ចច ឡូរេនហ្សូបានសម្តែងនូវក្តីត្រេកអរយ៉ាងខ្លាំងបន្ទាប់ពីខ្លួនបានយកឈ្នះជើងឯកប្រណាំងម៉ូតូជីភីជាថ្មីទៀតសម្រាប់រដូវកាលឆ្នាំថ្មីក្នុងកម្មវិធី San Marino MotoGP Grand Prix នៅទីលានប្រណាំង Misano circuit ប្រទេសសាន់ម៉ារីណូកាលពីថ្ងៃអាទិត្យទី១៦កញ្ញាកន្លងមកនេះ ។
ចច ឡូរេនហ្សូបានសម្តែងនូវក្តីត្រេកអរយ៉ាងខ្លាំងបន្ទាប់ពីខ្លួនបានយកឈ្នះជើងឯកប្រណាំងម៉ូតូជីភីជាថ្មីទៀតសម្រាប់រដូវកាលឆ្នាំថ្មីក្នុងកម្មវិធី San Marino MotoGP Grand Prix នៅទីលានប្រណាំង Misano circuit ប្រទេសសាន់ម៉ារីណូកាលពីថ្ងៃអាទិត្យទី១៦កញ្ញាកន្លងមកនេះ ។
ឡូរេនហ្សូដែលជាអ្នកបើកបរឱ្យក្រុមយ៉ាម៉ាហាបានបញ្ចប់ការប្រណាំងដែលមាន២៧ជុំក្នុងថិរវេលា ៤២នាទីនិង៤៩.៨៣៦វិនាទីប្រជែងយកឈ្នះកីឡាករអុីតាលី វ៉ាឡឹនទីណូ រ៉ូស៊ីបើកបរឱ្យក្រុម Ducati ដែលបានបញ្ចប់ការប្រណាំងក្នុងថិរវេលា៤២នាទីនិង៥៤.២៣៤វិនាទីពោលគឺយឺតជាងឡូរេនហ្សូ ៤.៣៩៨វិនាទី។ ចំណាត់ថ្នាក់លេខ៣បានទៅលើកីឡាករអេស្ប៉ាញ Alvaro Bautista បើកបរឱ្យក្រុម Gresini Honda។ Bautistaបានបញ្ចប់ការប្រណាំងក្នុងថិរវេលា ៤២នាទីនិង៥៥.៨៩១វិនាទី។ ចំណែកកីឡាករអុីតាលីម្នាក់ទៀត Andrea Dovizioso បញ្ចប់ការប្រណាំងក្នុងចំណាត់ថ្នាក់លេខ៤។ បើកបរឱ្យក្រុម Tech 3Yamaha Doviziosoបានប្រើអស់ថិរវេលា៤២នាទីនិង ៥៥.៨៩៤វិនាទី។
កីឡាករអាមេរិក Ben Spiesបើកបរឱ្យក្រុមយ៉ាម៉ាហាបញ្ចប់ការប្រណាំងដោយប្រើអស់ថិរវេលា៤២នាទីនិង៥៧.៣៧៩វិនាទីប្រជែងយកឈ្នះកីឡាករអាល្លឺម៉ង់ Stefan Bradl បើកបរឱ្យក្រុម LCR Honda ។ កីឡាករអាមេរិក Nicky Haydenបើកបរឱ្យក្រុមDucatiបានបញ្ចប់ការប្រណាំងក្នុងថិរវេលា៤៣នាទីនិង៣០.៧៤៣វិនាទីពោលគឺ៤០.៩០៧វិនាទីយឺតជាងកីឡាករឡូរេនហ្សូនិងស្ថិតនៅចំណាត់ថ្នាក់លេខ៧ ។
សម្រាប់កីឡាករឡូរេនហ្សូ នេះគឺជាជ័យជម្នះជើងឯកលើកទី៤ហើយក្នុងរដូវកាលប្រណាំងឆ្នាំ២០១២នេះ។ ថ្លែងបន្ទាប់ពីដណ្តើមបានជោគជ័យលើកទី៤នេះ ឡូរេនហ្សូបានបញ្ជាក់ថា៖«ខ្ញុំសប្បាយចិត្តជាខ្លាំងចំពោះជ័យជម្នះជាលើកទី៤នេះ។ ខ្ញុំពិតជាត្រូវការវាយ៉ាងចាំបាច់បំផុត។ ការប្រណាំង៣លើកចុងក្រោយនេះសម្រាប់ខ្ញុំគឺជាសុបិនអាក្រក់។ ប៉ុន្តែក្នុងពេលនេះសុបិនល្អបានវិលមករកខ្ញុំវិញហើយ »។
ការយកឈ្នះពានជើងឯកលើកនេះបានធ្វើឱ្យកីឡាករចច ឡូរេនហ្សូទទួលបានពិន្ទុ២៧០ស្ថិតនៅលំដាប់ទី១នៃតារាងជើងឯកពិភពលោកតាមពីក្រោយដោយកីឡាករមិត្តរួមជាតិដានី ប៉េដ្រូហ្សាដែលស្ថិតនៅលំដាប់ទី២មាន២៣២ពិន្ទុ ។ កីឡាករអូស្ត្រាលីខាស៊ី ស្តូន័រសន្សំបាន១៨៦ពិន្ទុស្ថិតនៅលំដាប់ទី៣តាមពីក្រោយដោយកីឡាករអុីតាលី Andrea Dovizioso ដែលមាន១៦៣ពិន្ទុ ៕
ចែករំលែកព័តមាននេះ