បេសកជនរួមរបស់អ.ស.ប និងសម្ព័ន្ធអារ៉ាប់សម្រាប់ស៊ីរីលោក ឡាក់ដា ប្រាហ៊ីមីគូសបញ្ជាក់កាលពីថ្ងៃទី១៥ កញ្ញា ថា ប្រធានាធិបតីស៊ីរីលោកបាចាអាល់អាសាដយល់ពីភាពធ្ងន់ធ្ងរនៃវិបត្តិបច្ចុប្បន្នរបស់ប្រទេស ។ក្នុងសន្និសីទសារព័ត៌មានមួយក្រោយជួបជាមួយលោកអាសាដ លោកប្រាហ៊ីមី ថ្លែងថា យើងបាននិយាយគ្នា ហើយយល់ថា លោកប្រធានាធិបតីអាសាដយល់ច្បាស់ជាងខ្ញុំ
បេសកជនរួមរបស់អ.ស.ប និងសម្ព័ន្ធអារ៉ាប់សម្រាប់ស៊ីរីលោក ឡាក់ដា ប្រាហ៊ីមីគូសបញ្ជាក់កាលពីថ្ងៃទី១៥ កញ្ញា ថា ប្រធានាធិបតីស៊ីរីលោកបាចាអាល់អាសាដយល់ពីភាពធ្ងន់ធ្ងរនៃវិបត្តិបច្ចុប្បន្នរបស់ប្រទេស ។ក្នុងសន្និសីទសារព័ត៌មានមួយក្រោយជួបជាមួយលោកអាសាដ លោកប្រាហ៊ីមី ថ្លែងថា យើងបាននិយាយគ្នា ហើយយល់ថា លោកប្រធានាធិបតីអាសាដយល់ច្បាស់ជាងខ្ញុំលើទំហំនៃវិបត្តិបច្ចុប្បន្ននិងភាពធ្ងន់ធ្ងររបស់វា ។
លោកប្រាហ៊ីមីគូសបញ្ជាក់ជាថ្មី ម្តងទៀត នៅមុខក្រុមអ្នកកាសែតថា វិបត្តិស៊ីរីគ្រោះថ្នាក់ខ្លាំងណាស់ដោយវិបត្តិនេះ កាន់តែធ្ងន់ធ្ងរ និងមានគ្រោះថ្នាក់បំផុតសម្រាប់ប្រជាជនស៊ីរី តំបន់និងពិភពលោក ។ លោកបានប្រាប់ដល់លោកអាសាដថា លោកនឹងខិតខំស្វែងរកគំនិតនិងបណ្តាលទ្ធភាពជួយប្រជាជនស៊ីរី ឱ្យចេញផុតពីវិបត្តិនោះ ។ លោកបន្តថាលោកពុំទាន់មានផែនការច្បាស់លាស់មួយនៅឡើយសម្រាប់ពេលនេះ តែលោកនឹងទៅកាន់គ្រប់ប្រទេសទាំងអស់ ដែលទាក់ទិននឹងស៊ីរី ដើម្បីរៀបចំផែនការមួយដែលនឹងអាចជួយបញ្ចប់វិបត្តិ ។
លោកប្រាហ៊ីមី មកដល់ស៊ីរីកាលពីថ្ងៃទី១៣ កញ្ញា កន្លងមកនេះ ដើម្បីបំពេញទស្សនកិច្ចរយៈពេល៣ថ្ងៃមួយនៅទីនោះនិង ជួបជាមួយបណ្តាអ្នកទទួលខុសត្រូវរដ្ឋាភិបាលនិងបណ្តាតំណាងរបស់ពួកប្រឆាំង ៕
ចែករំលែកព័តមាននេះ