រាជជានីភ្នំពេញ ៖ ក្រសួងអប់រំ យុវជន និងកីឡា បានក្រើនរំលឹកដល់បេក្ខជនទាំងអស់ ត្រូវទទួលទានទឹក ឱ្យបានគ្រប់គ្រាន់ សម្រាកឱ្យបានគ្រប់គ្រាន់ ក្រោកពីព្រលឹម…
រាជជានីភ្នំពេញ ៖ ក្រសួងអប់រំ យុវជន និងកីឡា បានក្រើនរំលឹកដល់បេក្ខជនទាំងអស់ ត្រូវទទួលទានទឹក ឱ្យបានគ្រប់គ្រាន់ សម្រាកឱ្យបានគ្រប់គ្រាន់ ក្រោកពីព្រលឹម រក្សាសុវត្ថិភាពចរាចរណ៍ដោយប្រុងប្រយ័ត្ន ។
យោងតាមបណ្តាញសង្គមរបស់ក្រសួងអប់រំ នៅយប់ថ្ងៃទី២៧ ខែសីហា ឆ្នាំ២០២៥ ថា ៖ ប្អូនៗជាបេក្ខជនទាំងអស់ ជាទីស្រឡាញ់ ថ្ងៃស្អែក គឺជាថ្ងៃចាប់ផ្តើមដំណើរការសំណេរ នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ៖ ២៨ សីហា ២០២៥ សូមប្អូនៗទាំងអស់ រំលឹកមេរៀន ទទួលទានទឹកឱ្យបានគ្រប់គ្រាន់ សម្រាកឱ្យបានគ្រប់គ្រាន់ ក្រោកពីព្រលឹម រក្សាសុវត្ថិភាពចរាចរណ៍ ទៅមណ្ឌលឱ្យបានទៀងម៉ោង ខិតខំថែរក្សាអនាម័យ និងសុខភាពឱ្យបានល្អ ជាពិសេសទទួលទានអាហារពេលព្រឹកឱ្យបានគ្រប់គ្រាន់ ប្អូនៗត្រូវមានភាពក្លាហាន អារម្មណ៍នឹងន ប្រកបដោយភាពជឿជាក់ និងប្រុងប្រយ័ត្នក្នុងពេលប្រឡង ។
ជាមួយគ្នានេះ ប្អូនៗត្រូវគោរពច្បាប់ចរាចរណ៍ និងប្រុងប្រយ័ត្នខ្ពស់ ក្នុងពេលធ្វើដំណើរទៅនិងមកមណ្ឌលប្រឡង។ សូមជូនពរប្អូនៗ ជាបេក្ខជនទាំងអស់ ទទួលបានលទ្ធផលល្អនៅក្នុងការប្រឡងគ្រប់ៗគ្នា ៕
ចែករំលែកព័តមាននេះ