រដ្ឋាភិបាលអាមេរិកថ្លែងថា កសិករដាំសណ្តែកសៀងនឹងប្រមូលផលបានតិចរហូតដល់ទៅ៩ឆ្នាំ បន្ទាប់ពីខែមិថុនា និងកក្កដា ដែលជាពេលវេលាក្តៅ និងហួតហែងបំផុតចាប់តាំងពីឆ្នាំ១៩៣៦មក ។ ចំណែកតម្លៃសណ្តែកសៀងវិញឡើងថ្លៃខ្លាំងបំផុតក្នុងពេល៣សប្តាហ៍កន្លងមកនេះ ។ ផលិតផលសណ្តែកសៀងនឹងធ្លាក់ដល់២,៦៣៤ពាន់លានប៊ូសែលស្មើនឹង៧១,៦៩លានតោន ពោលគឺ
រដ្ឋាភិបាលអាមេរិកថ្លែងថា កសិករដាំសណ្តែកសៀងនឹងប្រមូលផលបានតិចរហូតដល់ទៅ៩ឆ្នាំ បន្ទាប់ពីខែមិថុនា និងកក្កដា ដែលជាពេលវេលាក្តៅ និងហួតហែងបំផុតចាប់តាំងពីឆ្នាំ១៩៣៦មក ។ ចំណែកតម្លៃសណ្តែកសៀងវិញឡើងថ្លៃខ្លាំងបំផុតក្នុងពេល៣សប្តាហ៍កន្លងមកនេះ ។ ផលិតផលសណ្តែកសៀងនឹងធ្លាក់ដល់២,៦៣៤ពាន់លានប៊ូសែលស្មើនឹង៧១,៦៩លានតោន ពោលគឺធ្លាក់ចុះ១៤%ពី៣,០៥៦ពាន់លានប៊ូសែលកាលពីឆ្នាំ២០១១ ។ នេះបើតាមក្រសួងកសិកម្មអាមេរិកឱ្យដឹង ។
កាលពីខែមុន ក្រសួងកសិកម្មធ្លាប់បានព្យាករថា ដំណាំសណ្តែកសៀងនឹងធ្លាក់ដល់២,៦៩២ពាន់លានប៊ូសែលឯណោះ ។ នៅក្នុងឆ្នាំនេះតម្លៃសណ្តែកសៀងឡើង៤៥% ហើយកាលពីសប្តាហ៍មុនក៏ឡើងថ្លៃគួរឱ្យកត់សម្គាល់ដែរ ។ អាមេរិកជាប្រទេសដែលដាំដុះដំណាំកសិកម្មធំបំផុតលើពិភពលោក ហើយ៣ឆ្នាំកន្លងមកនេះទិន្នផលកសិកម្មធ្លាក់ចុះរហូត ខណៈដែលតម្រូវការសណ្តែកសៀង និងប្រេងឆាកំពុងកើនឡើងនៅក្នុងប្រទេសចិន ។
លោកជើរី ហ្គីដែល (Jerry Gidel) អ្នកវិភាគចំណីអាហារ និងធញ្ញជាតិនិយាយថា យើងមានកង្វះខាតខ្លាំងដែលមិនធ្លាប់មានពីមុនមកហើយត្រូវការតម្លៃខ្ពស់ដើម្បីទម្លាក់តម្រូវការ។ ឧស្សាហកម្មផលិតទឹកដោះគោ និងសាច់គោរបស់អាមេរិកត្រូវតែប្រើប្រាស់សណ្តែកសៀងសម្រាប់ជាចំណីគោឱ្យបានតិចជាងមុនដើម្បីសល់ខ្លះសម្រាប់កសិដ្ឋានចិញ្ចឹមជ្រូក និងមាន់ទា ៕
ចែករំលែកព័តមាននេះ