មនុស្សប្រមាណជា១.០០០នាក់ កាលពីថ្ងៃទី១៧ កញ្ញា បានប្រមូលផ្តុំគ្នានៅក្រុងញូវយ៉កនាឱកាសខួបលើកទី១ នៃចលនា OCCUPY WALL SIREET ដោយបាតុកម្មនោះមានការប្រឈមមុខដាក់គ្នារវាងប៉ូលិសនិងពួកបាតុករ ហើយបាតុករយ៉ាងតិច១៥០នាក់ ត្រូវចាប់ខ្លួន ។
មនុស្សប្រមាណជា១.០០០នាក់ កាលពីថ្ងៃទី១៧ កញ្ញា បានប្រមូលផ្តុំគ្នានៅក្រុងញូវយ៉កនាឱកាសខួបលើកទី១ នៃចលនា OCCUPY WALL SIREET ដោយបាតុកម្មនោះមានការប្រឈមមុខដាក់គ្នារវាងប៉ូលិសនិងពួកបាតុករ ហើយបាតុករយ៉ាងតិច១៥០នាក់ ត្រូវចាប់ខ្លួន ។
លោក BILL DOBBS អ្នកនាំពាក្យរបស់ចលនាOCCUPY ថ្លែងថា យើងប្រមូលផ្តុំគ្នានាពេលនេះដើម្បីធ្វើឱ្យគេស្តាប់សំឡេងរបស់យើង និងដើម្បីតវ៉ាប្រឆាំងការលោភលន់ខ្លាំងរបស់ WALL SIREET(ផ្សារហ៊ុនអាេមរិក) ។ លោកបន្តថា ចាប់តាំងពី១ឆ្នាំកន្លងមកនេះបញ្ហាទាំងឡាយពុំមានការផ្លាស់ប្តូរឡើយ ។
ចលនា OCCUPY នោះ ប្រមូលផ្តុំមនុស្សច្រើនបំផុតកាលពីថ្ងៃទី១៧ វិច្ឆិកា ឆ្នាំ២០១១ ។ដោយមានការជួយជ្រោមជ្រែងរបស់បណ្តាសហជីព ចលនានោះប្រមូលផ្តុំមនុស្សដល់ទៅប្រមាណ៣០.០០០នាក់ នៅក្រុងញូវយ៉ក មុនពេលរំសាយស្ទើរអស់ ក្រោយការចាប់បណ្តេញចេញពីទីលាន ZUCCOTTI ក៏ប៉ុន្តែពាក្យស្លោករបស់ខ្លួន «យើងតំណាងឱ្យមនុស្ស៩៩%» នៅតែស្ថិតក្នុងអារម្មណ៍របស់សមូហភាពចាប់តាំងពីពេលនោះមក ។
នាថ្ងៃទី១៧ កញ្ញា វេលាម៉ោង៧ព្រឹកបាតុករ ដំបូងៗបានមកជួបជុំគ្នាក្បែរទីលាន ZUCCO-TTI នាសង្កាត់ WALL SIREET ដែលនៅទីនោះ កាលពីថ្ងៃទី១៧ កញ្ញា ឆ្នាំ២០១១ គេបានបោះជំរំតវ៉ា ។ ដូចឆ្នាំមុនដែរ សកម្មភាពរបស់ពួកគេ គឺបរិហារភាពលោភលន់របស់ពួកអ្នកមានបំផុត វិសមភាព ឬទម្ងន់នៃបំណុលរបស់ពួកនិស្សិតនិងការបណ្តេញចេញពួកអ្នកដែលពុំអាចមានប្រាក់បង់ថ្លៃទិញផ្ទះ ៕
ចែករំលែកព័តមាននេះ