ប្រទេសម៉ាឡេស៊ី ៖ ប្រទេសម៉ាឡេស៊ីបានទទួលស្វាគមន៍ការមកដល់របស់ភ្ញៀវទេសចរបរទេសចំនួន១០,១លាននាក់នៅក្នុងត្រីមាសទី១ នៃឆ្នាំនេះ ដែលធ្វើឱ្យម៉ាឡេស៊ីក្លាយជាប្រទេសទទួលស្វាគកន៍ភ្ញៀវទេសចរបរទេសច្រើនជាងគេនៅអាស៊ីអាគ្នេយ៍ ដោយសារតែគោលនយោបាយលើកលែងទិដ្ឋាការរបស់ខ្លួន។ នេះបើតាមប្រភពពីសារព័ត៌មាន VnExpress ចេញផ្សាយកាលពីពេលថ្មីៗនេះ។ យោងតាមទិន្នន័យផ្លូវការបានបង្ហាញឱ្យដឹងថា…
ប្រទេសម៉ាឡេស៊ី ៖ ប្រទេសម៉ាឡេស៊ីបានទទួលស្វាគមន៍ការមកដល់របស់ភ្ញៀវទេសចរបរទេសចំនួន១០,១លាននាក់នៅក្នុងត្រីមាសទី១ នៃឆ្នាំនេះ ដែលធ្វើឱ្យម៉ាឡេស៊ីក្លាយជាប្រទេសទទួលស្វាគកន៍ភ្ញៀវទេសចរបរទេសច្រើនជាងគេនៅអាស៊ីអាគ្នេយ៍ ដោយសារតែគោលនយោបាយលើកលែងទិដ្ឋាការរបស់ខ្លួន។ នេះបើតាមប្រភពពីសារព័ត៌មាន VnExpress ចេញផ្សាយកាលពីពេលថ្មីៗនេះ។
យោងតាមទិន្នន័យផ្លូវការបានបង្ហាញឱ្យដឹងថា ប្រទេសថៃដែលគ្រងតំណែងប្រទេសទទួលបានភ្ញៀវទេសចរបរទេសច្រើនជាងគេនៅតំបន់អាស៊ីអាគ្នេយ៍ អស់រយៈពេលជាច្រើនឆ្នាំមកនោះ បានធ្លាក់មកចំណាត់ថ្នាក់លេខ ២ ដោយបានស្វាគមន៍ភ្ញៀវបរទេស ៩,៥៥លាននាក់ តាមពីក្រោយដោយbjrTesវៀតណាម ៦លាននាក់ និងសិង្ហបុរី ៤,៣១ លាននាក់។
រដ្ឋមន្ត្រីក្រសួងមហាផ្ទៃម៉ាឡេស៊ី លោក Datuk Seri Saifuddin Nasution Ismail បានថ្លែងកាលពីពេលថ្មីៗនេះថា ប្រទេសម៉ាឡេស៊ីបានប្រកាសពន្យារពេលលើការលើកលែងទិដ្ឋាការសម្រាប់អ្នកដំណើរចិនរយៈពេល៥ឆ្នាំទៀត ជាមួយនឹងជម្រើសក្នុងការបន្តរយៈពេល៥ឆ្នាំបន្ថែមទៀត រហូតដល់ឆ្នាំ២០៣៦។
ជាមួយគ្នានោះ ក៏ថែមទាំងបានពង្រីកការចូលដោយគ្មានទិដ្ឋាការសម្រាប់ភ្ញៀវទេសចរឥណ្ឌារហូតដល់ឆ្នាំ២០២៦ ផងដែរ។
ខណៈពេលដែលប្រទេសម៉ាឡេស៊ីកំពុងទាក់ទាញភ្ញៀវទេសចរចិនខ្លាំងនោះ ប្រទេសថៃឯណោះវិញបានរងគ្រោះដោយវិបត្តិទេសចរណ៍ ដោយសារការព្រួយបារម្ភអំពីសុវត្ថិភាព ជាពិសេសបន្ទាប់ពីតារាសម្ដែងចិន លោក Xing Xing ត្រូវបានក្រុមឧក្រិដ្ឋជនជួញដូរមនុស្សចាប់ពង្រត់ពីប្រទេសថៃឆ្លងដែនទៅកាន់ទឹកដីមីយ៉ាន់ម៉ា កាលពីខែមករា ហើយតាមពីពេលនោះមក ចំនួនភ្ញៀវបរទេសនៅក្នុងប្រទេសបានធ្លាក់ចុះគួរឱ្យកត់សម្គាល់៕
ចែករំលែកព័តមាននេះ