្រុសម្នាក់ អាយុប្រហែល៣០ ឆ្នាំ សង្ស័យជាជនបរទេស ដោយមិនទាន់ស្គាល់អត្តសញ្ញាណនៅឡើយ តែសមត្តកិច្ចសង្ស័យជាអំពើឃាតកម្ម ។
ហេតុការខាងលើនេះមានប្រជាកសិករធ្វើស្រែចំការនៅក្បែរនោះ បានភ្ញាក់ផ្អើលនិងនាំគ្នាបម្រុងទៅមើល តែត្រូវបាន ការហាមឃាត់មិនឲ្យចូលទៅជិត ។ ដោយទុកពេលឲ្យសមត្តកិច្ចធ្វើការស្រាវជ្រាវលើករណីឃាតកម្មនេះ ៕
ចែករំលែកព័តមាននេះ