ខេត្តមណ្ឌលគិរី៖ កាលពីវេលាម៉ោង២ និង៤៨នាទីរសៀលថ្ងៃទី ១៧ កញ្ញា កម្លាំងកងរាជអាវុធហត្ថលើផ្ទៃប្រទេស សហការជាមួយកងរាជអាវុធហត្ថក្រុងសែនមនោរម្យ រួមនឹងមន្រ្តីខណ្ឌរដ្ឋបាលព្រៃឈើមណ្ឌលគិរី បានស្នាក់ចាប់រថយន្តកែច្នៃដឹកឈើប្រណីតមួយគ្រឿងបម្រុងឆ្លងដែនទៅប្រទេសវៀតណាមនៅចំណុចភ្នំខ្ពស់ ស្ថិតក្នុងសង្កាត់ស្ពានមានជ័យ ក្រុងសែនមនោរម្យ ។
ខេត្តមណ្ឌលគិរី៖ កាលពីវេលាម៉ោង២ និង៤៨នាទីរសៀលថ្ងៃទី ១៧ កញ្ញា កម្លាំងកងរាជអាវុធហត្ថលើផ្ទៃប្រទេស សហការជាមួយកងរាជអាវុធហត្ថក្រុងសែនមនោរម្យ រួមនឹងមន្រ្តីខណ្ឌរដ្ឋបាលព្រៃឈើមណ្ឌលគិរី បានស្នាក់ចាប់រថយន្តកែច្នៃដឹកឈើប្រណីតមួយគ្រឿងបម្រុងឆ្លងដែនទៅប្រទេសវៀតណាមនៅចំណុចភ្នំខ្ពស់ ស្ថិតក្នុងសង្កាត់ស្ពានមានជ័យ ក្រុងសែនមនោរម្យ ។
មន្រ្តីកងរាជអាវុធហត្ថលើផ្ទៃប្រទេសដែលចុះប្រតិបត្តិការផ្ទាល់ឱ្យដឹងថា រថយន្តកែច្នៃដែលលោកសហការជាមួយមន្រ្តីជំនាញ ចាប់បាននេះដឹកឈើប្រណីតល្មើសច្បាប់ចំនួន១៤ដុំមានមុខកាត់៤០x៦០សង់ទីម៉ែត្រ និងមានប្រវែង២ម៉ែត្រជាប្រភេទឈើធ្នង់ ។ អ្នកបើកបររថយន្តកែច្នៃដឹកឈើល្មើសច្បាប់នោះ ពេលឃើញសមត្ថកិច្ចទៅដល់ក៏រត់ចូលព្រៃគេចខ្លួនបាត់ ហើយរថយន្ត និងឈើត្រូវបានប្រគល់ឱ្យទៅខណ្ឌរដ្ឋបាលព្រៃឈើខេត្តមណ្ឌលគិរីរក្សាទុកដើម្បីចាត់ការទៅតាមផ្លូវច្បាប់ ។
លោកកែប កត់ នាយខណ្ឌរដ្ឋបាលព្រៃឈើខេត្តមណ្ឌលគិរីឱ្យដឹងថា វត្ថុតាងរថយន្ត និងឈើដែលមន្រ្តីជំនាញហសការជាមួយកម្លាំងកងរាជអាវុធហត្ថចាប់បាននោះ ត្រូវបានយកមករក្សាទុកនៅខណ្ឌរដ្ឋបាលព្រៃឈើហើយការវាស់វែង និងរៀបចំឯកសារផ្សេងទៀត មន្រ្តីខាងសង្កាត់រដ្ឋបាលព្រៃឈើអូររាំងរួមនឹងកម្លាំងកងរាជអាវុធហត្ថកំពុងចាត់ការបញ្ជូនមកខណ្ឌ ៕
ចែករំលែកព័តមាននេះ