សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំអះអាងថា រកឃើញហើយអ្នកទិញយកសាខាTIKTOKនៅអាមេរិក ដែលកំពុងស្ថិតនៅក្រោមច្បាប់ហាមឃាត់នៅសហរដ្ឋអាមេរិក។ លោកត្រាំប្រកាសថា លោកនឹងលាតត្រដាងអ្នកទិញនោះអំឡុងពេល២សប្ដាហ៍ទៀត។ លោកបញ្ជាក់ថានោះជាក្រុមមនុស្សអ្នកមានបំផុតតែសម្រាប់ពេលនេះលោកមិនទាន់បញ្ជាក់ដោយលម្អិតនៅឡើយ។ ប្រធានាធិបតីអាមេរិកបានធ្វើសេចក្ដីថ្លែងការណ៍នោះ ក្នុងបទសម្ភាសន៍មួយជាមួយទូរទស្សន៍…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំអះអាងថា រកឃើញហើយអ្នកទិញយកសាខាTIKTOKនៅអាមេរិក ដែលកំពុងស្ថិតនៅក្រោមច្បាប់ហាមឃាត់នៅសហរដ្ឋអាមេរិក។ លោកត្រាំប្រកាសថា លោកនឹងលាតត្រដាងអ្នកទិញនោះអំឡុងពេល២សប្ដាហ៍ទៀត។ លោកបញ្ជាក់ថានោះជាក្រុមមនុស្សអ្នកមានបំផុតតែសម្រាប់ពេលនេះលោកមិនទាន់បញ្ជាក់ដោយលម្អិតនៅឡើយ។
ប្រធានាធិបតីអាមេរិកបានធ្វើសេចក្ដីថ្លែងការណ៍នោះ ក្នុងបទសម្ភាសន៍មួយជាមួយទូរទស្សន៍ FOX NEWS ចេញផ្សាយនាថ្ងៃទី២៩មិថុនា។ លោកក៏គូសបញ្ជាក់ដែរថាកិច្ចព្រមព្រៀងមួយដែលកំពុងរៀបរៀង ប្រហែលជានៅចាំបាច់ការយល់ព្រមរបស់ចិន ហើយលោកបានព្យាករណ៍ទុកមុនថា ប្រធានាថិបតីចិនលោកសីុជីនពីងប្រហែលជាផ្ដល់ភ្លើងខៀវ។
ពេលកំណត់នៃការហាមឃាត់TIKTOKនៅអាមេរិកត្រូវបានលើកពេល៣លើកមកហើយ។ កាលពីពាក់កណ្ដាលខែមិថុនា លោកត្រាំបានពន្យារពេលរហូតដល់ថ្ងៃទី១៧កញ្ញាកាលបរិច្ឆេទចុងក្រោយឲ្យ់សាខាTIKTOKចិននៅអាមេរិកគឺក្រុមហ៊ុនBYTEDANCE លក់ភាគហ៊ុនរបស់ក្រុមហ៊ុននេះដល់អាមេរិក បើមិនដូច្នេះទេត្រូវហាមឃាត់មិនឲ្យដំណើរការនៅអាមេរិកយោងតាមច្បាប់ ដែលប្រកាសឲ្យប្រើដោយអតីតប្រធានាធិបតីលោកចូបៃដិនកាលពីឆ្នាំ២០២៤៕
ចែករំលែកព័តមាននេះ