រដ្ឋាភិបាលប្រទេសជប៉ុនបានកាត់បន្ថយការវាយតម្លៃសេដ្ឋកិច្ចរបស់ខ្លួនប៉ុន្មានខែបន្តបន្ទាប់នៅក្នុងខែកញ្ញានេះ ខណៈដែលទីផ្សារនាំចេញបានប៉ះពាល់ដល់តម្រូវការនិងការផលិតក្នុងស្រុក ។ នៅក្នុងរបាយការណ៍ប្រចាំខែដែលចេញផ្សាយកាលពីថ្ងៃសុក្របានឱ្យដឹងថា រដ្ឋាភិបាលនិយាយថា ការរើបវិញនៃសេដ្ឋកិច្ចទំនងជាជាប់គាំងដោយសារភាពយឺតយ៉ាវនៃសេដ្ឋកិច្ចសាកល ។នេះ
រដ្ឋាភិបាលប្រទេសជប៉ុនបានកាត់បន្ថយការវាយតម្លៃសេដ្ឋកិច្ចរបស់ខ្លួនប៉ុន្មានខែបន្តបន្ទាប់នៅក្នុងខែកញ្ញានេះ ខណៈដែលទីផ្សារនាំចេញបានប៉ះពាល់ដល់តម្រូវការនិងការផលិតក្នុងស្រុក ។ នៅក្នុងរបាយការណ៍ប្រចាំខែដែលចេញផ្សាយកាលពីថ្ងៃសុក្របានឱ្យដឹងថា រដ្ឋាភិបាលនិយាយថា ការរើបវិញនៃសេដ្ឋកិច្ចទំនងជាជាប់គាំងដោយសារភាពយឺតយ៉ាវនៃសេដ្ឋកិច្ចសាកល ។នេះជាលើកដំបូងសម្រាប់ការកាត់បន្ថយការវាយតម្លៃសេដ្ឋកិច្ចក្នុងរយៈពេល២ខែជាប់ៗគ្នា ឬអាចលើសពីនេះចាប់តាំងពីសេដ្ឋកិច្ចក្នុងប្រទេសធ្លាក់ចុះដល់ទៅ៥ខែចាប់ពីខែតុលាឆ្នាំ២០០៨ដល់ខែកុម្ភៈឆ្នាំ២០០៩ ។
រដ្ឋាភិបាលជប៉ុនរំពឹងថា សេដ្ឋកិច្ចជប៉ុននឹងបន្តរើបឡើងវិញស្របពេលដែលស្ថានភាពនៅក្រៅប្រទេសត្រូវបានពង្រឹងក៏ដូចជាមានការស្តារឡើងវិញនូវហេដ្ឋារចនាសម្ព័ន្ធនានាបន្ទាប់ពីគ្រោះមហន្តរាយរញ្ជួយដីនិងរលកយក្សស៊ូណាមិ ។ រដ្ឋាភិបាលក៏បានទម្លាក់ការវាយតម្លៃការចំណាយទំនិញប្រើប្រាស់រហូតដល់២ខែជាប់គ្នាផងដែរ ដោយសារការលក់រាយនិងលក់រថយន្តធ្លាក់ចុះ ។ ចំណែកមន្ត្រីការិយាល័យគណៈរដ្ឋមន្ត្រីនិយាយថា ការធ្លាក់ចុះនៅអឺរ៉ុបក៏បានកាត់បន្ថយកំណើនសេដ្ឋកិច្ចនៅអាស៊ីផងដែរ ពិសេសនៅចិនតែម្តងដែលបានធ្វើឱ្យការនាំចេញរបស់ជប៉ុនធ្លាក់ចុះ ៕
ចែករំលែកព័តមាននេះ