សភាយេម៉ែនកាលពីថ្ងៃទី១៥ កញ្ញា បានស្នើឱ្យដកទាហានម៉ារីន១ក្រុមដែលអាមេរិកបញ្ចូនទៅកាន់រដ្ឋធានីសាណា ក្រោយបាតុកម្មដែលសម្រុកទៅកាន់ស្ថានទូតអាេមរិកដើម្បីតវ៉ាប្រឆាំងខ្សែភាពយន្តប្រមាថអ៊ិស្លាមផលិតនៅអាមេរិក ។ក្នុងសេចក្តីប្រកាសមួយសភាយេម៉ែនគូសបញ្ជាក់ថា សភាបដិសេធយ៉ាងម៉ឺងម៉ាត់រាល់វត្តមានយោធាបរទេសក្នុងដែនដីយេម៉ែន ទោះជាក្រោម
សភាយេម៉ែនកាលពីថ្ងៃទី១៥ កញ្ញា បានស្នើឱ្យដកទាហានម៉ារីន១ក្រុមដែលអាមេរិកបញ្ចូនទៅកាន់រដ្ឋធានីសាណា ក្រោយបាតុកម្មដែលសម្រុកទៅកាន់ស្ថានទូតអាេមរិកដើម្បីតវ៉ាប្រឆាំងខ្សែភាពយន្តប្រមាថអ៊ិស្លាមផលិតនៅអាមេរិក ។ក្នុងសេចក្តីប្រកាសមួយសភាយេម៉ែនគូសបញ្ជាក់ថា សភាបដិសេធយ៉ាងម៉ឺងម៉ាត់រាល់វត្តមានយោធាបរទេសក្នុងដែនដីយេម៉ែន ទោះជាក្រោមលេសអ្វីក៏ដោយ ។ កិច្ចការពារសន្តិសុខស្ថានទូតអាមេរិកគឺជាកាតព្វកិច្ចរបស់រដ្ឋាភិបាលយេម៉ែន ។ យើងស្នើឱ្យកងទាហានអាមេរិកនោះដកចេញជាបន្ទាន់ ពីក្រុងសាណា ។
មន្ទីរប៉ង់តាហ្គោន ប្រកាសកាលពីថ្ងៃទី១៤ កញ្ញា បញ្ជូនទាហានម៉ារីន មួយកងដើម្បីពង្រឹងសន្តិសុខស្ថានទូតអាមេរិក ក្រោយការវាយប្រហាររបស់ពួកបាតុករ ។ ទាហានម៉ារីនអាមេរិកប្រមាណជា១០០នាក់បញ្ជូនមកដល់រួចហើយ ។ ចំណែកនៅក្រុងប៉ារីស ប្រទេសបារំាងវិញមានបាតុកម្មមួយកាលពីថ្ងៃទី១៥ កញ្ញា នៅជិតស្ថានទូតអាមេរិក ដើម្បីតវ៉ាប្រឆាំងខ្សែភាពយន្តប្រមាថអ៊ិស្លាម ដែលញុំាងឱ្យមានការចាប់ខ្លួនមនុស្ស១៥០នាក់ ។
នៅក្រុងការ៉ាជី ប្រទេសប៉ាគីស្ថាន នាថ្ងៃទី១៦ កញ្ញា ក៏មានបាតុកម្មប្រឆាំងអាមេរិកដែរ ដោយពួកបាតុករនាំគ្នាដុតទង់ជាតិអាមេរិក។ក្រសួងការបរទេសអាមេរិកកាលពីថ្ងៃទី១៥ កញ្ញា បានស្នើដល់ជនជាតិអាមេរិក ឱ្យចាកចេញពីប្រទេសទុយនីស៊ីក្រោយការប៉ះទង្គិចគ្នា រវាងពួកបាតុករប្រឆាំងនៅមុខស្ថានទូតអាមេរិកប្រចាំក្រុងទុយនីស៊ី ដែលបណ្តាលឱ្យមនុស្សស្លាប់៤នាក់ និងរបួស៤៩នាក់ ។ អាជ្ញាធរអាមេរិកព្រមានផងដែរដល់ពលរដ្ឋអាេមរិក ដែលចង់ធ្វើដំណើរទៅកាន់ស៊ូដង់ ជាប្រទេសមួយមានបាតុកម្មហិង្សា ប្រឆាំងអាមេរិកដែរ ៕
ចែករំលែកព័តមាននេះ