នាវាចម្បាំងរបស់ប្រទេសដល់ទៅ៣០បានប្រមូលផ្តុំនៅឈូងសមុទ្រពែរ្ស៍ កាលពីថ្ងៃទី១៦ កញ្ញា ដើម្បីធ្វើសមយុទ្ធយោធាជើងទឹកដ៏ធំមួយ ដឹកនាំធ្វើដោយសហរដ្ឋអាមេរិកក្នុងកាលៈទេសៈមានភាពតានតឹងក្នុងតំបន់មកពីសកម្មភាពនុយក្លេអ៊ែររបស់អុីរ៉ង់ ។
សមយុទ្ធនោះដែលដឹកនាំធ្វើដោយទីបញ្ជាការកណ្តាលកងកម្លាំងជើងទឹក អាមេរិក មានមូលដ្ឋាននៅប្រទេសបារ៉ែន ផ្តោតលើការ
នាវាចម្បាំងរបស់ប្រទេសដល់ទៅ៣០បានប្រមូលផ្តុំនៅឈូងសមុទ្រពែរ្ស៍ កាលពីថ្ងៃទី១៦ កញ្ញា ដើម្បីធ្វើសមយុទ្ធយោធាជើងទឹកដ៏ធំមួយ ដឹកនាំធ្វើដោយសហរដ្ឋអាមេរិកក្នុងកាលៈទេសៈមានភាពតានតឹងក្នុងតំបន់មកពីសកម្មភាពនុយក្លេអ៊ែររបស់អុីរ៉ង់ ។
សមយុទ្ធនោះដែលដឹកនាំធ្វើដោយទីបញ្ជាការកណ្តាលកងកម្លាំងជើងទឹក អាមេរិក មានមូលដ្ឋាននៅប្រទេសបារ៉ែន ផ្តោតលើការរុករកនិងកម្ទេចចោលគ្រាប់មីន ។
សមយុទ្ធនោះចូលរួមដោយកងនាវាចម្បាំង និងបណ្តាទាហានមកពីប្រទេស៣០នៃទ្វីប៦ ។ នេះជាការអះអាងរបស់កងទ័ពអាមេរិកដោយមិនបញ្ជាក់ឈ្មោះប្រទេសទាំងឡាយដែលចូលរួម ។យោងតាមក្រុងវ៉ាស៊ីនតោនថា ពុំធ្លាប់ដែលមានប្រទេសច្រើនបែបនេះចូលរួមក្នុងសមយុទ្ធយោធានៅមជ្ឈិមបូព៌ាឡើយ ។ សមយុទ្ធនោះប្រព្រឹត្តទៅរហូតដល់ដំណាច់ខែកញ្ញានេះ ។
ប្រទេសអុីរ៉ង់ កាលពីខែមករា កន្លងមកនេះបានគំរាមបិទច្រកសមុទ្រអ័រមូសដែលជាច្រកឆ្លងកាត់សំខាន់មួយនៃនាវាដឹកប្រេងលើពិភពលោក ។អុីរ៉ង់ក៏គំរាមផងដែរថា នឹងវាយប្រហារបណ្តាផលប្រយោជន៍អាមេរិក ក្នុងឈូងសមុទ្រពែរ្ស៍ ក្នុងករណីមានការវាយប្រហារប្រឆាំងបណ្តាទីតាំងនុយក្លេអ៊ែរររបស់ខ្លួន ៕
ចែករំលែកព័តមាននេះ