បាតុកម្មប្រឆាំងជប៉ុនដោយសារជម្លោះប្រជុំកោះឌីអាវយូឬសេនកាគូកាលពីថ្ងៃទី១៦ កញ្ញា ប្រមូលផ្តុំមនុស្សជាច្រើនពាន់នាក់ក្នុងទីក្រុងជាច្រើនរបស់ចិន សម្រាប់២ថ្ងៃជាប់គ្នា ។បាតុកម្មទាំងនោះចាប់ផ្តើមកាលពីថ្ងៃទី១៥ កញ្ញា ក្នុងទីក្រុងចិនជាច្រើនមានទាំងនៅក្រុងប៉េកាំងផងដែរ ។
បាតុកម្មប្រឆាំងជប៉ុនដោយសារជម្លោះប្រជុំកោះឌីអាវយូឬសេនកាគូកាលពីថ្ងៃទី១៦ កញ្ញា ប្រមូលផ្តុំមនុស្សជាច្រើនពាន់នាក់ក្នុងទីក្រុងជាច្រើនរបស់ចិន សម្រាប់២ថ្ងៃជាប់គ្នា ។បាតុកម្មទាំងនោះចាប់ផ្តើមកាលពីថ្ងៃទី១៥ កញ្ញា ក្នុងទីក្រុងចិនជាច្រើនមានទាំងនៅក្រុងប៉េកាំងផងដែរ ។
នៅរដ្ឋធានីចិនពួកបាតុករ បានប្រមូលផ្តុំគ្នានៅស្ថានទូតជប៉ុនក្រោយការប្រកាសរបស់ក្រុងតូក្យូទិញយកពីម្ចាស់ឯកជនជាគ្រួសារជប៉ុនមួយនូវប្រជុំកោះនោះដែលចិនហៅឈ្មោះថា ឌីអាវយូ ហើយជប៉ុនហៅសេនកាគូ ។ កាលពីថ្ងៃទី១៦ កញ្ញា ប៉ូលិសចិនបានធ្វើអន្តរាគមន៍ ដោយបាញ់ឧស័្មនបង្ហូរទឹកភ្នែក និងកាណុងបាញ់ទឹកដើម្បីបំបែកមនុស្សជាច្រើនពាន់នាក់ ដែលធ្វើការតវ៉ា នៅតាមមហាវិថីមួយនៅទីក្រុងសេនហ្សេន ជិតក្រុងហុងកុងដែលនៅទីនោះពួកបាតុករបានប៉ុនប៉ងទម្លុះរបាំងការពាររបស់ប៉ូលិស ហើយសម្រុកចូលហាងជប៉ុនមួយ។ ការវាយប្រហារប្រហាក់ប្រហែលគ្នានោះដែរប្រឆាំងបណ្តាហាងទំនិញរថយន្តនិងភោជនីយដ្ឋានជប៉ុនកើតមានក្នុងទីក្រុងចិនយ៉ាងតិច៥ ។
ចំណែកទូរទស្សន៍ជប៉ុនNHK រាយការណ៍ថា ពួកបាតុករបានចូលកាលពីថ្ងៃទី១៥ កញ្ញា ក្នុងរោងចក្រជប៉ុនចំនួន១០នៅទីក្រុង កិញដាវ ភាគខាងកើតចិនដោយបាតុកម្មរាលដាលដល់ទីក្រុងចិនចំនួន៧២ ។NHK រាយការណ៍ផងដែរថា នាយករដ្ឋមន្ត្រីជប៉ុនលោក យូស៊ីហុីកូណូដា បានជំរុញឱ្យរដ្ឋាភិបាលចិនការពារសន្តិសុខបណ្តាជនជាតិជប៉ុននិងបណ្តាសហគ្រាសជប៉ុន ៕
ចែករំលែកព័តមាននេះ