ថៃរកឃើញគ្រា.ប់បែកបង្កៃថ្មី ៨កន្លែងនៅភូកេត និងក្រាប៊ី
ថៃ ៖ សារព័ត៌មានថៃខៅសធ បានរាយការណ៍ថា កាលពីថ្ងៃទី២៧ ខែមិថុនា ឆ្នាំ២០២៥ អាជ្ញាធរថៃ បានបន្តប្រតិបត្តិការស្វែងរកយ៉ាងដុតដៃដុតជើង នៅក្នុងខេត្តទេសចរណ៍សំខាន់ៗដូចជា…
ថៃ ៖ សារព័ត៌មានថៃខៅសធ បានរាយការណ៍ថា កាលពីថ្ងៃទី២៧ ខែមិថុនា ឆ្នាំ២០២៥ អាជ្ញាធរថៃ បានបន្តប្រតិបត្តិការស្វែងរកយ៉ាងដុតដៃដុតជើង នៅក្នុងខេត្តទេសចរណ៍សំខាន់ៗដូចជា ភូកេត និងក្រាប៊ី ដោយរកឃើញវត្ថុកែច្នៃគួរឱ្យសង្ស័យថា ជាគ្រាប់បែកបង្កៃយ៉ាងហោចណាស់ ៨កន្លែងបន្ថែម ។
ការរកឃើញគ្រា.ប់បែកបង្កៃថ្មីទាំង៨ ដែលសុទ្ធសឹងតែស្ថិតនៅក្នុងទីតាំងទេសចរណ៍ទាក់ទាញក្នុងនោះមាន ៦កន្លែង នៅភូកេត និង២កន្លែង នៅក្រាប៊ី ក៏ដូចជា ស៊ីគ្នានឹងចម្លើយសារភាពរបស់ក្រុមជនសង្ស័យ មកពីខេត្តប៉ាត់តានី ដែលទើបតែចាប់ខ្លួនបានកាលពីថ្មីៗនៅខេត្តផ៉ាងង៉ា បង្ហាញយ៉ាងច្បាស់ថា វាការប៉ុនប៉ងរបស់ក្រុមឧទ្ទាមបះបោរភាគខាងត្បូង មានគោលដៅបង្កភាពអសន្តិសុខ និងចលាចលដល់ខេត្តក្រាប៊ី ផាំងង៉ា និងភូកេត ។ ការរកឃើញចុងក្រោយនេះ រឹតតែធ្វើឱ្យអាជ្ញាធរថៃបង្កើនការប្រុងប្រយ័ត្នខ្ពស់ ដើម្បីធានាសុវត្ថិភាពជូនប្រជាជន និងភ្ញៀវទេសចរ ។
គួររំលឹកថា នៅព្រឹកថ្ងៃទី២៧ ខែមិថុនា ឆ្នាំ២០២៥ សមត្ថកិច្ច និងកងកម្លាំងជំនាញមកពីស្ថាប័នចម្រុះ រួមមានអាជ្ញាធរមូលដ្ឋានបានចុះត្រួតពិនិត្យយ៉ាងហ្មត់ចត់ នៅតំបន់ឆ្នេរស៊ូរិន ក្នុងស្រុកថាឡាង ខេត្តភូកេត ។
ការចុះត្រួតពិនិត្យនេះធ្វើឡើង បន្ទាប់ពីជនសង្ស័យបានសារភាពបន្ថែមថា ពួកគេបានលាក់គ្រា.ប់បែកបង្កៃចំនួន២ចំណុចទៀត នៅតាមបណ្តោយឆ្នេរមួយនេះ ហើយទីបំផុតត្រូវបានក្រុមមន្ត្រីបានរកឃើញ ពួកគេត្រូវគេកប់នៅក្រោមដើមឈើក្បែរបន្ទប់ទឹក និងកប់ក្រោមខ្សាច់ជាប់ឆ្នេរ ។
នៅថ្ងៃទី២៧ ខែមិថុនា ដដែលនោះ កងកម្លាំងថៃក៏បានបន្តប្រតិបត្តិការនៅខេត្តក្រាប៊ី ក៏បានរកឃើញវត្ថុផ្ទុះសង្ស័យ២គ្រាប់ទៀត ដោយ ៖ ចំណុចទី១ នៅឆ្នេរ ឆ្នេរអៅណាំង ដោយគ្រឿងផ្ទុះ ត្រូវបានគេលាក់នៅឯជញ្ជាំងការពាររលកក្បែររូបចម្លាក់ត្រីសមុទ្រ នៅស្រុកមឿង ខេតក្រាប៊ី ។
អ្វីដែលគួរឲ្យចាប់អារម្មណ៍បំផុតនោះ គឺក្រុមមន្ត្រីជំនាញជឿជាក់ថា ជនល្មើសបានកំណត់ពេលវេលាបំផ្ទុះខុសដោយច្រឡំពី«ម៉ោង» ទៅជា«ថ្ងៃ» ។ គ្រាប់នេះត្រូវបានគេកំណត់ពេលបំផ្ទុះ១២០ថ្ងៃ (ប្រហែល៤ខែ) ខណៈដែលក្រុមអ្នកជំនាញជឿថា ជនល្មើសប្រហែលជាចង់កំណត់ត្រឹម១២០ម៉ោង ខ្ទង់ប្រហែល៥ថ្ងៃ)។
ហើយដោយសារបែបនេះវាផ្តល់ពេលវេលាគ្រប់គ្រាន់ ដើម្បីស្វែងរក និងបន្សាបមុនពេលវាផ្ទុះបង្កគ្រោះថ្នាក់ ។ លុះល្ងាចឡើងនៅចំណុចទី២ នៅម៉ោង៥ក្រុមមន្ត្រីជំនាញបានរកឃើញវត្ថុផ្ទុះសង្ស័យជាគ្រាប់បែកបង្កៃមួយគ្រា.ប់ទៀត ក្បែររូបចម្លាក់ «ហុយឆាក់ទីន» នៅមុខឆ្នេរណុបផៈរ៉ាត់ថារ៉ា ស្រុកមឿង ក្រាប៊ី ។ ប៉ុន្តែក្រោយការត្រួតពិនិត្យវាមិនមែនជាគ្រាប់បែកនោះទេ ហើយក្រុមមន្ត្រីជឿថា វាប្រហែលជាត្រូវបានគេដាក់ដើម្បីបំភាន់ភ្នែកអាជ្ញាធរតែប៉ុណ្ណោះ ៕
ចែករំលែកព័តមាននេះ