រាជធានីភ្នំពេញ៖ យោងតាមការក្រើនរំលឹករបស់ មន្ទីរពេទ្យកាល់ម៉ែត បានឱ្យដឹងថាជំងឺលើស សម្ពាធឈាម ​មិនត្រឹមតែគំរាមកំហែងដល់បេះដូងប៉ុណ្ណោះទេ ថែមទាំងជាមូលហេតុចម្បងដែលបង្កឱ្យមាន ជំងឺ​ខ្សោយ​តម្រងនោម ទៀតផង។

ដំណើរការ​នៃ​ការ​បំផ្លាញ:

• ប៉ះពាល់​សរសៃឈាម: ជំងឺលើសឈាមធ្វើឱ្យខូចខាតសរសៃឈាមតូចៗនៅក្នុងតម្រងនោម។
• ជាតិសាច់​ចេញ​តាម​ទឹកនោម: ជាលទ្ធផល តម្រងនោមលែងអាចច្រោះបានត្រឹមត្រូវ ដែលនាំឱ្យមានជាតិសាច់ ​ចេញតាមទឹកនោម (ទឹកនោមប្រៃ)។
• វដ្ត​កាន់តែ​ធ្ងន់ធ្ងរ: នៅពេលតម្រងនោមខ្សោយ វានឹងធ្វើឱ្យកម្រិតសម្ពាធឈាមកាន់តែឡើងខ្ពស់ ចូលទៅក្នុងវដ្តដ៏គ្រោះថ្នាក់។

រោគសញ្ញា​ត្រូវ​ប្រយ័ត្ន៖

រោគសញ្ញាដែលបង្ហាញថាតម្រងនោមចាប់ផ្ដើមមានបញ្ហាដោយសារលើសឈាមគឺ៖

• ហើម​ជើង​ទាំង​សងខាង
• ហើម​មុខ ជាពិសេស​ ត្របកភ្នែក

ការ​អំពាវនាវ: បុគ្គលដែលមានជំងឺលើសឈាម គួរតែតាមដាន និងព្យាបាលឱ្យបានត្រឹមត្រូវបំផុត ដើម្បីការពារការខូចខាតដល់តម្រងនោម និងសរីរាង្គដទៃទៀត៕
​