រាជធានីភ្នំពេញ ៖ នៅចំពោះមុខអ្នកបើកបរតាក់ស៊ីជាង២០នាក់ដែលត្រូវអាជ្ញាធរចាប់ប្រមូលរថយន្តកាលពីសប្តាហ៍មុន នៅវេលាម៉ោង៩និង៣០នាទីព្រឹកថ្ងៃទី១៩ កញ្ញា នេះ លោកអភិបាលខណ្ឌសែនសុខបានអំពាវនាវសុំឲ្យអ្នករត់តាក់ស៊ីកុំយកចិញ្ចើមមហាវិថីសហព័ន្ឋរុស្ស៊ីធ្វើជាចំណតរថយន្តដាក់ភ្ញៀវឲ្យសោះ ព្រោះផ្លូវនេះជាមុខមាត់ប្រទេសកម្ពុជា ដោយសារមានភ្ញៀវអន្តរជាតិបាន
រាជធានីភ្នំពេញ ៖ នៅចំពោះមុខអ្នកបើកបរតាក់ស៊ីជាង២០នាក់ដែលត្រូវអាជ្ញាធរចាប់ប្រមូលរថយន្តកាលពីសប្តាហ៍មុន នៅវេលាម៉ោង៩និង៣០នាទីព្រឹកថ្ងៃទី១៩ កញ្ញា នេះ លោកអភិបាលខណ្ឌសែនសុខបានអំពាវនាវសុំឲ្យអ្នករត់តាក់ស៊ីកុំយកចិញ្ចើមមហាវិថីសហព័ន្ឋរុស្ស៊ីធ្វើជាចំណតរថយន្តដាក់ភ្ញៀវឲ្យសោះ ព្រោះផ្លូវនេះជាមុខមាត់ប្រទេសកម្ពុជា ដោយសារមានភ្ញៀវអន្តរជាតិបានធ្វើដំណើរឆ្លងកាត់មហាវិថីនេះរាល់ថ្ងៃ ។
លោក លី សាវេត អភិបាលខណ្ឌសែនសុខនិងមានការចូលរួមដោយលោកម៉ក់ ហុង អធិការនគរបាលខណ្ឌបានជួបជាមួយអ្នកបើកបរតាក់ស៊ីជាង២០នាក់ដែលអាជ្ញាធរបានចាប់រថយន្តរបស់ពួកគាត់យកទៅរក្សាទុកកាលពីសប្តាហ៍មុនដើម្បីជាការព្រមាន ហើយក្នុងជំនួបជាមួយអ្នកបើកបរតាក់ស៊ីទាំងនេះ លោកអភិបាលខណ្ឌមានប្រសាសន៍ពន្យល់ប្រាប់ថា ព្រះរាជាណាចក្រកម្ពុជា ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោហ៊ុន សែនសព្វថ្ងែនេះ មិនខ្វះការងារសម្រាប់ឲ្យប្រជាពលរដ្ឋរកស៊ី ដើម្បីចិញ្ចឹមជីវិតនោះទេ ។
ផ្ទុយទៅវិញ លោកសុំឲ្យប្រជាពលរដ្ឋកុំប្រកបអាជីវកម្មដែលធ្វើឲ្យប៉ះពាល់មុខមាត់ប្រទេសជាតិដូចជានៅលើមហាវិថីសហព័ន្ធរុស្ស៊ីដែលគិតពីព្រលានយន្តហោះអន្តរជាតិភ្នំពេញមកដល់គល់ស្ពានអាកាស៧មករាមិនឆ្ងាយប៉ុន្មានទេ គួរតែប្រជាពលរដ្ឋចៀសវាងឲ្យឆ្ងាយ ដើម្បីទុកមហាវិថីនេះសម្រាប់ភ្ញៀវជាតិអន្តរជាតិធ្វើដំណើរទៅមកកុំឲ្យគេឃើញភាពឥតសណ្តាប់ធ្នាប់នៃការចតរថយន្តដាក់ភ្ញៀវបែបនេះកន្លងមក ។ លោកបន្តថា អភិបាលរាជធានីភ្នំពេញ បានយកចិត្តទុកដាក់ចំពោះមហាវិថីសហព័ន្ធរុស្ស៊ីដោយបានកែលម្អជាច្រើនដូចជាដាក់ការ៉ូឡា ដាំដើមឈើនិងរៀបខឿនផ្លូវឲ្យមានសោភ័ណភាពកាន់តែស្រស់បំព្រងជាងផ្លូវណាៗទាំងអស់។
ចំពោះរថយន្តតាក់ស៊ីដែលអាជ្ញាធរខណ្ឌសែនសុខចាប់បានសរុបចំនួន១៦គ្រឿងដែលលោកអភិបាលខណ្ឌបានជម្រាបទៅអ្នកបើកបរតាក់ស៊ីទាំងអស់ខាងលើឱ្យទាក់ទងទៅមន្ត្រីសាលារាជធានីភ្នំពេញ ដើម្បីយករថយន្តទៅប្រកបអាជីវកម្មវិញ ដោយមិនមានបង់ពិន័យប្រាក់មួយរៀលនោះឡើយ ៕
ចែករំលែកព័តមាននេះ