រាជធានីភ្នំពេញ ៖ នារីជនជាតិវៀតណាមម្នាក់មានរូបឆោមស្រស់បានធ្វើអត្តឃាតលោតទឹកទន្លេសម្លា.ប់ខ្លួន និងបង្កឱ្យមានការភ្ញាក់ផ្អើលនៅខាងកើតរូបសំណាក់តេជោយ៉ត តេជោមាស ស្ថិតក្នុងសង្កាត់ជ័យជម្នះ ខណ្ឌដូនពេញ កាលពីវេលាម៉ោង៦និង៣០នាទីល្ងាចថ្ងៃទី១៧ កញ្ញា ២០១២ ក៏ប៉ុន្តែនារីរូបនោះត្រូវបានបុរសម្នាក់ជួយស្រង់ឡើងគោករួចផុតពីសេចក្តីស្លា.ប់ ។
រាជធានីភ្នំពេញ ៖ នារីជនជាតិវៀតណាមម្នាក់មានរូបឆោមស្រស់បានធ្វើអត្តឃាតលោតទឹកទន្លេសម្លាប់ខ្លួន និងបង្កឱ្យមានការភ្ញាក់ផ្អើលនៅខាងកើតរូបសំណាក់តេជោយ៉ត តេជោមាស ស្ថិតក្នុងសង្កាត់ជ័យជម្នះ ខណ្ឌដូនពេញ កាលពីវេលាម៉ោង៦និង៣០នាទីល្ងាចថ្ងៃទី១៧ កញ្ញា ២០១២ ក៏ប៉ុន្តែនារីរូបនោះត្រូវបានបុរសម្នាក់ជួយស្រង់ឡើងគោករួចផុតពីសេចក្តីស្លាប់ ។
យុវជនរដ្ឋាដែលឃើញហេតុការណ៍ឱ្យដឹងថា មុនពេលកើតហេតុរូបលោកបានដើរហាត់ប្រាណ លុះមកដល់ខាងកើតរូបសំណាកតេជោ យ៉ត តេជោមាស ក៏ឃើញនារីម្នាក់មានរូបឆោមស្រស់ស្លៀកសំពត់ខ្លីពណ៌ខ្មៅ ពាក់អាវ ពណ៌ខ្មៅ ស្ពាយកាបូបចុះពីលើម៉ូតូឌុបទាំងទឹកមុខក្រៀមក្រំហាក់ដូចជាមានវិបត្តិអ្វីមួយ ហើយនាងបានដើរមកអង្គុយលើថ្មម៉ាបសម្លឹងមើលទៅទឹកទន្លេ ព្រមទាំងយំខ្សឹកខ្សួល ។ បន្តិចក្រោយមកស្រាប់តែនារីនោះរត់ចូលទឹកទន្លេចោលកាបូបនៅលើថ្មម៉ាប លិចបាត់មួយសន្ទុះក៏ផុសឡើងមកវិញ ឃើញដូច្នោះមានបុរសម្នាក់បានលោតទៅជួយស្រង់ឡើងលើគោក ។ ខណៈដែលគេស្រង់នារីរូបនោះឱ្យរួចផុតពីសេចក្តីស្លាប់ បែរជានាងព្យាយាមរកលោតចូលក្នុងទឹកទន្លេម្តងជាពីរដង ទើបប្រជាពលរដ្ឋរាយការណ៍ឱ្យនគរបាលប៉ុស្តិ៍រដ្ឋបាលជ័យជម្នះមកជួយអន្តរាគមន៍នាំទៅស្នាក់ការដើម្បីស្វែងរកសាច់ញាតិ ។
នារីមានវិបត្តិឈ្មោះធីតា ជនជាតិវៀតណាម អាយុ២២ឆ្នាំ ជាអ្នកលក់កាហ្វេ នៅជាមួយបងស្រីក្នុងសង្កាត់ទួលសង្កែ ខណ្ឌឫស្សីកែវ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