រាជធានីភ្នំពេញ ៖ ប្រភពព័ត៌មានក្រៅរបងតុលាការបានឲ្យដឹងថា ប៉ុន្មានថ្ងៃនេះមានការបែកធ្លាយមានអ្នករត់ការឆ្វេចឆ្វាចទៅថ្នាក់ លើថ្នាក់ក្រោម ស្នើសុំអន្តរាគមន៍ឲ្យមានការលើកលែង”ការចោទ ប្រកាន់”លើជនសង្ស័យប្រធានធនាគារ M.G.N ដែលជាប់ពាក់ពន្ធសំណុំរឿងព្រហ្មទណ្ឌ ចេញសែកស្អុយរាប់សិបលានដុល្លារអាមេរិក…
រាជធានីភ្នំពេញ ៖ ប្រភពព័ត៌មានក្រៅរបងតុលាការបានឲ្យដឹងថា ប៉ុន្មានថ្ងៃនេះមានការបែកធ្លាយមានអ្នករត់ការឆ្វេចឆ្វាចទៅថ្នាក់ លើថ្នាក់ក្រោម ស្នើសុំអន្តរាគមន៍ឲ្យមានការលើកលែង”ការចោទ ប្រកាន់”លើជនសង្ស័យប្រធានធនាគារ M.G.N ដែលជាប់ពាក់ពន្ធសំណុំរឿងព្រហ្មទណ្ឌ ចេញសែកស្អុយរាប់សិបលានដុល្លារអាមេរិក ដើម្បីបាននៅក្រៅឃុំបណ្តោះអាសន្ន មុនជំនុំជម្រះលើអង្គសេចក្តី។
ប៉ុន្តែបើសិនសំណុំរឿងនេះត្រូវបានលើកលែងការ ចោទប្រកាន់មែននោះ មហាជនបាននិងកំពុងតាមដានមើល ឃើញថា កន្លងមកបទល្មើសព្រហ្មទណ្ឌចេញសែកស្អុយ ទោះបីលុយកាក់តិចតួចក៏ជាប់ពន្ធនាគារដែរ ខ្លះសងទៅដើមបណ្តឹងរដ្ឋប្បវេណីរួចហើយ ជនសង្ស័យនៅជាប់ពន្ធនាគារមិនទាន់រួចខ្លួនទេ ចុះទំរាំសំណុំរឿងមួយនេះមានទឹកប្រាក់រាប់សិបលានដុល្លារអាមេ រិកអត់ទាន់សងគេផង ដូច្នេះបើសិនជាតុលាការសម្រេចឲ្យជនសង្ស័យប្រធានធនាគារM.G.Nរួចផុតពីការចោទប្រកាន់មែន នោះ តើមានយុត្តិធម៌សម្រាប់ជនរងគ្រោះដែរឬទេ?
តែទោះជាយ៉ាងណាក្តី ការបែកធ្លាយព័ត៌មានខាងលើនេះ ដើមបណ្តឹងរដ្ឋប្បវេណីជាច្រើន បាននិងកំពុងសង្ឃឹមលើប្រពន្ធយុត្តិធម៍នៃសាលា ដំបូងរាជធានីភ្នំពេញ ប្រាកដជាមិនអនុញ្ញាតិឲ្យបុគ្គលប្រធានធនាគារM.GNរូបនេះរួចពីសំណាញ់ច្បាប់នោះឡើយ។
អ្នកវិភាគនិយាយថា សម័យនេះហើយ កុំដេកសង្ឃឹមបាននៅក្រៅឃុំឱ្យសោះ ។
សូមជម្រាបថា ៖ តុលាការភ្នំពេញ បាននិងកំពុងបន្តចំណាត់ការលើសំណុំរឿងព្រហ្មទណ្ឌមួយ ពាក់ពន្ធស្ត្រីជនជាតិវៀតណាមម្នាក់ មានតួនាទីជាប្រធានធនាគារឯកជន កំពុងជាប់ ឃុំនៅក្នុងពន្ធនាគារ ដែលបានចេញមូលប្បទានប័ត្រគ្មានសាច់ ប្រាក់”សែកស្អុយ”រាប់សិបលានដុល្លារអាមេរិក ដោយរង់ចាំបើកសវនាការផ្តន្ទាទោសលើជនជាប់ចោទតាមផ្លូវច្បាប់ជាធរមាន។ សំណុំរឿងនេះមានជនត្រូវចោទឈ្មោះ គង់ វិរសិង្ហ ហៅ ហ៊ួញ គីមហាវ ភេទស្រី អាយុ៤៤ ឆ្នាំ មុខរបរ មុនចាប់ខ្លួន ជាប្រធានធនាគារ M.G.N Emperor Bang ទីលំនៅផ្ទះលេខ E2 បុរីទន្លេបាសាក់ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន និងអាសយដ្ឋានមួយកន្លែងទៀតស្ថិតនៅសង្កាត់ផ្សារថ្មីទី១ ខណ្ឌដូនពេញរាជធានីភ្នំពេញ។
