រាជធានីភ្នំពេញ ៖ ដោយមានការណែនាំដ៏ខ្ពង់ខ្ពស់របស់លោកស៊ាន បូរ៉ាត ទីប្រឹក្សាផ្ទាល់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋលេខាធិការក្រសួងអប់រំ យុវជន និងកីឡា និងជាប្រធានកិត្តិយសសមាគមគ្រឹះស្ថានឧត្តមសិក្សាកម្ពុជា និងលោកអ៊ីន វីរជាតិ ប្រធានក្រុមប្រឹក្សាភិបាលនៃសមាគមគ្រឹះស្ថានឧត្តមសិក្សាកម្ពុជា ។
លោកលី ឆេង ប្រធានសមាគមគ្រឹះស្ថានឧត្តមសិក្សាកម្ពុជា ថ្នាក់ដឹកនាំ និងសមាជិក នៃសមាគមគ្រឹះស្ថានឧត្តមសិក្សាកម្ពុជាទាំងអស់ បាននាំយកជំនួយឧបត្ថម្ភជាថវិកាចំនួន៧៣.៥៦៨.៣០០រៀល (ចិតសិបបីលានប្រាំសែនប្រាំមួយម៉ឺនប្រាំបីពាន់បីរយរៀល) ក្នុងនោះលើកទី១ មានចំនួន៥.០០០.០០០រៀល និងលើកទី២ មានចំនួន៦៨.៥៦៨.៣០០រៀល ជូនដល់មូលនិធិបាយ័ន កាលពីថ្ងៃទី២៤ កុម្ភៈ ឆ្នាំ២០១១ វេលាម៉ោង៤និង៣០នាទីរសៀល ដែលមានសមាជិករួមដំណើររួមមាន ១-លោកអ៊ីន វីរជ័យ សាកលវិទ្យាធិការរងនៃសាកលវិទ្យាល័យបៀលប្រាយ និងតំណាងឱ្យលោកអ៊ីន វីរជាតិ ប្រធានក្រុមប្រឹក្សាភិបាល សមាគមគ្រឹះស្ថានឧត្តមសិក្សាកម្ពុជា ២-លោកតែ ឡូរិន អនុប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជា និងជាសាកលវិទ្យាធិការនៃសាកលវិទ្យាល័យវេស្ទើន ៣-លោកស្រីទេព កុលាប អនុប្រធានសមាគមគ្រឹះស្ថានឧត្តមសិក្សាកម្ពុជា និងជាសាកលវិទ្យាធិការ សាកលវិទ្យាល័យភ្នំពេញអន្តរជាតិ ៤-លោកជា សុខឃាង អនុប្រធានសមាគមគ្រឹះស្ថានឧត្តមសិក្សាកម្ពុជា និងជានាយកសាលាអន្តរជាតិញូវយ៉ក ៥-លោកហេង ពិសិដ្ឋ តំណាងលោកហេង វ៉ាន់ដា អនុប្រធានសមាគមគ្រឹះស្ថានឧត្តមសិក្សាកម្ពុជា និងជានាយកវិទ្យាស្ថានវ៉ាន់ដា ៦-លោកស៊ាង សុវណ្ណ ប្រធានរដ្ឋបាលទូទៅ តំណាងលោកឌួង លាង អនុប្រធានអចិន្ត្រៃយ៍ សមាគមគ្រឹះស្ថានឧត្តមសិក្សាកម្ពុជា និងជាសាកលវិទ្យាធិការសាកលវិទ្យាល័យអាស៊ីអឺរ៉ុប ៧-លោកសំ សិទ្ធភូរិន អគ្គលេខាធិការនៃសមាគមគ្រឹះស្ថានឧត្តមសិក្សាកម្ពុជា ៨-លោកស្រីកន លីណា នាយិកាសាលា Home of English និង Home of Khmer ៩-លោករស់ ប៉ារ៉ាឌី នាយកសាខាប៊ែលធីទី៦ តំណាងវិទ្យាស្ថានប៊ែលធីអន្តរជាតិ ១០-លោកខាត់ សឿន អនុប្រធានការិយាល័យរដ្ឋបាល តំណាងវិទ្យាស្ថានប៊ែលធី អន្តរជាតិ ១១-លោកគឹម ចន្ធី នាយករងកាសែត និងទស្សនាវដ្តី តំណាងលោកសាបូ អូហ្សាណូ សាកលវិទ្យាធិការសាកលវិទ្យាល័យអន្តរជាតិ ១២-លោកអ៊ី រតនា ព្រឹទ្ធបុរស តំណាងលោកកៅ គឹមហួន សាកលវិទ្យាធិការ សាកលវិទ្យាល័យកម្ពុជា និង១៣-លោកឡាច សម្បត្តិ ប្រធានរដ្ឋបាល តំណាងលោកបណ្ឌិត ជាសាន ច័ន្ទថន សាកលវិទ្យាធិការ សាកលវិទ្យាល័យបញ្ញាសាស្ត្រកម្ពុជា។
