យោងតាមប្រភពក្រសួងសុខាភិបាលអេហ្ស៊ីបដកស្រង់ផ្សាយដោយសារព័ត៌មានផ្លូវការMENA ថា មនុស្សយ៉ាងតិច២២៤នាក់ត្រូវរបួសកាលពីថ្ងៃទី១៣ កញ្ញា នៅមុខស្ថានទូតសហរដ្ឋអាមេរិកប្រចាំទីក្រុងគែរ រវាងកងកម្លាំងសន្តិសុខ និងពួកបាតុករអេហ្ស៊ីបដែលតវ៉ាប្រឆាំងនឹងខ្សែភាពយន្តប្រឆាំងអ៊ិស្លាមអាមេរិកមួយ ។
យោងតាមប្រភពក្រសួងសុខាភិបាលអេហ្ស៊ីបដកស្រង់ផ្សាយដោយសារព័ត៌មានផ្លូវការMENA ថា មនុស្សយ៉ាងតិច២២៤នាក់ត្រូវរបួសកាលពីថ្ងៃទី១៣ កញ្ញា នៅមុខស្ថានទូតសហរដ្ឋអាមេរិកប្រចាំទីក្រុងគែរ រវាងកងកម្លាំងសន្តិសុខ និងពួកបាតុករអេហ្ស៊ីបដែលតវ៉ាប្រឆាំងនឹងខ្សែភាពយន្តប្រឆាំងអ៊ិស្លាមអាមេរិកមួយ ។
ការប៉ះទង្គិចគ្នា នានាបន្តរហូតដល់យប់ថ្ងៃទី១៣ កញ្ញា ទៀត ។ ពួកបាតុករបានគប់ដបសាំងដុតនិងដុំថ្មលើកងកម្លាំងសន្តិសុខដែលបានប្រើឧស្ម័នបង្ហូរទឹកភ្នែកតបតវិញ។ បាតុករនិងសមាជិកកងកម្លាំងសន្តិសុខជាច្រើននាក់ត្រូវបញ្ជូនទៅមន្ទីរពេទ្យ ។ ក្រសួងសុខាភិបាលអេហ្ស៊ីប គ្រោងដាក់ពង្រាយរថយន្តសង្គ្រោះ៤២គ្រឿងនាថ្ងៃសុក្រទី១៤ កញ្ញា ជាថ្ងៃសូត្រធម៌ ឬជាថ្ងៃសំខាន់ប្រចាំសប្តាហ៍របស់ពួកអ៊ិស្លាម នៅជិតព្រះវិហារទាំងឡាញដោយសារក្រុមអ៊ិស្លាមនិយមបានអំពាវនាវដល់ពលរដ្ឋអេហ្ស៊ីបឱ្យបន្តការតវ៉ាប្រឆាំងខ្សែភាពយន្តរឿង«ភាពស្លូតត្រង់របស់អ៊ិស្លាម »នោះ ។
កាលពីព្រឹកថ្ងៃទី១២ កញ្ញា កន្លងមកនេះ រដ្ឋាភិបាលអេហ្ស៊ីបបានប្រកាសថ្កោលទោសដល់ខ្សែភាពយន្តនេះ ហើយស្នើដល់សហរដ្ឋអាមេរិកឱ្យបើកនីតិវិធីចាំបាច់មួយប្រឆាំងផលិតករខ្សែភាពយន្តនោះ ៕
ចែករំលែកព័តមាននេះ