ជនត្រូវចោទត្រូវបានសមត្តកិច្ចចាប់ខ្លួន និងឃុំខ្លួននៅពន្ធនាគារ ម២ ព្រៃស ពីបទ.មិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីថ្ងៃទី២៣ ខែឧសភា ឆ្នាំ២០២៣ បទល្មើសដែលមានបញ្ញត្តិនិងផ្តន្ទាទោសតាមមាត្រា ២៣១ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូទាត់ប្រាក់ ។
តាមប្រភពព័ត៌មានបានឲ្យដឹងថា ជនត្រូវចោទរងនូវបណ្តឹង២ ដាច់ដោយឡែកពីគ្នា ដែលជនរងគ្រោះសុទ្ធតែជាជនស្លូតត្រង់ត្រូវបានចាញ់បោកប្រធានធនាគារឯកជនរូបនេះ ដែលមានជំនាញខាងបោកជនរងគ្រោះ អស់ប្រាក់រាប់សិបលានដុល្លារអាមេរិក ពោលគឺជនរងគ្រោះសុទ្ធតែបានខាតបង់នូវទឹកប្រាក់យ៉ាងធ្នន់ធ្ងរដូចគ្នា ។
ប្រភពព័ត៌មានឲ្យដឹងទៀតថា នៅក្នុងអំឡុងឆ្នាំ២០១៦ ស្ត្រីជនជាតិវៀតខាងលើនេះ បានមកបើកធនាគារឯកជនមួយមានឈ្មោះថា M.G.N Emperor Bang នៅរាជធានីភ្នំពេញ ដោយបានគៀងគរប្រម៉ែប្រមូលអតិថិជនជាច្រើន ឲ្យដាក់ទុកវិនិយោគដើម្បីបានការប្រាក់។ ដោយឃើញសកម្មភាពដំបូងអាចជឿទុកចិត្តបាន ជនរងគ្រោះម្នាក់ៗបានយកប្រាក់រាប់សិបលានដុល្លារទៅដាក់ធនាគារនោះ ហើយនាយិការប្រធានធនាគារ ក៏បានចេញមូលប្បទានប័ត្រ”សែក”ឲ្យទៅជនរងគ្រោះតាមទឹកប្រាក់រៀងៗខ្លួន សម្រាប់តម្រូវការបើកប្រាក់ឲ្យវិញ។ ប៉ុន្តែក្រោយ មកនៅពេលជនរងគ្រោះទៅដកប្រាក់នោះ ស្រាប់តែខាងធនាគារបញ្ជាក់ថា មូលប្បទានប័ត្រគ្មានសាច់ប្រាក់ ពោលគឺ”សែកស្អុយ” ។
អង្គហេតុដូចបានរៀបរាប់ខាងលើ ជនរងគ្រោះក៏បានរកការចចារជាមួយប្រធានធនាគារនោះជាច្រើនលើកដែរ ប៉ុន្តែចុងក្រោយនាយិការប្រធានធនាគារ បានគេចវេសមិនព្រមជួបដោះស្រាយជាមួយជនរងគ្រោះទេ ទើបជនរងគ្រោះសម្រេចចិត្តដាក់ពាក្យបណ្តឹងទៅសមត្តកិច្ចឲ្យចាត់ការទៅតាមផ្លូវច្បាប់ ។ ដូច្នេះជនរង គ្រោះសង្ឃឹមថា តុលាការនិងលើកយកសំណុំរឿងព្រហ្មទណ្ឌមួយនេះ មកបើកសវនាការជាសាធារណៈក្នុងពេលឆាប់ៗ ខាងមុខ ដើម្បីផ្តន្ទាទោសលើជនជាប់ចោទ ដែលបានចេញសែកស្អុយរាប់សិបលានដុលារអាមេរិក ដើម្បីជាប្រយោជន៍និងផ្តល់យុត្តិធម៌ដល់ជនរងគ្រោះផងដែរ៕
ចែករំលែកព័តមាននេះ