ខេត្តព្រះវិហារ ៖ តាមប្រភពព័ត៌មានប្រជាពលរដ្ឋជិត១០,០០០នាក់ ដែលជាជនភៀសខ្លួន ពីតំបន់គ្រោះថ្នាក់មកស្នាក់នៅបណ្ដោះអាសន្នក្នុងមណ្ឌលសុវត្ថិភាពវត្តពោធិ៍៥០០០ដើម ខេត្តព្រះវិហារ បាននិងកំពុងមមារញឹកក្នុងការរៀបចំសង់ជំរុំតង់ សម្រាប់ស្នាក់នៅ ខណៈប្រជាពលរដ្ឋជាច្រើនហូរហែបានបន្ដជម្លៀសខ្លួនមកកាន់ទីនេះ ដើម្បីស្វែងរកកន្លែងមានសុវត្ថិភាព…
ខេត្តព្រះវិហារ ៖ តាមប្រភពព័ត៌មានប្រជាពលរដ្ឋជិត១០,០០០នាក់ ដែលជាជនភៀសខ្លួន ពីតំបន់គ្រោះថ្នាក់មកស្នាក់នៅបណ្ដោះអាសន្នក្នុងមណ្ឌលសុវត្ថិភាពវត្តពោធិ៍៥០០០ដើម ខេត្តព្រះវិហារ បាននិងកំពុងមមារញឹកក្នុងការរៀបចំសង់ជំរុំតង់ សម្រាប់ស្នាក់នៅ ខណៈប្រជាពលរដ្ឋជាច្រើនហូរហែបានបន្ដជម្លៀសខ្លួនមកកាន់ទីនេះ ដើម្បីស្វែងរកកន្លែងមានសុវត្ថិភាព ខណៈសង្គ្រាមឈ្លានពានលើទឹកដីកម្ពុជាពីសំណាក់កងយោធាថៃបានបន្ដផ្ទុះអាវុធដល់ថ្ងៃទី២ ត្រូវនិងថ្ងៃទី២៥ កក្កដា ២០២៥ នេះ ។
ជាមួយគ្នានេះ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ និងជាអគ្គលេខាធិការសមាគមអតីតយុទ្ធជនកម្ពុជា អញ្ជើញចុះពិនិត្យការរៀបចំមណ្ឌលសុវត្ថិភាពនៅវត្តពោធិ៍៥០០០ដើម ក្នុងភូមិសាស្ត្រភូមិគូលែនត្បូង ឃុំគូលែនត្បូង ស្រុកគូលែន ខេត្តព្រះវិហារផងដែរ ។
ប្រជាពលរដ្ឋកម្ពុជាស្លូតត្រង់ ស្ត្រីមានផ្ទៃពោះ ចាស់ជរា និងកុមារជាច្រើននាក់ ត្រូវបានជម្លៀសមកកាន់មណ្ឌលសុវត្ថិភាពវត្តពោធិ៍៥០០០ដើមនេះ ចាប់តាំងពីដើមខែមិថុនាឆ្នាំ ២០២៥ រហូតដល់ពេលនេះ ដោយទទួលបានការយកចិត្តទុកដាក់ខ្ពស់ពីរាជរដ្ឋាភិបាលកម្ពុជាតាមរយៈរដ្ឋបាលខេត្តព្រះវិហារ សមត្ថកិច្ច និងអាជ្ញាធរពាក់ព័ន្ធ ក្នុងការរៀបចំកន្លែងស្នាក់នៅសមរម្យ ព្រមទាំងផ្ដល់អាហារហូបចុក និងស្បៀងបម្រុងសម្រាប់ប្រជាពលរដ្ឋក្នុងស្ថានភាពដ៏លំបាកនេះផងដែរ ៕
ចែករំលែកព័តមាននេះ