ខេត្តកំពង់ឆ្នាំង ៖ ត្រីរាជមួយក្បាលទម្ងន់ប្រមាណ៤០គីឡូក្រាម ត្រូវបានមន្ត្រីខណ្ឌរដ្ឋបាលជលផលកំពង់ឆ្នាំង សហការជាមួយសង្កាត់រដ្ឋបាលជលផលកំពង់លែង យកទៅលែងចូលទន្លេធម្មជាតិវិញ កាលពីរសៀលថ្ងៃទី2 ខែមីនា ឆ្នាំ2026 ។…
ខេត្តកំពង់ឆ្នាំង ៖ ត្រីរាជមួយក្បាលទម្ងន់ប្រមាណ៤០គីឡូក្រាម ត្រូវបានមន្ត្រីខណ្ឌរដ្ឋបាលជលផលកំពង់ឆ្នាំង សហការជាមួយសង្កាត់រដ្ឋបាលជលផលកំពង់លែង យកទៅលែងចូលទន្លេធម្មជាតិវិញ កាលពីរសៀលថ្ងៃទី2 ខែមីនា ឆ្នាំ2026 ។
លោក តាត សីហាក់ នាយខណ្ឌរដ្ឋបាលជលផលកំពង់ឆ្នាំងបានបញ្ជាក់ថា ប្រជានេសាទឈ្មោះ នាង នឿន រស់នៅភូមិស្លត ឃុំផ្លូវទូក ស្រុកកំពង់លែង បានចាប់បានត្រីរាជ១ក្បាលមានទម្ងន់៤០គីឡូក្រាម មានប្រវែង១,៥ម៉ែត្រ មានទទឹង០,៤ ម៉ែត្រ ដោយការដាក់លបចាប់បាននៅចំណុចវាលភក់ ។
ក្រោយការចាប់បាន ប្រជានេសាទបានប្រគល់ត្រីនោះមកឱ្យមន្ត្រីរដ្ឋបាលជលផល ហើយធ្វើការលែងចូលទន្លេវិញ ។
លោកក៏សូមអំពាវនាវដល់ប្រជានេសាទ បើចាប់បានត្រីរាជ ឬត្រីធំៗ ពូជត្រីកម្រ សូមលែងចូលទន្លេវិញ ឬប្រគល់ឲ្យមន្ត្រីរដ្ឋបាលជលផល ដើម្បីលេងចូលទៅលើវិញដែរ ។
ចែករំលែកព័តមាននេះ