ក្រសួងហិរញ្ញវត្ថុរុស្ស៊ីរាយការណ៍កាលពីថ្ងៃទី១៨ កញ្ញា ថា ប្រទេសរុស្ស៊ីបានយល់ព្រមលុបចោល៩០% នៃបំណុល១១ពាន់លានដុល្លារ ដែលកូរ៉េខាងជើងជំពាក់អតីតសហភាពសូវៀត។លោក ស័រហ្គេយ ស្ទ័រចាក អនុរដ្ឋមន្ត្រីហិរញ្ញវត្ថុរុស្ស៊ីថ្លែងទៅកាន់សារព័ត៌មានថា កិច្ចព្រមព្រៀងមួយផ្តោតទៅលើការកាត់បន្ថយបំណុលរបស់កូរ៉េខាងជើងនោះ ត្រូវបានចុះហត្ថលេខាកាលពីថ្ងៃទី១៧
ក្រសួងហិរញ្ញវត្ថុរុស្ស៊ីរាយការណ៍កាលពីថ្ងៃទី១៨ កញ្ញា ថា ប្រទេសរុស្ស៊ីបានយល់ព្រមលុបចោល៩០% នៃបំណុល១១ពាន់លានដុល្លារ ដែលកូរ៉េខាងជើងជំពាក់អតីតសហភាពសូវៀត។លោក ស័រហ្គេយ ស្ទ័រចាក អនុរដ្ឋមន្ត្រីហិរញ្ញវត្ថុរុស្ស៊ីថ្លែងទៅកាន់សារព័ត៌មានថា កិច្ចព្រមព្រៀងមួយផ្តោតទៅលើការកាត់បន្ថយបំណុលរបស់កូរ៉េខាងជើងនោះ ត្រូវបានចុះហត្ថលេខាកាលពីថ្ងៃទី១៧ កញ្ញា កន្លងមកនេះនៅក្រុងមូស្គូ ។
ចាប់តាំងពីទសវត្សឆ្នាំ៥០មក កូរ៉េខាងជើងបានជំពាក់បំណុលអតីតសហភាពសូវៀត ដែលរុស្ស៊ីបន្តជាម្ចាស់បំណុលដល់ទៅ១១ពាន់លានដុល្លារ ។ អតីតសហភាពសូវៀតបានកសាងមជ្ឈមណ្ឌលអគ្គិសនីនិងរោងចក្រចំនួន៧០កន្លែងនៅ កូរ៉េខាងជើងបន្ថែមការផ្គត់ផ្គង់ថាមពល ហើយផ្តល់ការយកពន្ធមានការយោគយល់ក្នុងការធ្វើពាណិជ្ជកម្ម ។
ក្រុងមូស្គូ និងក្រុងព្យុងយ៉ាង បានចរចាគ្នារយៈពេល៤ឆ្នាំលើបញ្ហានេះ តែពុំទទួលបានដំណោះស្រាយមួយដែលអាចទទួលយកបានទាំងសងខាងឡើយ ។ យោងតាមកិច្ចព្រមព្រៀងដែលទើបចុះហត្ថលេខា រុស្ស៊ីទីបំផុតយល់ព្រម លុបចោល៩០%នៃបំណុលកូរ៉េខាងជើង ។ ចំពោះបំណុលនៅសល់គឺជាការទូទាត់ទល់នឹងជំនួយមានន័យថា បំណុលដែលត្រូវសងនឹងបញ្ជូលក្នុងគម្រោង រួមទាំងឡាយនៃវិស័យមនុស្សធម៌និងថាមពល ៕
ចែករំលែកព័តមាននេះ