តម្លៃប្រេងសាំងឡើងថ្លៃបានរុញច្រានឱ្យតម្លៃលក់រាយឡើងខ្ពស់កាលពីខែមុននៅអាមេរិកដែលមិនធ្លាប់មានក្នុងរយៈពេល៣ឆ្នាំកន្លងមកនេះ ។ ប៉ុន្តែក្រៅពីថាមពល និងម្ហូបអាហារ របស់របរផ្សេងទៀតមានតម្លៃធម្មតា ។ បើតាមសន្ទស្សន៍តម្លៃលក់រាយកើន១,៧%នៅក្នុងខែសីហា ។ ការឡើងថ្លៃបែបនេះគឺដោយសារតម្លៃឧស្ម័នហក់ឡើងខ្ពស់ដល់ទៅ១៣,៦%ឯណោះដែលជាការឡើង
តម្លៃប្រេងសាំងឡើងថ្លៃបានរុញច្រានឱ្យតម្លៃលក់រាយឡើងខ្ពស់កាលពីខែមុននៅអាមេរិកដែលមិនធ្លាប់មានក្នុងរយៈពេល៣ឆ្នាំកន្លងមកនេះ ។ ប៉ុន្តែក្រៅពីថាមពល និងម្ហូបអាហារ របស់របរផ្សេងទៀតមានតម្លៃធម្មតា ។ បើតាមសន្ទស្សន៍តម្លៃលក់រាយកើន១,៧%នៅក្នុងខែសីហា ។ ការឡើងថ្លៃបែបនេះគឺដោយសារតម្លៃឧស្ម័នហក់ឡើងខ្ពស់ដល់ទៅ១៣,៦%ឯណោះដែលជាការឡើងខ្ពស់ខ្លាំងបំផុតក្នុងរយៈពេល៣ឆ្នាំកន្លងមកនេះ ។ តម្លៃម្ហូបអាហារកើន០,៩%ដែលការកើនឡើងនេះដោយសារតម្លៃស៊ុត និងផលិតផលធ្វើពីទឹកដោះគោឡើងថ្លៃខ្ពស់កប់ពពកដែរ ។
តម្លៃម្ហូបអាហារទំនងជានឹងកើនឡើងនៅខែក្រោយៗដោយសារតែភាពរាំងស្ងួតនៅក្នុងតំបន់ភាគកណ្តាលខាងជើងអាមេរិកបានធ្វើឱ្យពោត សណ្តែកសៀង និងដំណាំធញ្ញជាតិជាច្រើនទៀតឡើងថ្លៃខ្លាំង ។ កាលពីខែមុនតម្លៃពោតឡើង៤៤% ធ្វើឱ្យម្ហូបអាហារនៅហាងលក់គ្រឿងទេសនានាឡើងថ្លៃដែរ ។
ពោតត្រូវបានគេប្រើប្រាស់ដើម្បីផលិតជាសូដា គ្រឿងផ្សំធ្វើនំ និងស្ករគ្រាប់ជាដើម ហើយក៏ជាចំណីគោ-ក្របី និងជ្រូកផងដែរ ។ នេះមានន័យថា កាលណាពោតឡើងថ្លៃ សាច់គោនិងសាច់ជ្រូកក៏ឡើងថ្លៃដែរ ។
តាមការស្ទាបស្ទង់តម្លៃម្ហូបអាហារនៅដំណាក់កាលបឋមគឺកើន២,៤% កាលពីខែមុនដែលកើនឡើងខ្លាំងបំផុតក្នុងរយៈពេល១៨ខែកន្លងមកនេះ ដោយសារតម្លៃចំណីសត្វឡើងខ្ពស់។ ដោយឡែក តម្លៃឧស្ម័នបានរើបឡើងវិញបន្ទាប់ពីធ្លាក់ចុះជិត៤ដុល្លារក្នុង១ហ្គាឡុង កាលពីនិទាឃរដូវមុន ។ ឧស្ម័នតាមស្ថានីយមានតម្លៃ៣,៨៧ដុល្លារក្នុង១ហ្គាឡុងទូទាំងប្រទេសកាលពីថ្ងៃព្រហស្បតិ៍ ពោលគឺកើន១៧%ខ្ពស់ជាងបណ្តាខែមុនៗ ៕
ចែករំលែកព័តមាននេះ