រាជធានីភ្នំពេញ ៖ សាសនិកអ៊ិស្លាមដែលទទួលបានជ័យលាភីលើការប្រឡងទន្ទេញគម្ពីរអាល់គួរអានប្រចាំឆ្នាំលើកទី១នៅទូទាំងប្រទេសត្រូវបានធ្វើពិធីចែករង្វាន់ កាលពីវេលារសៀលថ្ងៃទី១៦ កញ្ញ ក្រោមអធិបតីភាពលោកឧកញ៉ាអូស្មាន ហាស្សាន់រដ្ឋលេខាធិការក្រសួងការងា និង បណ្តុះបណ្តាលវិជ្ជាជីវៈ ជាប្រធានអង្គការមូលនិធិអភិវឌ្ឍមូស្លីមកម្ពុជា ។
រាជធានីភ្នំពេញ ៖ សាសនិកអ៊ិស្លាមដែលទទួលបានជ័យលាភីលើការប្រឡងទន្ទេញគម្ពីរអាល់គួរអានប្រចាំឆ្នាំលើកទី១នៅទូទាំងប្រទេសត្រូវបានធ្វើពិធីចែករង្វាន់ កាលពីវេលារសៀលថ្ងៃទី១៦ កញ្ញ ក្រោមអធិបតីភាពលោកឧកញ៉ាអូស្មាន ហាស្សាន់រដ្ឋលេខាធិការក្រសួងការងា និង បណ្តុះបណ្តាលវិជ្ជាជីវៈ ជាប្រធានអង្គការមូលនិធិអភិវឌ្ឍមូស្លីមកម្ពុជា ។
ពិធីនេះបានរៀបចំឡើងនៅមជ្ឈមណ្ឌលមូដេន៥ ស្ថិតនៅសង្កាត់ឫស្សីកែវ ខណ្ឌឫស្សីកែវ ដោយមានការអញ្ជើញចូលរួមពីលោកវេជ្ជបណ្ឌិតសុះ មុះសិន រដ្ឋលេខាធិការក្រសួងធ្មការ និងសាសនា ជាអនុប្រធានអង្គការមូលនិធិអភិវឌ្ឍមូស្លីមកម្ពុជានិងលោកហ្សាការីយ៉ា អាដាមជាតំណាងរាស្រ្ត និងជាអនុប្រធានអង្គការមូលនិធិអភិវឌ្ឍមូស្លីមកម្ពុជា ព្រមទាំងតំណាងសមាគមសម្របសម្រួលសង្គមរដ្ឋគុយវ៉ែត និងសមាគមសប្បុុរសធម៌ដើម្បីអភិវឌ្ឍកម្ពុជា និងសាសនិកអ៊ិស្លាមសិកស្សានុសិស្សអ៊ិស្លាមយ៉ាងច្រើនកុះករ។
លោកមហាម៉ាត់ ស៊ុលតន តំណាងសមាគមសម្របសម្រួលរដ្ឋគុយវ៉ែត និងជាទីប្រឹក្សាសមាគមសប្បុរសធម៌ដើម្បីអភិវឌ្ឍកម្ពុជា បានឱ្យដឹងថា ការប្រឡងទន្ទេញ«គម្ពីរអាល់គួរអាន»ប្រចាំឆ្នាំលើកទី១នេះមានបេក្ខជនចូលរួមប្រឡងចំនួន៥២០នាក់នៅទូទាំងប្រទេសដែលមកពី១៧ខេត្ត និង១៦សាលាអ៊ិស្លាមហើយត្រូវបានប្រឡងជ្រើសរើស យ៉ាងលំបាកបានទទួលចំណាត់តែចំនួន៩០នាក់ ។ លោកមហាម៉ាត់ ស៊ុលតន បានបន្តថា ការប្រឡងជ្រើសរើសមាន៤ផ្នែក ១-សូត្រគម្ពីរអាល់គួរអានសំឡេងល្អ ២-ទន្ទេញគម្ពីរ ៣-គូរគំនូរ និង៤-អក្សរផ្ចង់ ។
