រាជធានីភ្នំពេញ ៖ នៅព្រឹកថ្ងៃទី២៥ ខែកក្កដា ឆ្នាំ២០២៥ ជាថ្ងៃទី២ នៃការធ្វើសង្គ្រាមកងទ័ពថៃ បានធ្វើការវាយប្រហារមកលើកម្ពុជា ចំនួន៧ទីតាំង និងបានប្រើគ្រាប់បែបចង្កោម…
រាជធានីភ្នំពេញ ៖ នៅព្រឹកថ្ងៃទី២៥ ខែកក្កដា ឆ្នាំ២០២៥ ជាថ្ងៃទី២ នៃការធ្វើសង្គ្រាមកងទ័ពថៃ បានធ្វើការវាយប្រហារមកលើកម្ពុជា ចំនួន៧ទីតាំង និងបានប្រើគ្រាប់បែបចង្កោម ធ្វើការវាយប្រហារមកលើដែនអធីបតេយ្យរបស់ប្រទេសកម្ពុជា ដោយខុសច្បាប់ និងរំលោភលើច្បាប់អន្តរជាតិយ៉ាងធ្ងន់ធ្ងរ នេះបើតាមការបញ្ជាក់ពីអ្នកនាំពាក្យក្រសួងការពារជាតិ ។
លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានថ្លែងក្នុងសន្នីសីទសារព័ត៌មាន ព្រឹកថ្ងៃទី២៥ ខែកក្កដា ឆ្នាំ២០២៥ យ៉ាងដូច្នេះថា នៅថ្ងៃទី២ នៃការធ្វើសង្គ្រាមពីសំណាក់ភាគីថៃ មកលើកម្ពុជា ថៃបានប្រើធ្វើការបាញ់គ្រាប់បែកចង្កោមមកលើទឹកដីកម្ពុជា ដែលជាការរំលោភលើច្បាប់អន្តរជាតិយ៉ាងធ្ងន់ធ្ងរ ។
លោកជំទាវ បានលើកឡើងថា ចាប់តាំងពីរធ្វើសង្គ្រាមមកលើកម្ពុជា ចាប់ពីថ្ងៃទី២៤ ខែកក្កដាមក ថៃបានធ្វើការវាយប្រហារយ៉ាងកំរោលមកលើកងទ័ពកម្ពុជា ហើយបានប្រើប្រាស់គ្រាប់ប្រភេទធន់ធ្ងរ និងបានប្រើយន្តហោះ F16 ដើម្បីទម្លាក់គ្រាប់បែក មកលើកទឹកដីកម្ពុជា ផងដែរ ។
លោកជំទាវ អ្នកនាំពាក្យ បានលើកឡើងថា សម្រាប់ថ្ងៃទី២៥ ខែកក្កដា ជាថ្ងៃទី២ នៃសង្គ្រាមវេលាម៉ោង៣និង២០នាទី ទាហានថៃ បានធ្វើការវាយប្រហារនៅតំបន់ភ្នំខ្មោច តាថាវ និងភ្នំ៣៣៣ ។ នៅវេលាម៉ោង៥ និង២៥នាទី ថៃបានប្រើគ្រាប់បែកចង្កោ ម វាយប្រហារមកលើភ្នំខ្មោច ម៉ោង០៥និង៣០នាទី ថៃបានធ្វើការវាប្រហារនៅតំបន់ប្រាសាទតាមាន់ និងប្រាសាទតាក្របី នៅវេលាម៉ោង៥និង៤០នាទី ថៃបានធ្វើការវាយប្រហារនៅតំបន់មុំបី នៅវេលាម៉ោង៦និង ៥០នាទី ថៃបានចាញ់គ្រាប់ចង្កោមលើកទី២ មកភូមិតេជោសន្តិភាព ក្នុងស្រុកជាំសាន្ត ខេត្តព្រះវិហារ និងម៉ោង០៧និង៣នាទី ថៃបានបាញ់ចូលគោលដៅនៅតំបន់ជាំតែ នៅវេលាម៉ោង ៨ ថៃបានព្យាយាមវៃ យកប្រាសាទតាក្របីវិញ ប៉ុន្តែកងកម្លាំងបានតស៊ូយ៉ាងស្វិតស្វាញ និងប្តេជ្ញាការពារខានតែបាន មិនឲ្យមានការរំលោភដែនអធិតេយ្យភាពកម្ពុជាវិញបាននោះទេ ។
លោកជំទាវ បានគូសបញ្ជាក់ថា ៖ «នៅថ្ងៃទី២៥ កក្កដានេះ មានទីតាំងចំនួន៧ ត្រូវបានថៃបើកធ្វើការវាយប្រហារ មកដែនអធិបតេយ្យភាពកម្ពុជា ។ នៅក្នុងទិសទី១ មានចំនួន៥ទីតាំង និងទិសទី៣ មានចំនួន២ទីតាំង» ។
បើតាមលោកជំទាវ អ្នកនាំពាក្យ បានអះអាងថា ថៃមានចេតនាធ្វើការវាយប្រហារមកលើកម្ពុជា ដោយប្រើគ្រាប់បែកចង្កោម ដែលជាអំពើខុសច្បាប់អន្តរជាតិ។ អំពើឈ្លានពានដោយកម្រោលនេះ បានបំពានច្បាប់អន្តរជាតិ និងអនុសញ្ញាស្តីពីគ្រាប់បែបចង្កោម។ ហើយការប្រើប្រាស់អាវុធបែបនេះ បង្ហាញពីភាពឃោរឃៅ អមនុស្សធម៌របស់ថៃប៉ុណ្ណោះទេ ថែមទាំងឆ្លុះបញ្ចាំងឲ្យ មើលឃើញថា ថៃគ្មានការខ្លាចរអា ចំពោះច្បាប់មនុស្សធម៌អន្តរជាតិ និងបទដ្ឋានជាមូលដ្ឋានបំផុត ដែលគ្រប់គ្រងពីអរិយភាពរបស់ថៃ ។
លោកជំទាវ អ្នកនាំពាក្យ បានអះអាងទៀតថា ការពង្រាយគ្រាប់បែបចង្កោម ជាការគំរាមកំហែងយូរអង្វែងដល់ជនស៊ីវិល បរិស្ថាន គឺជាឧក្រិដ្ឋកម្មសង្គ្រាម ក្រោមច្បាប់អន្តរជាតិ និងបំផ្លិចបំផ្លាញសន្តិភាព និងសន្តិសុខក្នុងតំបន់ ។
ជាមួយគ្នានោះដែរ លោកជំទាវ បានលើកឡើងថា គិតចាប់ពីម៉ោង ៣រំលងអាត្រាធ្រ មកដល់ពេលនេះ ក៏មាននៅមានការវាយប្រហារពីសំណាក់កងទ័ពថៃ មកលើកកងទ័ពកម្ពុជា ផងដែរ ៕
ចែករំលែកព័តមាននេះ