ខេត្តកណ្តាល ៖ ផ្ទះប្រជាពលរដ្ឋមួយខ្នងត្រូវបានខ្យល់កន្ត្រាក់វា.យបោកបក់បណ្ដាលឲ្យផ្ទះបាក់រំលំដល់ដី សំណាងល្អ គ្មានអ្នករងរបួស ភ្លាមៗអាជ្ញាធរមូលដ្ឋានបានចុះទៅពិនិត្យទីជាក់ស្តែង ស្ថានភាពផ្ទះខូចខាត ។ ហេតុការណ៍នេះបានកើត នៅថ្ងៃទី២៨…
ខេត្តកណ្តាល ៖ ផ្ទះប្រជាពលរដ្ឋមួយខ្នងត្រូវបានខ្យល់កន្ត្រាក់វា.យបោកបក់បណ្ដាលឲ្យផ្ទះបាក់រំលំដល់ដី សំណាងល្អ គ្មានអ្នករងរបួស ភ្លាមៗអាជ្ញាធរមូលដ្ឋានបានចុះទៅពិនិត្យទីជាក់ស្តែង ស្ថានភាពផ្ទះខូចខាត ។ ហេតុការណ៍នេះបានកើត នៅថ្ងៃទី២៨ ខែមិថុនា ឆ្នាំ២០២៥ វេលាម៉ោង១២និង៥០នាទី ស្ថិតនៅក្នុងភូមិព្រែករាំង«ក» ឃុំទឹកវិលស្រុកស្អាង ខេត្តកណ្ដាល ។
បើតាមការបញ្ជាក់ពីអាជ្ញាធរបានឲ្យដឹងថា ម្ចាស់ផ្ទះឈ្មោះ សៀង ខនភេទប្រុស អាយុ៥០ឆ្នាំ ត្រូវជាប្ដី និងប្រពន្ធឈ្មោះ ធឿន សុខណា ភេទស្រី អាយុ៤៩ឆ្នាំ ។ មានកូនក្នុងបន្ទុកចំនួន០៦នាក់ ដែលត្រូវបានរងការខូខាតផ្ទះឈើមួយខ្នងទំហំ០៥ម៉ែត្រ គុណ០៦ម៉ែត្រ សសរថ្មកម្ពស់០៣ម៉ែត្រដំបូលស័ង្កសី និងជញ្ជាំងស័ង្កសី រួម និងសម្ភារៈប្រើប្រាស់ក្នុងផ្ទះមួយចំនួនធំ ។
បើតាមប្រភពពីឈ្មោះសៀង ខន និងឈ្មោះភឿន សុខណា បានទៅស៊ីឈ្នួលដកខ្ទឹមឲ្យគេនៅចម្ការ ដោយទុក្ខកូនប្រុសម្នាក់ ស្រីម្នាក់ ឲ្យនៅចាំផ្ទះ ស្រាប់តែមានខ្យល់កន្ត្រាក់ បណ្ដាលឲ្យរលំផ្ទះសង្កត់ពីលើប៉ុន្តែមិនរងរបួសទេ ដោយមានអ្នកជិតខាងជួយ ។
ក្រោយកើតហេតុភ្លាមមានអ្នកជិតខាងខលទៅប្រាប់ម្ខាស់ផ្ទះថា ផ្ទះពូរលំហើយ កូននៅខាងក្រោមផ្ទះ ។ ពេលឮដំណឹងភ្លាម គាត់ក៏ប្រញាប់ប្រញាល់មកមើលផ្ទះ ហើយបានរាយការទៅអាជ្ញាធរភូមិឃុំ និង សមត្ថកិច្ច ។
ក្រោយកើតហេតុ សមត្ថកិច្ចរួមសហការជាមួយនឹងមេភូមិ ដោយលោកមេឃុំចុះទៅដល់ទីតាំងកើតហេតុ ដើម្បីពិនិត្យមើលស្ថានភាពផ្ទះខូចខាត និងបានជួយសម្រួលទុក្ខលំបាកជូនគាត់ ៕
ចែករំលែកព័តមាននេះ