ស្ថានទូតជប៉ុនប្រចាំក្រុងប៉េកាំងនិងសហគ្រាសជប៉ុនជាច្រើនរយនៅចិនបានផ្អាកសកម្មភាពកាលពីថ្ងៃទី១៨ កញ្ញា នៅប្រទេសចិនដោយខ្លាចអំពើហិ.ង្សាថ្មីៗទាក់ទិនជម្លោះប្រជុំកោះសេនកាគូ-ឌីអាវយូ ។ជនជាតិជប៉ុន២នាក់នាថ្ងៃទី១៨ កញ្ញា បានឡើងទៅលើកោះមួយក្នុងចំណោមកោះទាំង៥នៃប្រជុំកោះមានជម្លោះនោះ ដោយពួកគេធ្វើដំណើរតាមកាណូតកៅស៊ូមួយរួចហែលទឹកឡើង
ស្ថានទូតជប៉ុនប្រចាំក្រុងប៉េកាំងនិងសហគ្រាសជប៉ុនជាច្រើនរយនៅចិនបានផ្អាកសកម្មភាពកាលពីថ្ងៃទី១៨ កញ្ញា នៅប្រទេសចិនដោយខ្លាចអំពើហិង្សាថ្មីៗទាក់ទិនជម្លោះប្រជុំកោះសេនកាគូ-ឌីអាវយូ ។ជនជាតិជប៉ុន២នាក់នាថ្ងៃទី១៨ កញ្ញា បានឡើងទៅលើកោះមួយក្នុងចំណោមកោះទាំង៥នៃប្រជុំកោះមានជម្លោះនោះ ដោយពួកគេធ្វើដំណើរតាមកាណូតកៅស៊ូមួយរួចហែលទឹកឡើងលើកោះនេះមុនពេលវិលមកកាន់ទូកកៅស៊ូរបស់ពួកគេវិញ ។ ក្រសួងការបរទេសចិនចាត់ទុកសកម្មភាពនោះថាជាការបង្កហេតុធ្ងន់ធ្ងរមួយហើយរក្សាសិទ្ធិឆ្លើយតបវិញនាពេលខាងក្រោយ ។
ក្រោយរយៈពេល៣ថ្ងៃនៃឧប្បត្តិហេតុទាំងឡាយដែលផ្ទុះឡើងដោយសារការប្រកាសរបស់ក្រុងតូក្យូធ្វើជាកូបនីយកម្មប្រជុំកោះនៅសមុទ្រចិនខាងកើតដែលទាមទារដោយប្រទេសទាំង២មក បាតុកម្មថ្មីៗនឹងកើតមាននាថ្ងៃខួបនៃការលុកលុយរបស់ជប៉ុនលើតំបន់ម៉ាន់ជូរបស់ចិនកាលពីឆ្នាំ១៩៣១ ។
ដោយបំពេញទស្សនកិច្ចរយៈពេល៣ថ្ងៃនៅចិនរដ្ឋមន្ត្រីការពារប្រទេសអាមេរិកបានអំពាវនាវជាថ្មីឱ្យមានការអត់ធ្មត់រវាង មហាអំណាចសេដ្ឋកិច្ចអាស៊ីទាំង២នោះ ។ នៅមុខសារព័ត៌មាននាក្រុងប៉េកាំងលោកLEON PANETTAមានប្រសាសន៍ថាដោយគិតដល់ភាពតានតឹងបច្ចុប្បន្នយើងអំពាវនាវដល់គ្រប់ភាគីឱ្យរក្សាភាពស្ងប់ស្ងាត់ ហើយអត់ធ្មត់ ហើយយើងលើកទឹកចិត្តឱ្យរក្សាការបើកចំហរការទាក់ទងគ្នា ដើម្បីដោះស្រាយជម្លោះនោះតាមផ្លូវការទូតនិងដោយសន្តិវិធី ។បាតុករជាច្រើនរយនាក់បានប្រមូលផ្តុំគ្នាជាថ្មីកាលពីព្រឹកថ្ងៃទី១៨ កញ្ញា នៅមុខស្ថានទូតជប៉ុនប្រចាំក្រុងប៉េកាំងដោយគប់ដបទឹកដាក់ពីមុខស្ថានទូតនោះ ។ នៅក្រុងចាងសា ភាគកណ្តាលប្រទេស ទីលានធំៗនិងបណ្តាមជ្ឈមណ្ឌលពាណិជ្ជកម្មត្រូវរាំងខ្ទប់ដោយប៉ូលិស ។
ភាពតានតឹងក៏កើតមានដែរក្នុងសមុទ្រដែលនៅទីនោះជប៉ុនបានពង្រឹងកិច្ចការពារជុំវិញកោះមានជម្លោះខណៈដែលសារព័ត៌មាននៃប្រទេសទាំង២ប្រកាសថាកងនាវានេសាទចិនដល់ទៅ១.០០០គ្រឿងនឹងបើកឆ្ពោះមកកាន់ប្រជុំកោះនោះ ដែលបង្កើនគ្រោះថ្នាក់នៃឧប្បត្តិហេតុមួយដែលធ្វើឱ្យសភាពការណ៍កាន់តែធ្ងន់ធ្ងរលើសនេះទៀត ៕
ចែករំលែកព័តមាននេះ