រាជធានីភ្នំពេញ ៖ យុវជនម្នាក់សង្ស័យមានវិបត្តិអ្វីមួយដែលមិនអាចដោះស្រាយចេញ បានគិតខ្លីដោយសម្រេចចិត្តរត់ចូលឲ្យរថយន្តដឹកកុងតឺន័រមួយគ្រឿងបុកប៉ុនប៉ងសម្លា.ប់ខ្លួន ប៉ុន្តែមិនស្លា.ប់ដូចបំណងនោះឡើយគ្រាន់តែរងរបួសបាក់ជើងម្ខាងប៉ុណ្ណោះ និងត្រូវបានគេបញ្ជូនទៅកាន់មន្ទីរពេទ្យកាល់ម៉ែត ដើម្បីសង្គ្រោះបន្ទាន់។ ទោះបីជាបែបណា ពេញមួយយប់ទៅហើយនៅតែមិនទាន់ដឹងខ្លួននៅឡើយ ។
រាជធានីភ្នំពេញ ៖ យុវជនម្នាក់សង្ស័យមានវិបត្តិអ្វីមួយដែលមិនអាចដោះស្រាយចេញ បានគិតខ្លីដោយសម្រេចចិត្តរត់ចូលឲ្យរថយន្តដឹកកុងតឺន័រមួយគ្រឿងបុកប៉ុនប៉ងសម្លាប់ខ្លួន ប៉ុន្តែមិនស្លាប់ដូចបំណងនោះឡើយគ្រាន់តែរងរបួសបាក់ជើងម្ខាងប៉ុណ្ណោះ និងត្រូវបានគេបញ្ជូនទៅកាន់មន្ទីរពេទ្យកាល់ម៉ែត ដើម្បីសង្គ្រោះបន្ទាន់។ ទោះបីជាបែបណា ពេញមួយយប់ទៅហើយនៅតែមិនទាន់ដឹងខ្លួននៅឡើយ ។
ហេតុការណ៍នោះបានកើតឡើងកាលពីវេលាម៉ោង៧និង២០នាទីយប់ថ្ងៃទី១៧ កញ្ញា នៅលើកំណាត់ផ្លូវជាតិលេខ៤ត្រង់ចំណុចភូមិស្ងួនពេជ្រ សង្កាត់កន្ទោក ខណ្ឌពោធិ៍សែនជ័យ ។ បុរសនោះមិនត្រូវបានគេស្គាល់អត្តសញ្ញាណនៅឡើយទេ ព្រោះសន្លប់អត់ដឹងខ្លួនរហូត ប៉ុន្តែតាមភិនភាគយុវជននោះមានអាយុប្រហែល២៤ឆ្នាំ សម្បុរសមាឌធំដំបង ស្លៀកខោខូវប៊យជើងវែងពណ៌ប្រផេះ ពាក់អាវសឆ្នូតខ្មៅដៃវែង កម្ពស់ប្រហែល១,៦០ម៉ែត្រ ហើយនៅក្នុងខ្លួនមិនមានអត្តសញ្ញាណប័ណ្ណ ឬលិខិតសម្គាល់ខ្លួននោះឡើយ ។ ចំណែកឯរថយន្តដែលត្រូវយុវជននោះ រត់ចូលប៉ុនប៉ងឱ្យបុកសម្លាប់ខ្លួននោះម៉ាកនីស្សាន់ ពណ៌ខៀវឆ្នូតក្រហម បើកបរដោយបុរសម្នាក់មិនស្គាល់ឈ្មោះ ។
តាមប្រភពព៌ត័មានពីសមត្ថកិច្ចមូលដ្ឋានបានឲ្យដឹងថា នៅមុនពេលកើតហេតុ វេលាម៉ោងប្រមាណ២រសៀល គេបានឃើញយុវជនម្នាក់នោះឈរនិយាយទូរស័ព្ទជាប់រហូត និងមានទឹកមុខក្រៀមក្រំស្រងូតស្រងាត់ទៀតផង ប៉ុន្តែគេមិនបានដឹងថា យុវជនរូបនោះមានបញ្ហាអ្វីនៅក្នុងចិត្តនោះទេ ។ ម្យ៉ាងទៀតការនិយាយទូរស័ព្ទនោះមានរយៈពេលជាច្រើនម៉ោងទំនង និយាយទៅកាន់ស្រី្តណាម្នាក់ ហើយទំនងនិយាយមិនចុះសម្រុងនឹងគ្នាទៀតផង ទើបធ្វើឲ្យគេមានទឹកមុខក្រៀមក្រំបែបនេះ ដែលគេសង្ស័យថា មានវិបត្តិស្នេហា ឬក៏មានបញ្ហាអ្វីមួយដែលចាក់ស្រេះមិនអាចដោះស្រាយចេញ ។
ប្រភពដដែលបានបន្តថា យុវជននោះបាននិយាយទូរស័ព្ទរហូតដលយប់ មុនពេលកើតហេតុទើបឈប់ ។ បន្ទាប់មកបានឈររេរានៅតាមចិញ្ចើមផ្លូវម្នាក់ឯង ។ លុះបន្តិចក្រោយមកមានរថយន្តមួយគ្រឿងបើកមកដល់ បានស្ទុះរត់ចូលទៅឲ្យរថយន្តនោះបុកប៉ុនប៉ងសម្លាប់ខ្លួន ប៉ុន្តែខណៈនោះរថយន្តមួយគ្រឿងខាងលើបានគេចចេញផុត ទើបមិនបុក ហើយរថយន្តនោះបានបើកទៅបាត់ ។ ឯយុវជនរូបនោះក៏បានឡើងទៅចិញ្ចើមផ្លូវវិញឈរក្នុងភាពអស់សង្ឃឹម ។
ប្រភពដដែលបានបន្តថា បន្តិចក្រោយមករថយន្តដឹកកុងតឺន័រមួយគ្រឿងបានបើកទៅដល់យុវជននោះក៏បានរត់ចូលទៅឲ្យរថយន្តយក្សនេះបុកម្តងទៀត ខណៈនោះគេបានឃើញរថយន្តនោះខំប្រឹងគេចចេញវីវក់តែគេចមិនផុតក៏បានកៀរបណ្តាលឲ្យយុវជនរូបនេះដួលបោកទៅលើថ្នល់រងរបួសបាក់ជើង និងសន្លប់បាត់ស្មារតីនៅនឹងកន្លែង ។ គេមានការសង្ស័យថាយុវជននេះ មានវិបត្តិស្នេហាទើបប៉ុនប៉ងសម្លាប់ខ្លួនបែបនេះ ។
ទោះបីជាបែបណាព៌ត័មានខាងលើ គ្រាន់តែជាការសង្ស័យប៉ុណ្ណោះ ។ ឯការពិតគេមិនទាន់ដឹងច្បាស់ថា យ៉ាងណានៅឡើយទេ ព្រោះពេលនេះយុវជនរងគ្រោះកំពុងសន្លប់មិនទាន់ដឹងខ្លួន និងស្ថិតក្រោមការជួយសង្គ្រោះបន្ទាន់នៅមន្ទីរពេទ្យកាល់ម៉ែត ៕
ចែករំលែកព័តមាននេះ