លោកលី ឆេង បានមានប្រសាសន៍ថា សមាជិកនៃសមាគមគ្រឹះស្ថានឧត្តមសិក្សាមានចំនួន៤៣គ្រឹះស្ថាន ក្នុងនោះគ្រឹះស្ថានចំនួន២៩បានចូលរួមឧបត្ថម្ភតាមរយៈសមាគមគ្រឹះស្ថានឧត្តមសិក្សាកម្ពុជា ដោយឡែកសមាជិកដទៃទៀត ក៏បានចូលរួមឧបត្ថម្ភរួចហើយ មុនពេលដែលសមាគមរបស់យើងបានផ្សព្វផ្សាយ ។ ថវិកាដែលបានមកពីការចូលរួមរបស់សមាជិកទាំង២៩គ្រឹះស្ថាន គឺមានចំនួន១០៩.៥៦៨.៣០០រៀល ដូចបានរាយនាមដូចខាងក្រោម ៈ ១-សាកលវិទ្យាល័យបៀលប្រាយ (BBU) ថវិកា១០លានរៀល ២-វិទ្យាស្ថានប៊ែលធីអន្តរជាតិ (BII) ថវិកា៣១លាន២សែនរៀល ៣-សាកលវិទ្យាល័យភ្នំពេញអន្តរជាតិ (PPIU) ថវិកា១៥លានរៀល ៤-សាកលវិទ្យាល័យបញ្ញាសាស្ត្រកម្ពុជា (PUC) ថវិកា៦លាន៥៥៦ពាន់រៀល ៥-សាកលវិទ្យាល័យវេស្ទើន (WU) ថវិកា៦លានរៀល ៦-សាលាអន្តរជាតិញូវយ៉ក (NYIS) ថវិកា៤លាន១សែនរៀល ៧-វិទ្យាស្ថានវា៉ន់ដា (IV) ថវិកា៤លានរៀល ៨-សាកលវិទ្យាល័យអាស៊ីអឺរ៉ុប (AEU) ថវិកា៤លានរៀល ៩-សាកលវិទ្យាល័យពុទ្ធិសាស្ត្រ (UP) ថវិកា៤លានរៀល ១០-សាលារៀនហូមអហ្វអង់គ្លីស និងហូមអហ្វខ្មែរ (HOM) ថវិកា៤លានរៀល ១១-សាកលវិទ្យាល័យធនធានមនុស្ស (HRU) ថវិកា២លាន៥សែនរៀល ១២-សាកលវិទ្យាល័យអន្តរជាតិ (IU) ថវិកា២.៣៤៦.១០០រៀល ១៣-សាកលវិទ្យាល័យឯកទេសនៃកម្ពុជា (CUS) ថវិកា២លានរៀល ១៤-សាកលវិទ្យាល័យចេនឡា (CLU) ថវិកា២លានរៀល ១៥-វិទ្យាស្ថានអភិវឌ្ឍន៍អាស៊ីសច្ចៈ (SADI) ថវិកា២លានរៀល ១៦-សាលាអន្តរជាតិអាស៊ាន (AIS) ថវិកា១.៩៤៨.៩០០រៀល ១៧-សាលាអន្តរជាតិអាយ អ៊ី អ៊ែល (IEL) ថវិកា១.១៦៥.៧០០រៀល ១៨-សាកលវិទ្យាល័យកម្ពុជាអន្តរជាតិ (CAMIU) ថវិកា១.១០៤.៥០០រៀល ១៩-សាកលវិទ្យាល័យកម្ពុជា (UC) ថវិកា១លានរៀល ២០-សាកលវិទ្យាល័យន័រតុន (NU) ថវិកា១លានរៀល ២១-វិទ្យាស្ថានសហព័ន្ធអឺរ៉ុប (IEU) ថវិកា៥សែនរៀល ២២-វិទ្យាស្ថានអប់រំពាណិជ្ជសាស្ត្រ (IBE) ថវិកា៤សែនរៀល ២៣-វិទ្យាស្ថានខ្មែរជំនាន់ថ្មី (INK) ថវិកា៤សែនរៀល ២៤-សាកលវិទ្យាល័យឡាយហ្វ (LU) ថវិកា២៩ម៉ឺនរៀល ២៥-សាកលវិទ្យាល័យបញ្ញាជាតិ (PUC) ថវិកា២០ម៉ឺនរៀល ២៦-វិទ្យាស្ថានគ្រប់គ្រង និងអភិវឌ្ឍន៍ (IMD) ថវិកា២០ម៉ឺនរៀល ២៧-សាកលវិទ្យាល័យអង្គរ (AU) ថវិកា២០ម៉ឺនរៀល ២៨-វិទ្យាស្ថានប្រាយហូប (BHI) ថវិកា២០ម៉ឺនរៀល និង២៩-សាលាអន្តរជាតិម៉ូឌេន ថវិកា២លានរៀល ទឹកប្រាក់សរុបទាំងអស់១០៩.៥៦៨.៣០០រៀល ។
