ខេត្តបន្ទាយមានជ័យ ៖ តាមសេចក្តីរាយការណ៍ឲ្យដឹងថា កាលពីរសៀលថ្ងៃទី២៨ ខែមិថុនា ឆ្នាំ២០២៥ មានការភ្ញាក់ផ្អើលមួយចំណុចគំនរសំរាមជិតផ្លូវធំ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត…
ខេត្តបន្ទាយមានជ័យ ៖ តាមសេចក្តីរាយការណ៍ឲ្យដឹងថា កាលពីរសៀលថ្ងៃទី២៨ ខែមិថុនា ឆ្នាំ២០២៥ មានការភ្ញាក់ផ្អើលមួយចំណុចគំនរសំរាមជិតផ្លូវធំ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ បន្ទាប់ពីមានក្មេងប្រុសជាជនគរថ្លង់ម្នាក់ដើររើសអេតចាយ បានប្រទះឃើញសាកសពទារត្រូវគេយកទៅប្លុងចោលនៅក្នុងគំនរសំរាម ។
ហេតុខាងលើនេះត្រូវបានបុរសឈ្មោះ វាំង សុខះ អាយុ៥៦ ឆ្នាំ មុខរបរ ជាសន្តិសុខឯកជន ស្នាក់នៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ បានរៀបរាប់ឲ្យដឹងថា នៅវេលាម៉ោងប្រមាណជាង១សៀលថ្ងៃទី២៨ខែមិថុនា ឆ្នាំ២០២៥ ខណៈកំពុងយាមប្រចាំការនៅមុខសាលាសង្កាត់ ភូមិសាមគ្គីមានជ័យ សង្កាត់អូរជ្រៅ ស្រាប់តែមានក្មេងប្រុសម្នាក់ជាជនគថ្លង់ ដែលជាអ្នករើសអេតចាយ បានមកកេះប្រាប់គាត់ដោយធ្វើកាយវិការលើកដៃលើកជើងធ្វើសញ្ញា ចង់ឲ្យគាត់ទៅមើល ក្នុងគំនរសំរាមមួយនោះ (ភាសាគមិនដឹងជាមានរឿងអីពិតប្រាកដ) ។
បុរសជាសន្តិសុខបន្តថា ឃើញកាយវិការក្មេងប្រុសគនោះដំបូ ងគាត់បានសន្និដ្ឋានថា ទំនងប្រហែលជាមានពស់ឬពស់ថ្លាន់ ទើបគាត់បានស្ទុះទៅទាយយកដំបងឈើមួយលីដើរសំដៅទៅគំនរសំរាមនោះ ។
តាមរយៈកាយវិការមនុស្សគ ពេលទៅដល់គំនរសំរាមនោះ ក្មេងប្រុសក៏ចាប់បើកមាត់ថង់ប្លាស្ទិច ដែលមានអាវយឺតពណ៌ខ្មៅដៃវែងរុំជិត ស្រាប់តែឃើញទារកប្រុសម្នាក់នៅស្រស់ៗ ទើបនាំគ្នាផ្អើលឡើង និងមានប្រជាពលរដ្ឋជាច្រើនទៅចោមរោមមើល ហើយបានលើកទារកចេញពីក្នុងថង់ខ្មៅដែលម្នាក់ៗសន្និដ្ឋានថានៅមានដង្ហើម ប៉ុន្តែពិនិត្យមើលឱ្យមែនទែនទៅ ទើបដឹងថា ទារកនោះស្លាប់ហើយ ហើយត្រូវគេបោះបង់ចោលនៅគំនរសំរាមនេះ ៕
ចែករំលែកព័តមាននេះ