លោកឧកញ៉ាអូស្មាន ហាស្សាន់ បានឱ្យដឹងថា ការប្រឡងជ្រើសរើសដែលបានរៀបចំដោយសមាគមសម្របសម្រួលសង្គមរដ្ឋគុយវ៉ែតសហការជាមួយសមាគមសប្បុរសធម៌ដើម្បីអភិវឌ្ឍកម្ពុជា នេះជាការបង្កើតឱ្យធនធានមនុស្សជាលើកដំបូងសម្រាប់អ៊ិស្លាមនៅកម្ពុជា ។ បើសិនសាសនិកអ៊ិស្លាមកាន់សាសនាអ៊ិស្លាម តែមិនចេះសូត្រគម្ពីរអាល់គួរអាននោះមិនមែនជាអ្នកកាន់សាសនាអ៊ិស្លាមនោះទេ ព្រោះគោលការគោរពសានាអ៊ិស្លាមមានចែងក្នុងគម្ពីរទាំងអស់។
លោកឧកញ៉ាអូស្មាន ហាស្សាន់ បានបន្តទៀតថា បើសិនជាយើងបណ្តុះបណ្តាលកូនចៅឱ្យចេះសូត្រ និងចាំគម្ពីរអាល់គួរអានតាំងពីកុមារភាពវាជាកម្លាំងមួយនៃជំនឿដែលអាចបង្កើតឱ្យមានអ៊ីម៉ាំ និងអ៊ិស្លាមក្នុងខ្លួន ។ សាសនិកអ៊ិស្លាមត្រូវចៀសឱ្យផុតពីអំពើទាំងឡាយដែលសាសនាអ៊ិស្លាមហាមឃាត់ ។ លោកឧកញ៉ាក៏បានថ្លែងអំណរគុណយ៉ាងជ្រាលជ្រៅដល់សមាគមសម្របសម្រួលសង្គមរដ្ឋគូយវ៉ែត និងសមាគមសប្បុរសធម៌ ដើម្បីអភិវឌ្ឍន៍កម្ពុជាដែលបានបង្កើតកម្មវិធីជាបន្តបន្ទាប់យ៉ាងផុលផុសមិនថាតែពេលនេះទេ ជាប្រយោជន៍អ៊ិស្លាមនៅកម្ពុជា ក៏ដួចជាប្រយោជន៍សង្គមជាតិទាំងមូល ។
លោកឧកញ៉ាអូស្មាន ហាស្សាន់បានបញ្ជាក់ថា រាជរដ្ឋាភិបាលក្រោមការដឹកនាំរបស់សម្តេចតេជោហ៊ុន សែនដែលជាអ្នកកាន់សាសនាព្រះពុទ្ធដែលជាសាសនារបស់រដ្ឋក៏ដោយ ប៉ុន្តែសម្តេចបានផ្តល់គោលនយោបាយជាច្រើនសម្រាប់អ្នកកាន់សាសនាផ្សេងៗទៀតជាពិសេសអ្នកកាន់សាសនាអ៊ិស្លាមយើងទាំងអស់គ្នា ។ ដូចនេះដើម្បីមានការអភិវឌ្ឍយើងទាំងអស់គ្នាត្រូវប្រកាន់អ៊ីម៉ាំប្រព្រឹត្តិអំពើល្អ និងខិតខំរៀនសូត្រ ដើម្បីសហគមន៍អ៊ិស្លាម និងសង្គមជាតិ ។ ក្នុងឱកាសនោះលោកឧកញ៉ាអូស្មាន ហាស្សាន់ និងគណៈអធិបតីបានចែករង្វាន់ដល់សាសនិកអ៊ិស្លាម និងសិស្សានុសិស្សអ៊ិស្លាមដែលទទួលបានជ័យលាភីជានិមិត្តរូប ៕
ចែករំលែកព័តមាននេះ