លោកក៏បានបញ្ជាក់ផងដែរថា ទឹកប្រាក់សរុបចំនួន១០៩.៥៦៨.៣០០រៀល បានចូលរួមឧបត្ថម្ភដល់មូលនិធិបាយ័នចំនួន៧៣.៥៦៨.៣០០០រៀល និងបាននាំយកទៅជូនដល់កងទ័ពវរៈការពារព្រំដែន៤០៤ នៅសមរភូមិមុខ ជាមួយខុទ្ទកាល័យសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចំនួន៣០.០០០.០០០រៀល និងចំណាយដោយផ្ទាល់ និងផ្សេងៗចំនួន៦.០០០.០០០រៀល សរុប៣៦.០០០.០០០រៀល ។
លោកហួត ឃាងវេង អគ្គនាយករងនៃវិទ្យុ និងទូរទស្សន៍បាយ័ន បានថ្លែងអំណរគុណយ៉ាងជ្រាលជ្រៅបំផុត ចំពោះថ្នាក់ដឹកនាំ និងសមាជិកនៃសមាគមគ្រឹះស្ថានឧត្តមសិក្សាទាំងអស់ ដែលមានស្មារតីសាមគ្គីភាពខ្ពស់បានចូលរួមចំណែកឧបត្ថម្ភថវិកាដល់មូលនិធិបាយ័នសម្រាប់ជួយដល់កងទ័ពការពារព្រំដែននៅតំបន់ប្រាសាទ ព្រះវិហារ ។
ជាទីបញ្ចប់លោកលី ឆេង ប្រធានសមាគមគ្រឹះស្ថានឧត្តមសិក្សាកម្ពុជា បានថ្លែងអំណរគុណតាមរយៈទូរទស្សន៍បាយ័នជូនចំពោះលោក លោកជំទាវ លោក លោកស្រី ជាសាកលវិទ្យាធិការ សាកលវិទ្យាធិការរង នាយក នាយករង នៃគ្រឹះស្ថានសិក្សា ដែលជាសមាជិកនៃសមាគមគ្រឹះស្ថានឧត្តមសិក្សាកម្ពុជា ព្រមទាំងបុគ្គលិក សាស្ត្រាចារ្យ លោកគ្រូ អ្នកគ្រូ និងសិស្ស-និស្សិតទាំងអស់ ដែលបានចូលរួមឧបត្ថម្ភជូនដល់កងទ័ពរបស់យើងដែលកំពុងតែយកជីវិតទៅប្តូរ ដើម្បីការពារទឹកដីនៅសមរភូមិមុខ ទប់ទល់ជាមួយពួកចោរសៀមឈ្លានពាន ។ការចូលរួមចំណែកជាមួយមូលនិធិបាយ័នថ្ងៃនេះ ទោះតិចក្តី ច្រើនក្តី ក៏បានបង្ហាញពីទឹកចិត្តស្នេហាជាតិ មាតុភូមិ សាមគ្គីភាព ឯកភាពផ្ទៃក្នុងជាតិយ៉ាងរឹងមាំ រវាងសមរភូមិមុខ និងសមរភូមិក្រោយ ហើយសមាគមគ្រឹះស្ថានឧត្តមសិក្សាកម្ពុជា សូមគាំទ្រយ៉ាងដាច់អហង្ការចំពោះគោលនយោបាយការពារទឹកដីដ៏ត្រឹមត្រូវរបស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាប្រមុខដឹកនាំដ៏ឈ្លាសវៃប្រកបដោយគតិបណ្ឌិត ក្នុងការប្រើសិទ្ធិការពារខ្លួន និងរក្សាទឹកដីជូនជនរួមជាតិកម្ពុជា ឱ្យបានគង់វង្សស្ថិតស្ថេរតទៅអនាគត ៕
ចែករំលែកព័តមាននេះ